Morgunblaðið - 04.09.1997, Blaðsíða 18

18 FIMMTUDAGUR 4. SEPTEMBER 1997
MORGUNBLAÐIÐ
IMEYTENDUR
ÚRVERINU
Morgunblaðið/Kristinn
MARENTZA Poulsen hefur í sumar rekið kaffihúsið Café Flóruna í Grasagarðinum.
Kaffihúsið í miðjum
Grasagarðinum
GRÓÐURINN er fallegur í Grasa-
garðinum á þessum árstíma. Ýmsar
jurtir skarta sínu fegursta og rós-
irnar í gróðurskálanum eru enn að
opna sig. Andrúmsloftið þar er
óneitanlega suðrænt. Skrautfisk-
arnir í tjörninni stugga aðeins við
vatnaliljunum og lítið barn stendur
á göngubrúnni og fylgist áhuga-
samt með ferðum þeirra. „Ég ákvað
að hafa enga tónlist heldur leyfa
gestum að njóta kyrrðarinnar og
hlusta á fuglasöng ef ekki er verið
að spjalla," segir hún Marentza
Poulsen sem rekur Café Flóruna í
Grasagarðinum. Borðum hefur ver-
ið komið fyrir úti og síðan eru líka
borð inni í gróðurskálanum. „Fólk
situr mikið úti á fallegum dögum
og þar sem gróðurskálinn er reyk-
laus sitja þeir líka úti sem reykja,"
segir hún.
Marentza byijaði með kaffisöl-
una í byijun júní og um miðjan
september er komið að vetrarfríi.
Að hennar sögn hefur reksturinn i
sumar gefist einstaklega vel, en hún
er með opið alla daga frá 11-18.
Heimabakaðar kökur
„Ég hef verið að bjóða gestum
upp á heimabakaða franska súkkul-
aðitertu, gulrótartertu, eplaböku
með ijóma og heilhveitihorn sem
ég fylli á nýstárlegan hátt. Auk
þess hef ég verið með ís, kleinur,
kaniisnúða og fleira sem bæði stór-
ir og smáir gæða sér á,“ segir hún.
Ef Marentza heldur rekstrinum
áfram næsta vor langar hana að
bjóða upp á danskt smurt brauð sem
hún segir að sé sín sérgrein. „Þetta
hefur verið mjög skemmtilegt sum-
Indversk
húsgögn
með 50%
afslætti
í DAG, fimmtudag hefst út-
sala á indverskum húsgögnum
hjá Hagkaup. Um er að ræða
notuð húsgögn eins og skápa
og skrifpúlt. Skápar sem áður
voru seldir á 59.900 kosta nú
29.900 krónur og skrifpúlt
sem áður kostuðu 19.000
krónur kosta núna 8.500 krón-
ur svo dæmi séu tekin.
Þá er verið að taka upp
nýjar vörur frá Indlandi bæði
tré-, og látúnsvörur.
GULRÓTARTERTA aö hætti Marentzu.
ar. Það er einstaklega friðsælt
hérna þannig að þó mikið hafi ver-
ið að gera hefur þreytan verið öðru-
vísi en þegar ég hef verið að vinna
við veitingastörf annars staðar þar
sem tónlistin er hávær og reykjar-
mökkur mikil!,“ segir hún. Mar-
entza segir gesti hennar á öllum
aldri, ungar mæður koma með
barnavagnana með sér inn, roskið
fólk á göngu stoppar og fær sér
kaffisopa og stundum koma vinnu-
hópar í hádeginu. „Ég hef líka feng-
ið töluvert af hópum aldraðs fólks
og þá hef ég jafnvel hóað í harmon-
ikkuleikara því roskið fólk veit fátt
skemmtilegra en að syngja."
Marentza segir marga hafa beðið
um uppskrift að gulrótartertunni
sinni í sumar og sérstaklega útlend-
ingar. Hún féllst fúslega á að gefa
lesendum uppskriftina. Hér kemur
hún.
Gulrótarterta
____________5 dl hveiti__________
5 dlsykur
2 tsk. lyftiduft
1 'h tsk. matarsódi
2 tsk. kanill
1 tsk. múskat
2 dl matarolía
______________4 egg______________
'h dós ananaskurl ón safa
5 dl gróft rifnar gulraetur
I 'h-2 dl valhnetur
rúsínur ef vill
Blandið saman með sleif hveiti,
sykri, lyftidufti, matarsóda, kanil
og múskati. Að því búnu er matarol-
íunni bætt við og einu og einu eggi
í einu. Ananaskurlið er sigtað og
því bætt út í deigið, þá gulrótum
og að lokum hnetum og rúsínum
ef vill.
Bakað í smurðri ofnskúffu eða
tveimur hringlaga kökuformum við
200°C í um 20-25 mínútur.
Krem
200 g rjómaostur
safi úr hólfri sítrónu
250 g flórsykur
Þeytið saman ost, sítrónusafa og
flórsykur. Smyijið kreminu yfir
tertuna. Ef vill má síðan skreyta
að vild.
IMýtt
Naglagallerí
NÝLEGA opnaði
Ludy Ólafsdóttir
nagla-, förðunar- og
litgreiningarfræð-
ingur naglagalleríið
Classa neglur að
Háaleitisbraut
58-60. Ludy býður
upp á kvoðu-, gel og
steyptar akrýl
gervineglur frá fyr-
irtækinu O.P.I. Þá
stendur til boða einkakennsla
í ásetningu gervinagla og
handsnyrtingu. Starfsmenn
hjá Ludy eru Elín Ragnarsdótt-
ir og Súsanna Jónsdóttir. Negl-
urnar eru á kynningarverði út
september 3.800 krónur en
venjulegt verð er 5.800 krónur.
Réttarhöldum í Sigurðarmálinu lokið
Dómsniðurstaða
í lok næstu viku
Sækjandi krafðist fjögurra milljóna
króna sektargreiðslu en veijandi sýknu
Bodö. Morgunblaðið.
RETTARHOLDUM í Sigurðarmál-
inu lauk í gær í Bodö. Sækjandi í
málinu, Arild Aaseröd, krefst þess
að útgerð Sigurðar VE-15 verði
sektuð um tæpar 4 milljónir króna
og skipstjórinn Kristbjörn Árnason
verði dæmdur til að greiða sekt að
upphæð 300.000 krónur. Dómsnið-
urstöðu er að vænta í lok næstu viku.
Það varð ljóst við yfirheyrslur í
gær og fyrradag, að skipstjóri og
stýrimenn voru í góðri trú og fylgdu
í öilu þeim lögum og reglum sem
íslensk fiskveiðiyfii'völd útveguðu
þeim um tilkynningar vegna veiða á
síld innan lögsögu Jan Mayen.
Sigurður Einarsson kom fyrir
réttinn í gær og fram kom í máli
hans að útgerðin hefði engar upplýs-
ingar fengið um að skeytasendingar
Sigurðar VE-15 væru í ólagi fyrr
en búið var að taka bátinn. Hann
áætlaði að útgerðin hefði þegar bor-
ið um 2-3 milljóna króna tap af
málinu. Sækjandi í málinu sagði að
dráttur á Sigurði til Bodö hefði kost-
að norsku gæsluna bæði tíma og
peninga.
Var verið að vinna að
bættum tilkynningum
Sigurður sagði í viðtali við frétta-
mann að hann teldi það þó ekki
skaða málstað útgerðarinnar en mis-
vísandi upplýsingar fiskistofu hefðu
komið sér iila.
Við réttarhöldin voru lögð fram
afrit af símbréfum sem fóru á milli
ísienskra og norskra yfirvalda rétt
um það bil sem Sigurður VE var
tekinn. Meðai annars hafði Sjávarút-
vegsráðuneytið sent Landsambandi
íslenskra útvegsmanna bréf þess
efnis að ráðuneytinu hefðu borist
kvartanir frá Grænlandi, Noregi og
Færeyjum vegna síld- og loðnuveiða
íslenskra nótaveiðiskipa í þeirra lög-
sögu. Norska fiskistofan sendi ís-
lenskum yfirvöldum einnig bréf þess
efnis að talsverð óreiða væri á til-
kynningum íslensku skipanna og
voru löndin að vinna að því að koma
lagi á það þegar Sigurður var tekinn.
Skipstjóri á norska strandgæslu-
skipinu, Ottar Haugen, sagðist í gær
hafa ákveðið að taka Sigurð eftir
að hafa haft samband við aðalstöðv-
arnar í Sortland en þaðan höfðu
menn samráð við norsku fiskistof-
una. Það er því ljóst að ákvörðun
um töku skipsins var tekin innan
sömu stofnunar og var í samvinnu
við íslendinga um aukið eftirlit.
Strangir dómar
Sækjandi benti í málafærslu sinni
á að aflabækur hefðu ekki verið
útfylltar samkvæmt norskum regl-
um og að norsk fiskveiðiyfirvöld við-
urkenndu aðeins uppsetningu ís-
lensku aflabókarinnar. Vitnað var í
fjölda norskra dóma þar sem skip-
stjórar voru sektaðir fyrir brot sem
virtust smávægleg. T.d. var skip-
stjóri sektaður 1993 fyrir að gleyma
að færa nokkra háffiska í afladag-
bók.
Skeytin voru send
Hvorki barst norskum yfirvöldum
skeyti frá Sigurði VE um upphaf
veiða né lok þeirra og sagði sækj-
andi það alfarið á ábyrgð skipstjóra.
Hann vitnaði einnig í starfsmann
norsku fiskistofunnar sem sagði í
vitnaleiðslum að skráning íslensku
skipana hefði batnað til muna eftir
atburðinn. Veijandi útgerðar og
skipstjóra, Andreas Meidell, lagði
áherslu á að bæði skeytin hefðu
verið send frá skipinu og færði fyrir
því sannanir. Hann benti einnig á
að Sigurðarmenn hefðu engan hugs-
anlegan ávinning í málinu og hefðu
í öllu fylgt leiðbeiningum íslenskra
yfirvalda.
Skipið hafi verið í sinni fyrstu
veiðiferð í norskri lögsögu og skip-
stjórnarmenn því óvanir skeytasend-
ingum erlendis. Einnig kom fram
að skipstjóri Sigurðar VE 15, Krist-
björn Árnason, hefur aldrei hlotið
kæru vegna vanrækslu í starfi. Sig-
urðarmenn héldu heim á leið strax
eftir réttinn og búast má við dóm-
sniðurstöðum í lok næstu viku.
FH vill samstarf
við undirverktaka
„VIÐ erum bara að leita eftir undir-
verktökum í ákveðnum smátegund-
um, sem við höfum verið að fram-
leiða mjög lítið magn af á ári fyrir
okkar kúnna. Með þessu móti erum
við að reyna að einfalda uppstilling-
una hjá okkur með því að fá undir-
verktaka, sem sérhæfðir eru í
ákveðnum tegundum, til að fram-
leiða fyrir okkur hráefni, sem við
notum síðan til að uppfylla okkar
samninga," sagði Einar Svansson,
forstjóri Fiskiðjusamlags Húsavíkur,
í samtali við Verið, en í Morgunblað-
inu í gær mátti sjá auglýsingu frá
fyrirtækinu þar sem óskað var eftir
samstarfi við framleiðendur á laus-
frystum bitum og flökum í steinbít,
karfa, koia, tindabikkju, bleikju, grá-
lúðu og laxi.
Að sögn Einars er nú verið að
vinna allar þessar tegundir í bolfisk-
vinnslu FH. „Við teljum hinsvegar
að hægt sé að hagræða í rekstrinum
með þvi að taka upp samstarf við
aðila vítt og breytt um landið sem
eru í sérhæfðri vinnslu á þessum
tegundum í meira mæli en FH. Að-
spurður út í það af hveiju þessir
sérhæfðu aðilar ættu að sjá sér hag
í því að starfa með FH í stað þess
að vera sjálfstæðir og selja beint,
svaraði Einar því til, að FH væri
með mjög hagstæða samninga í
þessum tegundum við belgíska fyrir-
tækið Covee og hærra verð en al-
mennt gerðist á markaðnum.
Belgíska fyrirtækið, sem er
stærsti einstaki viðskiptavinur FH
fimm undanfarin ár, kaupir um 40%
af bolfiskframleiðslu Fiskiðjusam-
lagsins, sem selur í gegnum íslensk-
ar sjávarafurðir hf. Um er að ræða
um tuttugu tegundir, samtals um
400 tonn á ári. „í sumum tegundum
er um mjög lítið magn að ræða, en
mjög sérhæfða vinnslu. Við teljum
einfaldlega að það myndi skila betri
árangri hjá okkur að einbeita okkur
að færri tegundum sjálfir og gera
þess í stað samninga um þessar
smærri tegundir við þá aðila, sem
eru bestir á landinu í því.“
Engar uppsagnir
Að sögn Einars kemur ekki til
uppsagna starfsfólks í bolfiskvinnsiu
félagsins vegna þessa. Þvert á móti
væri ráðgert að auka bolfiskvinnsl-
una í öðrum tegundum, þorski, ýsu
og ufsa væntanlega. „Við erum bara
að kanna það hveijir eru til í slag-
inn. Ef einhveijir eru tilbúnir í þetta,
munum við gera samninga um þær
tegundir og það kemur til með að
auka svigrúm okkar við veiðar ann-
arra tegunda," sagði Einar.