Morgunblaðið - 22.04.1997, Blaðsíða 72
MORGUNBLADIB, KRINGLAN 1, 103 REYKJAVÍK, SÍMI 569 1100, SÍMBRÉF 569 1181,
PÓSTHÓLF 3040, NETFANG MBL(SCENTRUM.1S / AKUREYRI: KAUPVANGSSTRÆTl 1
ÞRIÐJUDAGUR 22. APRÍL 1997
VERÐ í LAUSASÖLU 125 KR. MEÐ VSK
Viðræður verkalýðsfélaga í VMSÍ og atvinnurekenda
Samkomulag liggur
að mestu leyti fyrir
FULLTRÚAR flestra þeirra tólf verkalýðsfélaga
innan VMSÍ, sem felldu kjarasamningana er gerð-
ir voru 24. mars sl., komu til samningafundar
með viðsemjendum hjá ríkissáttasemjara eftir
hádegi í gær. Óformlegar viðræður fóru einnig
fram um helgina og lá í gær fyrir óformlegt sam-
komulag um helstu breytingar á samningunum
sem rætt hefur verið um og bar fremur lítið í
milli varðandi eitt atriði sem enn var óleyst, skv.
upplýsingum Morgunblaðsins.
Fulltrúar fimm verkalýðsfélaga komu til við-
ræðna hjá sáttasemjara í gær en þau fara einn-
ig með samningsumboð fyrir fleiri félög. Síðdeg-
is var ákveðið að fresta viðræðum til kl. 10 í
dag en ekki lá þá fyrir hvort verkalýðsfélög á
Austurlandi, sem felldu samningana á dögunum,
stæðu að gerð nýrra samninga með þeim félögum
sem komin eru til viðræðna hjá sáttasemjara.
Skv. heimildum Morgunblaðsins hefur náðst
samkomulag um að búa til nýjan kauptaxta fyrir
starfsmenn sem hafa náð tíu ára starfsaldri en
ekki hefur náðst endanlegt samkomulag um upp-
hæð kauptaxtans. Einnig hefur náðst samkomu-
lag um að samningsákvæði um 70 þúsund kr.
lágmarkstekjur á samningstímanum fyrir fullt
starf gildi líka hlutfallslega fyrir starfsfólk í 50%
föstu starfshlutfalli, þannig að lágmarkstekju-
trygging starfsmanna sem eru í hálfu starfi verði
35 þúsund kr. á mánuði.
Samningstexti undirritaður á Norðfirði
Verkalýðsfélag Norðfirðinga undirritaði í gær
drög að samningi við Síldarvinnsluna hf. en fé-
lagið var í hópi þeirra VMSÍ-félaga sem felldu
kjarasamningana sem gerðir voru í seinasta
mánuði. Jón Ingi Kristjánsson, formaður félags-
ins, segir að sarnkomulag hafi náðst um tvö
atriði en enn sé þó ósamið um kauptaxtabreyt-
ingar. Vildi hann ekki greina frá efni samkomu-
lagsins á þessu stigi. Félagið hefur frestað boð-
uðu verkfalli til 29. apríl.
Töluverð tímapressa er á samningsaðilum
VMSÍ og vinnuveitenda hjá sáttasemjara að
ganga frá kjarasamningum þar sem boðað verk-
fall hjá Verkalýðsfélagi Akraness á að hefjast á
fimmtudagskvöld hafi ekki samist fyrir þann tíma,
en önnur VMSÍ-félög höfðu frestað verkfallsað-
gerðum til mánaðamóta.
Starfsmenn ÍSAL samþykkja
Starfsmenn álversins í Straumsvík samþykktu
nýgerðan kjarasamning í atkvæðagreiðslu en taln-
ingu lauk í gær. 405 voru á kjörskrá, 343 greiddu
atkvæði. Já sögðu 235 eða 68,5%, nei sögðu 104
eða 33% og 4 skiluðu auðu. Samningurinn gildir
til 30. nóvember árið 2000.
Langur sáttafundur var haldinn í gær milli
Starfsmannafélags ríkisstofnana og samninga-
nefndar ríkisins. Fleiri hópar komu til fundar hjá
sáttasemjara í gær án þess að drægi til tíðinda.
Þar á meðal voru samninganefndir Vélstjórafé-
lagsins, Flugfreyjufélagsins og samflots bæjar-
starfsmanna.
Breikkun
vegar og
brúarsmíð
VINNA við þriðja áfanga fram-
kvæmda við Vesturlandsveg,
frá Elliðaám að Skeiðárvogi, er
nú hafin af fullum krafti á veg-
um verktakafyrirtækjanna Vala
og Sveinbjörns Sigurðssonar hf.
Síðastliðin tvö ár hefur verið
unnið að því að breikka Vestur-
landsveginn frá Höfðabakka
niður Artúnsbrekku og nú er
þriðji áfanginn hafinn. í honum
verður m.a. byggð 65 metra
löng brú yfir Sæbraut, auk
breikkunar Vesturlandsvegar
með slaufum og römpum og
breikkunar Miklubrautar inn á
miðeyjuna.
Talsverðar breytingar, lokan-
ir og takmarkanir verða á um-
ferð vegna framkvæmdanna.
T.d hefur austasta kafla Suður-
landsbrautar verið lokað nú
þegar og innkeyrslu inn á Vest-
urlandsveg frá Rafstöðvarvegi
og Sævarhöfða verður lokað
þegar framkvæmdir við rampa
hefjast.
Framkvæmdirnar kosta 239
milljónir króna og er ráðgert
að opnað verði fyrir umferð um
nýju mannvirkin 1. október og
frágangi ljúki fyrir 1. nóvember.
ili W' P
Morgunblaðið/Kristinn
MARTEINN Hjaltested er einn þeirra sem nú vinna við breikkun Vesturlandsvegar.
Fríhöfnin
með 500
milljóna
hagnað
HAGNAÐUR fríhafnarverslunar-
innar á Keflavíkurflugvelli nam rúm-
um 500 milljónum króna á síðasta
ári. Árið 1995 nam hagnaðurinn 585
milljónum króna. Velta fríhafnar-
verslunarinnar nam 2,6 milljörðum
króna á síðasta ári og hefur aukist
um 17,45% frá árinu 1995 en þá
nam veltan 2,2 milljörðum króna.
Að sögn Guðmundar Karls Jóns-
sonar, forstjóra Fríhafnarinnar á
Keflavíkurflugvelli, eru hagnaðar-
tölur ekki sambærilegar á milli ára
þar sem Fríhöfnin hóf að greiða
áfengisskatt til ríkissjóðs í septem-
ber 1995.
Hagnaður/19
-♦ ♦ ♦
Séreignarsjóðir
11 þúsund
sjóðfélag-
areiga7,l
milljarð
FÉLAGAR í séreignarlífeyrissjóð-
um, sem verðbréfafyrirtæki reka,
voru um 11 þúsund um síðustu ára-
mót. Eign þeirra í sjóðunum nam
rúmlega 7,2 milljörðum króna.
Heildareign í lífeyrissjóðum er hins
vegar áætluð um 300 milljarðar.
Séreignarsjóðum, sem eru fullgild-
ir lífeyrissjóðir, hefur ört vaxið fískur
um hrygg á sl. árum. Um tugur sér-
eignarsjóða er á vegum stéttarfélaga
og hefur sá elsti starfað í 30 ár. Sjóð-
ir verðbréfafyrirtækjanna eru hins
vegar yngri, en sá elsti þeirra var
stofnaður árið 1979. Helstí munur á
þeim og almennum lífeyrissjóðum er
að iðgjöld sjóðfélaga myndar inneign,
sem greidd er út á minnst 10 árum.
Sjóðimir bjóða félögum sínum að
kaupa tryggingar, til að auka rétt
sinn, því séreignarsjóðir greiða ekki
ellilífeyri til æviloka.
■ Reglubundinn sparnaður/16
♦ ♦ ♦
Hlíðar og Norðurmýri
Rafmagnslaust
í klukkutíma
RAFMAGN fór af í hluta Hlíða-
hverfis og Norðurmýrar í Reykjavík
á áttunda tímanum í gærkvöldi
vegna háspennubilunar í jarðstreng
milli Landspítala og Þorfinnsgötu.
Vel gekk að gera við, að sögn
Stefáns Olafssonar hjá bilanavakt
Rafmagnsveitu Reykjavíkur, og var
rafmagn að fullu komið á aftur inn-
an klukkustundar.
Héraðsdómur Reykjaness fellir fyrsta dóminn um dreifingu á alnetinu
HÉRAÐSDÓMUR Reykjaness
dæmdi í gær 42 ára gamlan mann
til greiðslu sektar fyrir að dreifa
klámefni á alnetinu. Þetta er í
fyrsta skipti sem dreifing kláms
með þessum hætti kemur til kasta
íslenskra dómstóla.
Heimasíða mannsins var heim-
sótt 1.422 sinnum átímabilinu frá
júní til október 1996. Maðurinn
sagði að þær 67 kyrrmyndir, sem
hann var sakaður um að hafa
dreift og sýndu nekt fólks og kyn-
færi, væru ekki klámmyndir held-
ur „erótískar “ myndir. Sams kon-
ar myndir væru allt í kring á net-
inu og hann hefði því ekki talið
þetta brotlegt. Þá teldist það ekki
dreifing að hafa efni á heimasíðu
á netinu, því efnið yrði að sækja
í ákveðið hólf eða geymslu. Sjálfur
hafði hann nálgast efnið á öðrum
heimasíðum og safnað því saman
á sinni.
Dæmdur fyrir
að dreifa klámi
Flókið aðgengi og falinn rofi
Maðurinn ítrekaði að hann hefði
haft aðgengið að myndunum flók-
ið. Hann hefði birt aðvörun á skján-
um og rofi til að halda áfram inn
á síðuna hafi verið falinn. Fulltrúi
fýrirtækisins, sem seldi manninum
aðgang að alnetinu, sagði hins
vegar að í eitt skipti hefði verið
svo mikil umferð inn á efni manns-
ins að kerfið hefði nánast stöðv-
ast. Fyrirtækið vísaði til kannana
sem sýndu að um 90% notenda á
alnetinu hafi einhvern tíma leitað
eftir klámfengnu efni og nær helm-
ingur þeirra sem beiti leitarforrit-
um séu að fiska eftir klámi.
Dómarinn, Guðmundur L. Jó-
hannesson, sagði að það yrði ekki
talið að allir sem tengt hefðu tölv-
ur sínar alnetinu hefðu haft að-
gang að og getað séð myndirnar,
vegna þess að töluverða tölvukunn-
áttu þyrfti til að nálgast þær. Hins
vegar hefði maðurinn sýnt og
dreift myndunum til ótiltekins hóps
manna. „Það skiptir ekki máli hér
þó að hlutaðeigandi verði að hafa
frumkvæðið að því að sækja efnið
inn á heimasíðu ákærða og má
jafna þessu við dreifingu klám-
myndblaða í kjörbókabúðum, þar
sem kaupandinn verður að draga
sig eftir þeim,“ sagði dómari.
Ekki vafi að myndirnar
voru klám
Dómarinn taldi ekki orka tví-
mælis að myndirnar 67 væru klám-
myndir í skilningi hegningarlaga.
Dómarinn tók tillit til þess að
ekki yrði séð að maðurinn hafi
hagnast á dreifingunni, en á móti
kæmi að ótiltekinn hópur barna
og ungmenna hefði getað haft
aðgang að efninu án þess að mað-
urinn fengi nokkru um ráðið. Taldi
dómarinn hæfilega refsingu 90
þúsund króna sekt og kemur 15
daga varðhald í stað sektarinnar
verði hún ekki greidd innan fjög-
urra vikna. Maðurinn var jafn-
framt dæmdur í 40 daga varðhald,
skilorðsbundið í 2 ár. Þá var honum
gert að greiða málskostnað.