Morgunblaðið - 20.12.1997, Blaðsíða 2

2 LAUGARDAGUR 20. DESEMBER 1997
MORGUNBLAÐIÐ
5 hafa sótt
um stöðu út-
varpsstjóra
FRESTUR til að sækja um emb-
ætti útvarpsstjóra rann út á
fimmtudag. í gær höfðu borist
fimm umsóknir og fleiri kunna að
vera á leið í pósti.
Eftirtaldir höfðu sótt um: Jón
Karl Helgason dagskrárgerðar-
maður, Markús Öm Antonsson
framkvæmdastjóri, Ómar Valdi-
marsson blaðamaður, Ævar Kjart-
ansson dagskrárgerðarmaður og
Þorsteinn Ingimarsson nemi.
--------------
Bert efstur
BÓKSÖLULISTI, samantekt Fé-
lagsvísindastofnunar á sölu bóka
frá 11.-17. desember 1997, er á
blaðsíðu 12 í Morgunblaðinu í dag.
Um er að ræða heildarlista yfir tíu
söluhæstu bækumar í fimm flokk-
um en 25 bókaverslanir um land
allt taka þátt í könnuninni.
Söluhæsta bókin samkvæmt list-
anum er Bert og baðstrandagell-
umai' eftir Sören Olsson og Anders
Jacobsson. í öðru sæti er bók
Davíðs Oddssonar, Nokkrir góðir
dagar án Guðnýjar. í þriðja sæti er
Fótspor á himnum eftir Einar Má
Guðmundsson.
FRÉTTIR
Langtímaáætlun í vegamálum fram til ársins 2010 lögð fram á Alþingi
Bundið slitlag til allra
staða með yfir 200 íbúa
LÖGÐ hefur verið fyrir Alþingi þingsályktunar-
tillaga um langtímaáætlun í vegamálum til ársins
2010 og er þar m.a. sett það markmið að ljúka
hringveginum með bundnu slitlagi, breikka vegi
og endurbyggja brýr þar sem umferð er mikil.
„Vegaáætlunin bygggir á nýjum hugmyndum
og við setjum okkur það mark að á næstu 13 ár-
um verði búið að byggja upp og leggja slitlag til
allra þéttbýlisstaða með 200 íbúa eða fleiri. Jafn-
framt er miðað við að þar sem umferð er meiri en
200 bílar á dag verði allar brýr tvöfaldar og nýjar
brýr byggðar þar sem burðarþunginn er ekki
nægur samkvæmt Evrópustöðlum. Einnig er
gert ráð fyrir að leggja bundið slitlag á helstu
ferðamannavegi, sem eru einkum í Ámessýslu og
Borgarfirði. Loks er gert ráð fyrir tvöföldun
Reykjanesbrautar á tímabilinu," sagði Halldór
Blöndal samgönguráðherra.
Hann segir að þetta hafi í fór með sér verulega
aukið fé til vegamála, en samkvæmt áætluninni
verður 35,3 milljarða aflað til vegagerðar árin
1999-2002, 37,2 milljarða árin 2003-2006 og 33,8
milljarða króna árin 2007-2010. Er miðað við að
markaðir tekjustofnar, þ.e. bensíngjald og
þungaskattur og síðar vörugjald af olíu standi
undir útgjöldum við áætlunina. í því skyni verði
hætt millifærslum í ríkissjóð en einungis greitt
þangað 0,5% umsýslugjald af mörkuðum tekjum.
Þá er áætlað að tekjustofnamir vaxi að raungildi
um 1-1,6% á ári vegna aukinnar umferðar á áætl-
unartímabilinu.
Halldór sagði að langtímaáætlunin tæki ekki
til jarðganga heldur væri gert ráð fyrir því að
ákvörðun um þau verði tekin á hverjum tíma. Þ6
er gert ráð fyrir að verja 120 milljónum króna á
tímabilinu til jarðgangarannsókna á Norðurlandi
og Austfjörðum.
Horfst í augu
við vandann
„Ég tel að þessi áætlun sé mjög merkileg
vegna þess að hér er horfst í augu við vandann,
eins og hann blasir við úti á landi, og tekin
ákvörðun um að íbúar á afskekktustu stöðunum
sjái það nú fyrir að þeir verði komnir í fullnægj-
andi vegasamband á þessu tímabili, sem er ger-
breyting og til þess fallið að auka bjartsýni og
treysta byggðina," sagði Halldór.
Hann sagði að einnig væri horfst í augu við
vaxandi þörf fyrir umferðarmannvirki á höfuð-
borgarsvæðinu og í undirbúningi væri að taka
þar öðmvísi á málum en áður. Verið væri að
vinna að því að fjármagna dýrustu umferðar-
mannvirki á höfuðborgarsvæðinu með sérstökum
hætti, svokölluðum skuggagjöldum, en fjallað var
um það í Morgunblaðinu sl. fimmtudag.
Samkvæmt langtímaáætluninni verða helstu
nýframkvæmdir í vegagerð árin 1999-2002 teng-
ing Norðurlands og Austurlands, fyrsti hluti
Norðausturvegar milli Húsavíkur og Þórshafnar,
uppbygging hringvegarins á Austurlandi, veg-
tengingar við Hvalfjarðargöng, vegagerð við ísa-
fjarðardjúp og á Snæfellsnesi þar sem m.a. er
gert ráð fyrir nýjum vegi til Stykkishólms yfír
Vatnaheiði, í stað núverandi vegar yfir Kerling-
arskarð og undirbúningur að tvöföldun Reykja-
nesbrautar milli Hafnarfjarðar og Keflavíkur. Þá
á að verja 200 milljónum til að endurbæta sam-
göngur við Þingvelli fyrir kristnihátíð á Þingvöll-
um árið 2000.
Ný brú á Þjórsá
Einnig er á áætluninni ný brú yfir hringveginn
á Þjórsá. Sagði Halldór Blöndal að eftir að ný
brú hefði verið sett yfir Botnsá í Hvalfirði væri
Þjórsárbrúin sú brú á hringveginum þar sem
flest slys hefðu orðið. Þá væri brúin þannig
byggð að meiri háttar flutningar kæmust ekki yf-
ir hana. Samkvæmt upplýsingum frá Vegagerð-
inni liggur ekki fyrir hvenær framkvæmdir hefj-
ast.
Einmuna veðurblíða hefur glatt Siglfírðinga á jólaföstu
Götur sópaðar fyrir jólin
Siglufirði. Morgunblaðið.
EINMUNA veðurblíða hefur ríkt á
Siglufírði undanfarið og var til
dæmis ellefu gráða hiti þar í fyrra-
dag. Muna elstu menn vart eftir
öðru eins þótt minnugir séu.
Á þessum tíma árs hafa snjó-
moksturstækin yflrleitt verið nýtt
til að halda helstu götum bæjarins
greiðfærum en nú bregður svo við
að götusópur var leigður í bæinn til
að þrífa rykið af götunum. Iðnaðar-
menn hafa verið kampakátir með
veðurblíðuna og unnið mikið úti við.
Eins hefur skreytingafólk í jóla-
hug sjaldan verið eins duglegt og
nú og er það mál manna að bærinn
hafi aldrei verið jafnmikið skreytt-
ur, bæði af fyrirfækjum og einstak-
lingum, þótt sumir sakni hvítu
slæðunnar.
Morgunblaðið/Sigríður Ingvarsdóttir
MYLLAN-Brauð hf. hefur gengið
frá samningum við Mjólkursamsöl-
una um kaup á öllum hlutabréfum í
Samsölubakaríi. Bæði fyrh-tæki
verða þó rekin áfram og munu þau
halda áfram fullri framleiðslu undir
sömu vörumerkjum og áður.
í frétt frá fyrirtækjunum segir að
afkoma í brauðgerð hafi ekki verið
viðunandi að undanfömu og því hafi
verið mikilvægt að leita allra leiða
til hagræðingar.
Kolbeinn Kristinsson, fram-
kvæmdastjóri Myllunnar, segir að
samanlagt tap fyrirtækjanna
tveggja á síðasta ári hafi verið um
80-90 milljónir króna. Afkoma Sam-
sölubakarís hafi verið nokkru lakari
en afkoma Myllunnar en þar hafi
vegið þungt salmonellusýking sú
sem kom upp í rjómabollum frá fyr-
irtækinu. Hann segir afkomuna í ár
stefna í að verða nokkru betri. Hún
verði þó í járnum,
Þá hafi samkeppni verið að
aukast frá innflutningi, sem nemi
nú um 10% af heildarmarkaði fyrir
brauð. Eigendur fyrirtækjanna hafi
því verið sammála um að leita yrði
allra leiða til að komast hjá því að
velta auknum kostnaði út í verðlag.
Kom starfsfólki á óvart
Aðspurður hvort hægt verði að
ná einhverri hagræðingu fram með
því að reka bæði fyrirtækin áfram
segir Kolbeinn svo vera. Hins vegar
sé ljóst að bæði fyrirtækin verði
rekin áfram. „Það er full þörf fyrir
framleiðslugetu beggja og fram-
leiðslutæki hafa verið vel nýtt.“
Hákon Gunnarsson, fram-
kvæmdastjóri Samsölubakarís, seg-
ir að tapið á síðasta ári hafi verið 57
milljónir. I ár stefni hins vegar í 16
milljóna hagnað og bjart sé
framundan í rekstrinum. „Eigendur
taka auðvitað sína ákvörðun, en
þetta kom öllu starfsfólki í opna
skjöldu," segir Hákon.
Hlutdeild sjúklinga
í lyQaverði hækkar
Myllan kaupir
Samsölubrauð
JÓLALESBÓK fylgir Morgun-
blaðinu í dag. Meðal efnis í þessu
sérblaði um menningu, listir og
þjóðfræði má nefna:
• Atburður á Þorra. Böðvar Guð-
mundsson rifjar upp spaugileg at-
vik úr farskólanum í Hvítársíðu.
• Heimskonan Rannveig K. Þor-
varðardóttir og óbirt Ijóð til hennar
eftir Halldór Laxness. Höfundur er
Sólveig Kr. Einarsdóttir.
• Hamlet - Jólaleikrit Þjóðleik-
hússins.
• Caspar David Friedrich, málar-
inn sem gleymdist í 100 ár.
• Verðlaunamyndagáta og verð-
launakrossgáta.
• Nokkur veraldarundur í tóma-
rúmi heimsins. Terry G. Lacy á
ferð um Suður-Kyrrahaf.
GREIÐSLUHLUTDEILD sjúklinga
í verði lyfja hækkar um fimm pró-
sentustig miðað við hámarksverð með
reglugerð um næstu áramót. Samtök
verslunarinnar áætla að miðað við
óbreytta lyfjaveltu á næsta ári hækki
lyfjakostnaður heimilanna um 300
miíljómr við þessa breytingu. Hlutur
ríkisins í lyfjaverði á þessu ári verður
líklega um 3,7 milljarðar króna og í
fjárlögum íyrir næsta ár er gert ráð
fyrir 3,9 miÚjarða kostnaði.
Einar Magnússon, skrifstofustjóri
í heilbrigðisráðuneytinu, segir að
hækkunin sé framkvæmd til þess að
markmið fjárlaga fyrir næsta ár
haldist. Hann segir að mikil lækkun
hafi orðið á svokölluðu vísitöluneyslu-
verði lyfja sem Hagstofan mælir. Það
þýðir að sá afsláttur sem veittur er í
apótekum hefur skilað sér til almenn-
ings. „Hann hefur ekki skilað sér að
sama skapi til ríkisins. Hlutfallinu er
breytt til þess að almannatryggingar
r\jóti einnig góðs af samkeppni á
markaðnum," segir Einar.
Hann segir að engu að síður verði
ríkið fyrir útgjaldaauka á næsta ári
vegna lyfjakostnaðar. Fjárlög geri
ráð fyrir 200 milljóna kr. hækkun á
lyfjakostnaði á næsta ári. Breytingin
um áramót þýði hugsanlega 300-330
milljóna kr. sparnað.
Vissir hópar undanskildir
Til sams konar aðgerða var gi-ipið
í fyrra. Einar segir að engu að síður
hafi neysluverðsvísitala lyfja lækkað
verulega á þessu ári, úr 100 í mars
niður í 75 í byrjun desember.
Heilbrigðisráðuneytið hefur ekki
upplýsingar um hlut sjúklinga í
lyfjakostnaði á árinu. Þar kemur
einkum til hin frjálsa samkeppni og
afsláttur apóteka sem ekki er fylgst
grannt með. í reglugerðinni er
einnig opnað fyrir þann möguleika
að undanskiija vissa hópa sjúklinga,
t.d. krabbameins-, nýrna- og alnæm-
issjúklinga, greiðslum af lyfjum að
mestu eða öllu leyti.
Samtök verslunarinnar segja að
breytingin leiði til þess að hlutur
sjúklinga í B-merktum lyfjum hækki
úr 800 í 900 kr., hluti sjúklings í
lyfjaverði umfram 900 kr. hækkar úr
24 í 30%, hámarksverð sem sjúkling-
ar greiða verður aldrei hærra en
1.700 kr. en var áður 1.500 kr., hlut-
fall sjúklinga í E-merktum lyfjum
hækkai' úr 800 í 900 kr. og greiðslu-
hlutfall sjúklinga umfram 900 kr.
hækkar úr 40 í 60%.