Morgunblaðið - 04.09.1997, Blaðsíða 10

10 FIMMTUDAGUR 4. SEPTEMBER 1997
MORGUNBLAÐIÐ
FRÉTTIR
Aðgerðarhópur aldraðra gagnrýnir reglur um aldursmörk í þjóðskrá
Aldraðir vilja
fá viðskiptapóst
AÐGERÐARHOPUR aldraðra hefur
skrifað Hagstofunni bréf og óskað
eftir að teknar verði til endurskoðun-
ar reglur um aldursmörk á notkun
fyrirtækja á þjóðskrá til sölustarf-
semi. Hópurinn lýsir jafnframt yfir
óánægju með að í skoðanakönnunum
skuli aldraðir ekki spurðir áiits.
„Við lítum svo á að hæpið sé að
setja efri aldursmörk á notkun þjóð-
skrár, en sjálfsagt og eðlilegt að
fólk á öllum aldri geti fengið sig
undanþegið óæskilegum viðskipta-
pósti. Enginn amast t.d. við aldurs-
mörkum á launakönnunum, sem ein
göngu miðast við fólk sem enn er
á vinnumarkaði. Aftur á móti er
það niðurlægjandi að slá því föstu
að allt fólk sem komið er á eftir-
launaaldur sé ekki fært um að segja
skoðanir sínar á þjóðmálum eða
eiga viðskipti. Nútíma skoðana-
kannanir eru það áhrifamiklar, að
jaðra má við, að þeir sem ekki fá
að vera með séu sviptir kosninga-
rétti. Þá má ekki gleyma því að
útilokun á um 10% þjóðarinnar í
skoðanakönnun hlýtur að skekkja
niðurstöður og lýsir ekki góðri fag-
mennsku," segir í yfirlýsingu Að-
gerðarhóps aldraðra.
Eiríkur Hilmarsson, staðgengill
hagstofustjóra, sagði að reglur Hag-
stofunnar um viðskiptapóst væru
gamlar og hann þekkti sögu þeirra
ekki til hlítar. Það hefði hins vegar
verið ákveðið á sínum tíma, að setja
efri mörk við 75 ár vegna eindreg-
inna óska frá öldruðum. Það hefði
mikið verið kvartað undan því að
aldrað fólk fengi alls kyns boð um
viðskipti og dæmi væru um að því
væri sendir gíróseðlar, sem sumir
hefðu ekki áttað sig á að ekki þyrfti
að borga. Eiríkur sagði að Hagstof-
an setti einnig neðri mörk við 16
ára aldur. Ástæðan væri sú að verið
væri að hugsa um að vernda börn
og unglinga.
Eiríkur sagði að Hagstofan myndi
endurskoða þessi mörk í framhaldi
af erindi Aðgerðarhóps aldraðra.
Hann sagði að viðhorf í samfélaginu
hefðu verið að breytast. Taka yrði
mið af því að aldraðir byggju al-
mennt við betri heilsu nú en áður.
Eiríkur sagði að Hagstofan væri
með aldurshámark í sumum þeim
könnunum sem gerðar væru á veg-
um hennar. í vinnumarkaðskönnun
Hagstofunnar væru mörkin 75 ár
enda væri eldra fólk almennt ekki á
vinnumarkaði. Hann sagði að hafa
þyrfti í huga að í flestum alþjóðleg-
um könnunum væru sett aldursmörk
við 65-75 ár og þegar um saman-
burðarkannanir milli landa væri að
ræða þyrfti að taka mið af því. Hins
vegar væru það fyrirtækin sem
gerðu skoðanakannanir sem settu
aldursmörkin í þeim viðhorfskönn-
unum sem þau gerðu.
Meira brottfall gerir svör
aldraðra óábyggilegri
Stefán Ólafsson, forstöðumaður
Félagsvísindastofnunar, sagði að
Félagsvísindastofnun væri yfirleitt
með efri mörk 75-80 ár í sínum
úrtakshópum. Hann sagði að rökin
fyrir þessu væru þau að ef allir
væru teknir með yrði meira brott-
fall úr úrtakinu sem gerði svör þeirra
allra elstu óábyggilegri fyrir aldraða
í heildina. í þessum hópi væru hlut-
fallslega fieiri svarendur veikir og
ættu þess vegna erfitt með að taka
þátt. Aldrað fólk tæki hins vegar
svona spurningar alvarlega. Sjón-
armiðið væri að reyna að forðast að
valda fólkinu og aðstandendum þess
ónæði. Hann sagði að Félagsvísinda-
stofnun hefði borist kvartanir frá
aðstandendum aldraðs fólks, sem
ætti erfitt með að taka þátt í skoð-
anakönnunum. Það kynni kannski
að hljóma illa í eyrum þeirra sem
væru fullfrískir og komnir á ellilíf-
eyrisaldur, en F’élagsvísindastofnun
hefði talið sig vera sýna ákveðna
tillitssemi með því að setja aldurs-
mörk ,í skoðanakönnunum.
í bréfi Aðgerðarhóps aldraðra er
vísað til skoðanakönnunar sem gerð
var um viðhorf til reglna um biskups-
kosningar þar sem aldursmörkin
voru 67 ár. Stefán sagðist geta tek-
ið undir að það væru of lág aldurs-
mörk. Hann sagði að það mætti
færa rök fyrir því að það að sleppa
öllum ellilífeyrisþegum gæti haft
áhrif á niðurstöðu könnunarinnar,
en áhrifin væru þó mjög lítil. Það
skipti nánast engu fyrir niðurstöðu
skoðanakannana að sleppa þeim sem
væru eldri en 75-80 ára. Þeir sem
væru fyrir ofan þessi mörk væru það
lítill hluti af þjóðinni.
Alvarlega
slasaður
eftir
slagsmál
KARLMAÐUR liggur alvar-
lega slasaður á gjörgæslu-
deild Sjúkrahúss Reykjavíkur
eftir höfuðáverka sem hann
hlaut í handalögmálum við
annan mann fyrir utan
skemmtistað í miðbæ Reykja-
víkur I fyrrinótt.
Að sögn lögreglunnar féll
maðurinn aftur fyrir sig í
ryskingunum og skall hann
með höfuðið á gangstétt og
hlaut skurð á hnakkann. I
fyrstu var talið að meiðslin
væru ekki alvarleg en þegar
komið var með manninn á
slysadeild dró mjög af honum.
í ljós kom að blætt hafði inn
á heila mannsins sem gekkst
undir skurðaðgerð í fyrrinótt.
Rannsóknardeild lögreglunn-
ar hefur rannsókn málsins
með höndum.
ÍRIS á Victori frá Ey.
í fremstu röð
í hestaíþróttum
Þrír nýir yfirmenn framleiðsludeilda Ríkisútvarpsins
Spenntur að taka
við nýja starfinu
Óskar Þorgerður Margrét
Ingólfsson Gunnarsdóttir Oddsdóttir
TÍU ára íslensk stúlka, íris H.
Sveinsdóttir, náði frábærum ár-
angri á meistaramóti þýskra
unglinga i hestaíþróttum, sem
fram fór fyrir skömmu. Hún sigr-
aði í tölti, fjórgangi og hlýðniæf-
ingum og varð önnur í sameigin-
legri keppni. Þá varð hún fjórða
í þrautakeppni, þar sem knapi
og hestur leysa ýmsar þrautir.
Keppendur voru 300.
Þessi árangur er sérstaklega
athyglisverður fyrir þá sök að
íris var í hópi yngstu keppenda
auk þess sem hún býr á Islandi
og dvelur aðeins í Þýskalandi á
sumrin.
íris tók þátt í norður-þýska
meistaramótinu mánuði fyrir
þýska meistaramótið og keppti
þá á hestinum Rómeó frá Lang-
holti II. Þá náði hún 2. sæti í
tölti og 4. sæti í fjórgangi. Á
þýska meistaramótinu keppti íris
á hestinum Victori frá Ey.
Foreldrar írisar eru Sveinn
E. Hjörleifsson, sem starfar við
þjálfun og tamningu íslenskra
hesta í Þýskalandi, og Kristjana
Geirsdóttir.
Útvarpsstjóri gekk frá
ráðningu þriggja nýrra
yfirmanna framleiðslu-
deilda RÚV á þriðjudag.
Anna G. Ólafsdóttir
talaði við þremenning-
ana og spurðist fyrir
um nýja starfið.
„MÉR kom eiginlega algjörlega á
óvart að fá starfið og hafði því ekki
verið að velta mér upp úr því sérstak-
lega,“ segir Óskar Íngólfsson, klari-
nettuleikari, og nýráðinn yfirmaður
tónlistarmála í Ríkisútvarpinu. Ósk-
ar hlaut öll atkvæði útvarpsráðs í
starfið.
Hann sagði að aðrir umsækjendur
hefðu örugglega átt skilið að fá at-
kvæði. „Hins vegar er því ekki að
leyna að ég er mjög ánægður með
að hafa fengið öll atkvæði útvarps-
ráðs enda er ómetanlegt að byija í
nýju starfi með þennan stuðning á
bakvið sig,“ sagði hann.
Óskar var um tíma Iausráðinn
starfsmaður hjá útvarpinu. „Ég
þekki flesta verðandi starfsfélaga
mína frá því að ég var við þáttagerð
og svolítið í morgunútvarpinu á ára-
bilinu 1989 til 1991. Þarna er mjög
hæft starfsfólk og vonandi er andinn
góður. Annars eru alltaf skiptar
skoðanir á öllum breytingum og ég
veit ekki hvaða áhrif yfirstandandi
skipulagsbreytingar hafa haft á
starfsmennina."
Óskar hefur verið í lausamennsku
eftir að hann gegndi starfi fram-
kvæmdastjóra Norrænna mús-
ikdaga. „Ég var heimavinnandi
heimilisfaðir, þreif, eldaði og hugs-
aði um fjölskylduna mína í vetur.
Þó svo að heimilisverkin séu ef til
vill ekki sýnileg eru þau mikilvæg
og merkileg störf,“ segir Óskar og
fram kemur að með heimilisstörfun-
um stundaði hann klarinettuleik í
lausamennsku, t.d. í Fiðlaranum á
þakinu í Þjóðleikhúsinu.
Óskar sagðist mjög spenntur að
taka við nýja starfínu. „Fyrir tónlist-
armenn er mjög spennandi að taka
við svona starfí enda er stærsta tón-
listarsafn á landinu í útvarpinu. Sú
staðreynd gefur óteljandi mögu-
leika,“ sagði hann að lokum.
Hlakka til að byrja að vinna
„Ég hlakka til að byija að vinna.
Vonandi á ég eftir að starfa í góðu
samstarfi og samvinnu við hæft dag-
skrárgerðarfólk í útvarpinu. Mark-
miðið er auðvitað að gera stofnunina
sífellt öflugri. Ríkisútvarpið er
áhugaverð stofnun og flestir lands-
menn eru mjög jákvæðir í hennar
garð,“ segir Þorgerður Gunnarsdótt-
ir, lögfræðingur og nýráðinn yfír-
maður samfélags- og dægurmála á
Ríkisútvarpinu.
Þorgerður hlaut ekki meirihluta
atkvæða útvarpsráðs í starfíð. „Ég
hefði auðvitað viljað hafa meirihluta
útvarpsráðs á bakvið mig. Hins veg-
ar minni ég á að fordæmi eru fyrir
því að útvarpsstjóri ráði starfsmann
í trássi við meirihiuta útvarpsráðs.
Sigurður G. Tómasson fékk þijú
atkvæði og annar umsækjandi fjögur
atkvæði í fyrra. Sigurður var ráðinn
og hefur að mínu mati skilað ákaf-
lega farsælu starfi.“
Eftir að hafa lokið lögfræðinámi
frá HÍ starfaði Þorgerður hjá lög-
mönnum Höfðabakka í eitt ár. Að
því loknu fluttu hún og eiginmaður
hennar til Þýskalands. Þar Iagði hún
stund á umhverfis- og refsirétt. „Ég
efast ekki um að menntun mín komi
að góðu gagni í nýja starfinu enda
spannar lögfræðin mjög víðfeðmt
svið. Lögfræðin gagnast á flestum
meginsviðum þjóðfélagsins," sagði
Þorgerður og tók fram að fyrir utan
menntun sína hefði hún haft mikinn
áhuga á fjölmiðlum í gegnum tíðina.
Menningarhlutverki verði
gegnt með glæsibrag
„Ég hlakka auðvitað til að skipta
um starfsvettvang innan Ríkisút-
varpsins og ekki síst af því að ég
veit að ég kem til með að vinna
áfram með mjög góðu starfsfólki.
Um Ieið fæ ég tækifæri til að hafa
meiri áhrif á starfsemina," segir
Margrét Oddsdóttir, dagskrárstjóri
Rásar 1, og nýráðinn yfirmaður
menningarmála í Ríkisútvarpinu.
Margrét hefur starfað hjá útvarpinu
í 13 ár og verið dagskrárstjóri í 6 ár.
Hún segir eðlilegt að áherslu-
breytingar verði við ráðninguna.
„Maður notar náttúrulega tækifærið
þegar breytingar eru til að færa eitt-
hvað til betri vegar. Hins vegar vil
ég ekki fara nánar út í áherslubreyt-
ingar fyrr en ég hef haft tækifæri
til að tala við mitt nánasta sam-
starfsfólk. Ég á ekki von á að ég
hafí tækifæri til að kalla nýju deild-
ina saman fyrr en í næstu viku.
Flesta þekki ég og veit að eru mjög
góðir starfsmenn," sagði hún og vék
talinu að menningarhlutverki stofn-
unarinnar. „Ég vona að við fáum
að rækja menningarhlutverk stofn-
unarinnar, a.m.k. ekki síður en gert
hefur verið. Vonandi fáum við pen-
inga til að vinna hér listrænt efni
og gegna með glæsibrag menningar-
hlutverki útvarpsins."
MIÐSVÆÐIS í REYKJAVÍK
Höfum verið beðnir um að útvega góða hæð eða stærri
íbúð miðsvæðis í Reykjavík.
Kaupendur eru ung hjón og bjóða þau upp á góða
samningsgreiðslu fyrir réttu eignina.
Listhafendur vinsamlega hafið samband við Lárus sem fyrst.
EIGNAMIÐLUNIN HÁTÚN
Sími 568 7800
Suðurlandsbraut 10, Reykjavík.