Morgunblaðið - 20.12.1997, Blaðsíða 4

4 LAUGARDAGUR 20. DESEMBER 1997
MORGUNBLAÐIÐ
FRÉTTIR
Forsætisráðherra
um yfírtöku á SHR
Uppgjöf
af hálfu
borgar-
innar
DAVÍÐ Oddsson forsætisráðherra
segir, að yfirlýsingar Ingibjargar
Sólrúnar Gísladóttur borgarstjóra
um að það verði sífellt erfiðara íyrir
borgina að halda í þá stefnu sína að
eiga Sjúkrahús Reykjavíkur, beri
vott um vissa uppgjöf. Hann vill
sjálfur ekki svara því hvort til greina
komi að ríkið taki við spítalanum.
Borgarstjóri ítrekaði fyrri yfir-
lýsingar sínar á borgarstjómar-
fundi í gær að það væri sífellt erfið-
ara fyrir borgina að halda í þá
stefnu sína að eiga Sjúkrahús
Reykjavíkur. Ríkið legði spítalanum
til fjármagn og það kæmi til greina
að hann tæki alfarið við stjóm hans.
Davíð Oddsson sagði að engin
umræða hefði farið fram um hvort
rétt væri að ríkið yfirtæki Sjúkra-
hús Reykjavíkur. Slík yfirtaka
þyrfti að eiga sér langan aðdrag-
anda. „Pað hefur verið metnaðar-
mál borgarinnar að reka þennan
spítala og gera það vel. Það hefur
verið vandamál í rekstri sjúkra-
hússins, að áætlanir sem stjómend-
ur hans gera hafa ekki staðist. Svo
virðist sem menn telji að það þurfi
ekkert að fara eftir þessum áætlun-
um heldur séu þetta einhverjar við-
miðunaráætlanir. Það hafa margoft
komið áætlanir frá þessum rekstr-
araðilum sem síðan hafa ekki stað-
ist. Stjómvöld hafa verið að bæta
við fjármunum í þetta kerfi sýknt
og heilagt. Nú síðast var fjárveit-
inganefndin að leggja fram 100
milljónir til viðhalds á sjúkrahúsinu.
Ég held að menn verði að reyna að
nýta þá peninga eins vel og hægt
er.“
Davíð sagði um yfirlýsingar borg-
arstjóra að þær fælu í sér ákveðna
uppgjöf. Svo virtist sem Reykjavík-
urborg treysti sér ekki til að sinna
þeim málum sem borgin hefði verið
með og sett stolt sitt í.
Deila ungra Iækna er kjaramál
Davíð vildi ekki gera of mikið úr
þeim vanda sem skapast vegna upp-
sagna ungra lækna. „Þama er um
að ræða kjaradeilu líka þeim sem
koma upp í kerfinu á nokkurra
mánaða fresti. Þetta er aðferð í
launabaráttu og ekkert við henni að
segja."
Davíð sagði einnig að umræða um
læknaskort gengi í bylgjum. Lækn-
ar hefðu lagt áherslu á að settar
yrðu takmarkanir í læknadeild svo
að ekki yrði offramboð á læknum.
„Það er hins vegar rétt að sú jafn-
launastefna sem fylgt er í þessu
landi gerir okkiu- erfitt fyrir um að
keppa við aðrar þjóðir þar sem
launamunur milli stétta er meiri.“
Morgunblaðið/Porkell
VEGNA veðurblíðunnar hefur verið minna álag á slysadeildinni en venjulega er á þessum árstíma.
Óformlegar
viðræður um
löndunarkjör
FULLTRÚAR Kaupfélags
Fáskrúðsfirðinga og Verka-
lýðs- og sjómannafélags Fá-
skrúðsfjarðar hafa rætt
óformlega saman til að ná
samningum um kjör við lönd-
un á sjávarafurðum. Félagar
verkalýðsfélagsins neituðu
snemma í vikunni að landa úr
Bjama Ólafssyni AK.
„Þetta snýst um það að
höfnin hér sé samkeppnisfær
í kostnaði við löndun,“ sagði
Gísli Jónatansson kaupfé-
lagsstjóri. í gær. Hann sagði
hvom aðila um sig vera að
skoða málin og að menn
stefndu að því að ná samning-
um næstu daga.
Engar landanir eru fyrir-
hugaðar fyrr en á nýju ári og
kvaðst Gísli vona að nýir
samningar yrðu þá í höfn.
Slysadeildin mönnuð sér-
fræðingum til áramóta
SLYSADEILD Sjúkrahúss
Reykjavíkur hefur til bráðabirgða
verið mönnuð sérfræðingum af öðr-
um deildum sjúkrahússins eftir að
meirihluti lækna á slysadeild hætti
störfum. Að sögn Jóhannesar Gunn-
arssonar, lækningaforstjóra Sjúkra-
húss Reykjavíkur, var öllum deild-
um hússins gert að leggja til mann-
skap nokkrar vaktir fram til ára-
móta. Jóhannes segir það spum-
ingu um úthald hve lengi verði hægt
að reka slysadeildina á þennan hátt
en telur hana vera á nokkuð góðu
róli næstu daga og fram að áramót-
um.
„Að vísu verður einum lækni
færra á slysadeildinni allan sólar-
hringinn. Það munar náttúrulega
mest um það á nóttunni, þar sem
venjulega eru tveir læknar á vakt,
en verður nú aðeins einn. Við telj-
um þó ekki að við séum á neinum
hættumörkum að þessu leyti. Hitt
er svo annað mál að þetta er kerfi
sem getur ekki gengið nema í mjög
stuttan tíma. Hvort tveggja er að
menn hafa ekki aðeins sínum venju-
legu skyldum að gegna, heldur líka
verkum aðstoðarlæknanna á deild-
unum, þannig að það verður
óhemju vinnuálag á sérfræðinga
meðan á þessu stendur," segir Jó-
hannes.
Hann segir einnig spumingu
hvað við tald, því fyrirsjáanlegt sé
að allmargir unglæknar muni ekki
snúa aftur til starfa og vafasamt sé
að það takist að fylla skörð þeirra
fyrr en eftir nokkuð langan tíma.
„Þá þarf að gera skipulagsbreyt-
ingu sem við erum að vinna að núna
og sem raunar var komin af stað
áður en þessi ósköp dundu yfir. Sú
breyting er í því fólgin að reyna að
reka slysadeildina að stærri hluta
en fyrr með sérfræðingum en
fækka aðstoðarlæknum. Þetta er
komið til af því að um nokkuð lang-
an tíma hefur gengið mjög illa að
manna slysadeildina unglæknum.
Þeir hafa ekki sóst eftir því að
vinna þar. Raunar er þetta kerfis-
breyting sem verið er að gera víða
um heim, svo þetta er ekkert ein-
stakt hér. En það getur tekið sinn
tíma að finna fólk sem vill helga sig
þessu starfi, því það er erfitt starf
og erilsamt og oft vanþakklátt."
Sérfræðingum Qölgað og að-
stoðarlæknum fækkað
Fyrr í þessum mánuði var tekin
ákvörðun um að fjölga sérfræðing-
um á kostnað aðstoðarlækna á
slysadeildinni. Jóhannes segir
ókostinn við það vera að þar með
verði námsstöður færri á deildinni
og minni möguleikar til þjálfunar og
kennslu en á móti komi að starfið
gangi oft af meiri hraða og öryggi
þar sem um sé að ræða þjálfaða
menn.
Jóhannes segir oft mikinn álags-
tíma á slysadeild á þessum árstíma
en þó sé álagið minna nú en oft áð-
ur, þar sem nú sé ekki hálku til að
dreifa. Auk þess segir hann sýnilegt
að fólk hafi reynt að leita til heilsu-
gæslustöðvanna með minniháttar
meiðsl. Hins vegar segir hann ljóst
að takmörk séu fyrir hverju þær
geti tekið við. Þá segir hann það
koma sér vel fyrir slysadeildina nú
að almennt séu jól og áramót heldur
rólegri tími en ella, þar sem margir
sjúklingar fari heim yfir hátíðimar.
Því sé auðveldara fyrir lækna af
þeim deildum að hlaupa í skarðið á
slysadeild.
Aðspurður um fjölda uppsagna
unglækna á sjúkrahúsinu öllu segir
Jóhannes að alls hafi 51 sagt upp en
þar af hafi nú 7 dregið uppsagnir
sínar til baka. Þá hverfi 6 unglækn-
ar til viðbótar frá störfum um ára-
mót.
Ríkisendurskoðun skilar áliti vegna gagnrýni á
læknadeild Tryggingastofnunar ríkisins
Ekkert bendir til
óheimillar fjártöku
VIÐ skoðun Ríkisendurskoðunar á
læknadeild Tryggingastofnunar rík-
isins (TR) kom ekkert í Ijós sem
bendir til að ásakanir samtakanna
Lífsvogar um óheimila Qártöku
lækna Tryggingastoftiunar, sem
annast örorkumöt, eigi við rök að
styðjast. Ríkisendurskoðun telur
hins vegar að TR sinni upplýsinga-
skyldu sinni gagnvart skjólstæðing-
um sínum ekki nægilega vel.
Forstjóri TR hefur í tilefni af
stjómsýsluendurskoðun Ríkisend-
urskoðunar tekið ákvörðun um að
læknar stofnunarinnar sinni ekki
launuðum aukastörfum, nema þau
séu samrýmanleg starfi lækna fyrir
TR, frá og með 1. desember sl.
Þessar niðurstöður koma fram í
skýrslu Ríkisendurskoðunar um
stjómsýsluendurskoðun á lækna-
deild TR sem gerð var að beiðni for-
stjóra TR vegna ásakana samtak-
anna Lífsvogar á hendur stofnun-
inni sl. sumar. Samtökin lögðu m.a.
fram ásakanir um að læknar TR
fari fram á greiðslur fyrir örorku-
möt sem stofnunin á að veita án
endurgjalds. Skoðun Ríkisendur-
skoðunar leiddi ekki í Ijós að þetta
ætti við rök að styðjast.
Innra eftirlit hefur brugðist
í skýrslu Ríkisendurskoðunar
koma hins vegar fram ýmsar at-
hugasemdir og gagnrýni á tiltekin
atriði í starfi TR. Að mati Ríkisend-
urskoðunar hefur innra eftirlit TR
bragðist að því er varðar einstök
mál læknadeildarinnar sem Ríkis-
endurskoðun tók til skoðunar. Telur
Ríkisendurskoðun eftirlit með inn-
færslu örorkumata í tölvukerfi óvið-
unandi með tilliti til hagsmuna sem
í húfi era fyrir skjólstæðinga TR.
Fram kemur í skýrslunni að unnið
er að úrbótum á þessum málum í
stofnuninni.
Ríkisendurskoðun gerir m.a. at-
hugasemdir við aukastörf trygg-
ingalækna og einkaörorkumöt
þeirra fyrir sjúklinga og trygginga-
félög. ,Að áliti Ríkisendurskoðunar
kunna slík einkaörorkumöt að vera
ósamrýmanleg störfum læknanna
hjá læknadeild Tryggingastofnun-
ar,“ segir í skýrslunni. „...er það mat
Ríldsendurskoðunar að forstjóra
Tryggingastofnunar hafi borið að
taka aukastörf lækna Trygginga-
stofnunar til skoðunar á grandvelli
20. gr. laga nr. 70/1996 um réttindi
og skyldur starfsmanna ríkisins.
Þetta gerði forstjórinn ekki, þrátt
fyrir vitneskju sína um að læknar
stunduðu aukastörf og að aðfinnslur
höfðu borist frá skjólstæðingum
stofnunarinnar vegna þessa, fyrr en
Ríkisendurskoðun spyrst fyrir um
þetta atriði í sambandi við stjóm-
sýsluendurskoðun á læknadeild. Þá
tekur forstjóri ákvörðun um að
læknar Tryggingastofnunar sinni
ekki aukastörfum, nema þau séu
samrýmanleg starfi lækna fyrir
Tryggingastofnun, frá og með 1.
desember. 1997. Ríkisendurskoðun
telur ekki ástæðu til nánari umfjöll-
unar um þetta atriði, þar sem málið
hefur nú verið til lykta leitt á grand-
velli vandaðra stjómsýsluhátta og í
kjölfarið ættu líkur á hagsmuna-
árekstram að vera hverfandi,“ segir
í niðurstöðum skýrslunnar.