Morgunblaðið - 04.09.1997, Blaðsíða 23

MORGUNBLAÐIÐ
FIMMTUDAGUR 4. SEPTEMBER 1997 23
LISTIR
Stefnumót við
rithöfund
DRAUMSÓLIR vekja
mig heitir næsta verk-
efni íslenska leikhúss-
ins. Handrit er eftir
Þórarin Eyfjörð og
byggist það á skáld-
skap Gyrðis Elíassonar
og þeim hugmynda-
heimi sem birtist í bók-
um hans. Þórarinn
leikstýrir verkinu, Egill
Ingibergsson hannar
lýsingu, Hjálmar H.
Ragnarsson semur
tónlist, Linda Björg
Árnadóttir hannar
búninga og Stígur
Steinþórsson leik-
mynd.
í samtali blaðamanns við Þórar-
in Eyfjörð kom fram að Gyrðir
Elíasson væri að hans mati góður
höfundur. Verkefnið væri stefnu-
mót við Gyrði sem höfund, hug-
myndaheim og veruleika verka
hans.
Þórarinn sagði að
góður texti Gyrðis
höfðaði til leikhússins.
Sá heimur minninga
hjá honum sem leik-
húsmenn freistuðu að
nálgast væri spennandi
að fást við. Skáldið
spyrði oft í verkum
símum: Hvað er hand-
an þessa heims?
Handrit sitt kallar
Þórarinn „sambland af
ýmsu úr bókum Gyrðis
með meðulum leik-
hússins". Aðallega er
stuðst við Svefnhjólið,
Bréfbátarigninguna og
Gangandi íkoma, en
einnig ljóð skáldsins.
Styrkur til þessa verkefnis ís-
lenska leikhússins fékkst frá opin-
berum aðilum. Frumsýnt verður í
október. Samkomulag hefur verið
gert við Hafnarfjarðarleikhúsið að
sýningin verði í húsakynnum þess.
-i—
Gyrðir
Elíasson
Ljósmynd/G.K. Ásbjörnsson
LANDSLAG, vatnslitamynd eftir Guðmund Karl Ásbjörnsson.
Guðmundur sýnir í Freiburg
ÞÝSKA stórfyrirtækið Göbecke
AG, Pharma Konzern í Berlín og
Freiburg býður árlega fáeinum
listamönnum að halda sýningu á
listaverkum sinum í húsnæði
fyrirtækisins.
Á þessu ári var íslenska mynd-
ljstarmanninum Guðmundi Karli
Ásbjörnssyni boðið að sýna mál-
verk í Göbecke-húsi í Freiburg
og sýnir hann þar nokkur stór
májverk yfir sumartímann.
Á sama stað verður hann með
einkasýningu í desember sem
stendur yfir í þrjár vikur.
í fréttatilkynningu segir m.a.
að Guðmundur Karl hafi undan-
farin ár haldið nokkrar málverka-
sýningar víða um Þýskaland, með-
al annars í Greifswald, fv. Aust-
ur-Þýskalandi, og var hann fyrsti
vestræni listamaðurinn sem sýndi
í Mecklenburg Vorpommern eftir
að múrinn féll. Greifswalder
Tageblatt fagnaði því með eftir-
farandi fyrirsögn: „ísland nálgast
okkur með litum meistarans."
Þinghúsið í Bonn og fleiri opin-
berar stofnanir í Þýskalandi eiga
málverk eftir Guðmund Karl.
Rudolf Bing látinn
ÞEGAR Rudolf Bing lét af starfi
framkvæmdastjóra Metropolitan-
óperunnar í New York eftir 22 ára
starf minntist hann þess að ein-
hver hefði einhverntíma sagt að
hann hefði haft með höndum þriðja
erfiðasta starf í Bandaríkjunum,
næst á eftir forsetanum og borgar-
stjóra New York. „Og þeir þurftu
ekki einu sinni að kljást við príma-
donnur,“ sagði Bing.
Bing lést á þriðjudag í New
York. Hann var 95 ára og þjáðist
af Alzheimer-sjúkdómnum, að því
er Associated Press greinir frá.
„Ég mun stjórna þessu húsi með
tilliti til gæða og gæða eingöngu,"
sagði Bing er hann tók við starfi
framkvæmdastjóra Metropolitan
1950. Þegar hann lét af störfum
eftir stormasaman, en óneitanlega
gifturíkan, feril, gat enginn neitað
því að Metropolitan hafði fengið
notið krafta helstu söngvara
heims.
Kannski var það frægasta verk
Bings að reka Maríu Callas, 1958,
þegar hún neitaði að syngja hlut-
verk í þeirri röð sem Bing hafði
ákveðið. En hann átti í deilum við
fleiri, ekki síst verkalýðsfélög
starfsmanna óperunnar. Gagnrýn-
endur voru ósáttir við val hans á
stjórnendum, hlutverkaskipan
hans, verkefnaval og tónlistar-
stefnu yfirleitt. En í stjórnartið
hans lengdist sýningatímabil
Metropolitan úr fjórum og hálfum
mánuði í tæplega átta og áskrif-
endum fjölgaði úr fimm þúsund
manns í sautján þúsund. „I 18 af
þeim 22 árum sem ég gegndi starfi
var nýtingin 97%, og það er met
sem ekkert annað óperuhús mun
nokkurntíma slá,“ sagði hann.
Bing var aðlaður 1971. Árið
eftir lét hann af störfum hjá
Metropolitan og gaf út endur-
minningar sínar, 5.000 kvöld í
óperunni. Hann var kvæntur rúss-
nesku ballerínunni Nínu Sjel -
emskaíju í 54 ár, þau eignuðust
engin börn og hún lést 1983. Árið
1987 kvæntist Bing Carroll
Douglass, og mánuði síðar voru
allar eigur hans frystar og hann
lýstur ófær um að ráðstafa þeim.
Douglass var bannað að eyða
nokkru af fjármunum hans eða
stofna til skulda í hans nafni.
Þau bjuggu um tíma við fátækt
í Englandi og að minnsta kosti
tvisvar hvarf Bing frá hótelinu sem
þau bjuggu á og fannst villuráf-
andi marga kílómetra í burtu.
Hjónabandið var ógilt í september
1989 á þeim forsendum að Bing
hefði ekki verið sjálfráður gerða
sinna er þau gengu í hjónaband.
LAND ROVER
- er kominn til landsins
Fyrir þig sem vantar góðan jeppa er Land Rover
svarið. Defender, vinnujálkurinn sem allt dregur,
kemst og seigiast eða Discovery þessi liþri,
kröftugi og glæsilegi. Komið og skoðið!
Suðurlandsbraut 14, Sími 575 1200 og 575 1210