Morgunblaðið - 22.09.1998, Blaðsíða 2

2 ÞRIÐJUDAGUR 22. SEPTEMBER 1998
MORGUNBLAÐIÐ
Stolið úr
ferðatösk-
um flug-
farþega
FERÐATÖSKUR að minnsta kosti
fjögurra flugfarþega á leið til íslands
frá Búdapest í Flugleiðavél sl. fóstu-
dag voru spenntar upp og stolið var
verðmætum úr tveimur þeirra. Ólaf-
ur Briem, deildarstjóri þjónustueftir-
lits Flugleiða, segir að einhverjir tug-
ir slíkra þjófnaða verði á hverju ári,
en það sé þó lítið miðað við fjölda far-
þega og farangurinn sem fluttur er.
Ungverska flugfélagið Hungarian
Airlines sinnir afgreiðslu fyrir Flug-
leiðir í Búdapest. I hópnum sem var
á heimleið frá Ungverjalandi voru
145 manns. Emil Óm Kristjánsson,
yfirmaður utanlandsdeildar Ferða-
skrifstofu Guðmundar Jónassonar,
sem var skipuleggjandi ferðarinnar
og fararstjóri, segir að í tveimur til-
vikum hafi aðeins orðið skemmdir á
töskunum, enda voru engin verðmæti
í þeim. í hinum tilvikunum töpuðust
verðmæti, úr annarri töskunni meðal
annars dýrir skartgripir.
„Þetta hefur ekki komið fyrir áður
hjá okkur, og ég hef aldrei heyrt um
að slíkt hafi gerst á Keflavíkurflug-
velli,“ segir Emil. Hann tekur þó
fram að slíkir stuldir séu þekktir
annars staðar.
Abyrgð flugfélaga vegna farangurs
er tiltekin á flugmiðum og er hún
samkvæmt alþjóðasamningum og
lögum. Hún nemur 20 dollurum, eða
1.400 krónum, á hvert kíló farangurs
sem verðmæti töpuðust úr, eða varð
fyrir skemmdum. Að sögn Ólafs
Briem bætir farangurstrygging yfir-
leitt mismuninn ef verðmætið er
meira en sem nemur ábyrgðinni.
----------------------
Handboltaleik frestað
vegna veikinda
Fengu strept-
ókokka af
vatnsflösku
FJÓRIR eða fimm leikmenn hand-
knattleiksliðs íþróttabandalags Vest-
mannaeyja veiktust samtímis af háls-
bólgu af völdum streptókokka á dög-
unum og segist Víðir Óskarsson,
heilsugæslulæknir í Vestmannaeyj-
um, telja að þeir hafi smitast af því
að drekka vatn úr sömu flösku.
Víðir skoðaði leikmennina og gaf
út vottorð, sem byggt var á frestun
leiks IBV og Hauka, sem fram átti að
fara á sunnudag,, vegna veikinda
leikmannanna.
Hann segir að ekki sé um neinn
streptókokkafaraldur í Vestmanna-
eyjum að ræða. Slíkar sýkingar séu
alltaf í gangi.
Þrír leikmannanna leituðu læknis
sama daginn og tveir á næstu dögum.
Víðir sagði það vissulega óvenjulegt
og kvaðst hann telja deginum ljósara
að smitið hefði borist á milli með
vatnsflösku sem drukkið er úr á æf-
ingum.
Leikmennirnir voru meðhöndlaðir
við bakteríusýkingunni með 7-10
daga fúkkalyfjakúr og eru strax
orðnir hressari, að sögn Víðis.
FRÉTTIR
Útköllum
þyrlubjörgunarsveitar varnarliðsins hefur fækkað mjög
Aðeins þriú útköll í ár
ÞYRLUBJORGUNARSVEIT varn-
arliðsins á Keflavíkurflugvelli er æ
sjaldnar beðin um aðstoð við leitar-
flug eða björgun almennra borgara.
Þyrlur varnarliðsins voru aðeins
kallaðar út í tvö skipti á síðasta ári
og á þessu ári hafa þær þrisvar verið
kallaðar út til leitar- eða björgunar-
starfa. Með tilkomu stærri björgun-
arþyrlu Landhelgisgæzlunnar, TF-
LIF, getur Gæzlan nú sinnt lang-
flestum verkefnum sem varnarliðið
var áður fengið til að aðstoða við.
Hefur bjargað 300
mannslífum
Þyrlubjörgunarsveit varnarliðsins
hefur fengið viðurkenningu fyrir
björgun um 300 mannslífa frá því
hún kom til landsins árið 1971. Á
undanfórnum fimmtán árum hefur
hins vegar mjög dregið úr því að hún
sé beðin um aðstoð, eftir því sem
þyrlukostur Landhelgisgæzlunnar
hefur eflzt.
Á þessu fimmtán ára tímabili urðu
útköll þyrlubjörgunarsveitar varnar-
liðsins flest árið 1986. Árið 1985 urðu
þáttaskil í þyrlurekstri Landhelgis-
gæzlunnar er ný Dauphin-björgun-
arþyrla, TF-SIF, kom til landsins.
Þá var byrjað að hafa þyrluáhöfn til
reiðu allan sólarhringinn og í kjölfar-
ið bættust læknar frá slysadeild
Borgarspítalans í áhöfn þyrlunnar.
Upp úr því að TF-SIF kom til sög-
unnar fór útköllum varnarliðsþyrln-
anna að fækka. Árin 1989 til 1994 var
varnarliðið beðið um aðstoð 8 til 14
sinnum á ári.
Árið 1995 fékk Landhelgisgæzlan
síðan mun öflugri þyrlu af Super
Puma-gerð, TF-LÍF. Síðan hefur
Landhelgisgæzlan séð um nánast allt
björgunar- og sjúkraflug á þyrlum
og sinnt 70-100 útköllum á ári, að
Útköll þyrlubjörgunar-
sveitar varnarliðsins
sögn Páls Halldórssonar yfirflug-
stjóra.
Varnarliðið er nú eingöngu beðið
um aðstoð ef TF-LIF er í skoðun eða
unnið er að viðhaldi á henni, ef þyrl-
an er biluð eða flugið er lengra en
þær 300 mílur, sem TF-LÍF getur
flogið á haf út. „Bandaríski flugher-
inn er eini aðilinn í heiminum, sem
getur gefið björgunarþyrlum á flugi
eldsneyti og þeir komast þess vegna
lengra,“ segir Páll Halldórsson.
Hann segir að þyrlur varnarliðsins
hafi einnig verið beðnar um aðstoð í
þeim tilfellum, þar sem talið sé að
fleiri en eina þyrlu þurfi til verksins.
Á síðasta ári voru þyrlur varnar-
liðsins aðeins kallaðar út tvisvar. Það
sem af er þessu ári eru útköllin orðin
þrjú.
Megintilgangur þyrlubjörgunar-
sveitarinnar er að tryggja öryggi
flugmanna í orrustuflugsveit banda-
ríska flughersins, sem er á Keflavík-
urflugvelli. Varnarliðið hefur þó
sjaldan þurft að grípa til björgunar-
sveitarinnar í eigin þágu.
Morgunblaðið/Jón Svavarsson
Glerlist
í Lang-
holtskirkju
VINNU við að gera steinda
glugga í Langholt skirkju miðar
vel áfrani og á laugardaginn voru
vinnuteikningar að gluggunum
settar upp á gólfi íþróttahúss KR
við Frostasly'ól þar sem sóknar-
presturinn Jón Helgi Þórarinsson
ásamt Jóni Stefánssyni organista
og safnaðarnefndinni skoðuðu
þær.
Sigríður Lister formaður safn-
aðarnefndar, Sigríður Ásgeirs-
dóttir listamaður, Jón Helgi Þór-
arinsson sóknarprestur og Jón
Stefánsson organisti bera saman
vinnuteikninguna við módel sem
gert hefur verið af giuggunum.
Norðurskautsráðið samþykkir aðgerðaáætlun um verndun hafsins
Skrifstofan verður á Islandi
FYRSTI ráðherrafundur Norður-
skautsráðsins, sem haldinn var í
bænum Iqaluit á Baffinslandi í
Kanada í lok síðustu viku, samþykkti
m.a. aðgerðaáætlun um verndun
hafsins á norðurskautssvæðinu. Sam-
þykkt var að hrinda áætluninni í
framkvæmd sem fyrst. Umsjón með
framkvæmd áætlunarinnar verður í
höndum skrifstofu, sem verður á ís-
landi, en íslenzk stjórnvöld buðu
fram aðstöðu fyrir skrifstofuna og
buðust til að greiða kostnað við
rekstur hennar.
Guðmundur Bjarnason umhverfis-
ráðherra var fulltrúi Halldórs Ás-
grímssonar utanríkisráðherra á ráð-
herrafundinum. Hann sagði m.a. í
ræðu sinni að það væri einkar viðeig-
andi að aðgerðaáætlunin væri sam-
þykkt á ári hafsins og að íslenzk
stjórnvöld teldu hana einkar mikil-
væga fyrir heimskautssvæðið.
Ráðherrafundurinn samþykkti
jafnframt starfsreglur fyrir Norður-
skautsráðið, en það var stofnað fyrir
tveimur árum. Þá voru nokkrar um-
sóknir um áheymaraðild að ráðinu
samþykktar. Á meðal áheymaraðila
era ýmis evrópsk ríki, sem ekki eiga
land að heimskautssvæðinu, Norður-
landaráð, fastanefnd þingmanna frá
norðurskautsríkjunum og umhverfis-
verndarsamtökin World Wide Fund
for Nature.
Starfsemi og fjármál
verði kerfisbundnari
Aðildarríki ráðsins hafa ekki verið
á einu máli um það með hvaða hætti
eigi að nálgast málefni sjálfbærrar
þróunar á norðurskautssvæðinu.
Bandaríkin hafa viljað gera það með
flutningi tillagna um afmörkuð mál,
en hin aðildarríkin vilja stefna að
gerð heildstæðrar áætlunar og lagði
Guðmundur Bjamason áherzlu á síð-
ari kostinn í ræðu sinni á fundinum.
Þá hefur ekki verið samkomulag
milli Bandaríkjanna og hinna aðildar-
ríkjanna sjö, sem eru Kanada, Rúss-
land og norrænu ríkin fimm, um
skipulag og fjármögnun ráðsins.
Bandaríkin hafa viljað veikt skipulag,
m.a. vilja þau að aðalskrifstofa ráðs-
ins flytjist á milli landanna á tveggja
ára fresti og að fjárframlög til ráðs-
ins verði frjáls. Hin ríkin vilja hins
vegar huga að því að stofnuð verði
fastaskrifstofa og að fjárframlög
verði bundin fóstum reglum. Guð-
mundur Bjarnason hvatti til þess að
ráðið skipulegði starf sitt og fjármál
með kerfisbundnari hætti en hingað
til.
Samstarf um fiskveiðistjórnun
og sjálfbæra ferðamennsku
Umhverfisráðherra tiltók í ræðu
sinni tvö málefni, þar sem hann sagði
að Islendingar teldu að samstarf
heimskautsríkjanna gæti orðið að
gagni. Annars vegar hefðu íslending-
ar komið á kerfi sjálfbærra fiskveiða,
sem byggt væri á einstaklingsbundn-
um, framseljanlegum aflakvótum og
heildaraflamarki, sem miðaðist við
vísindalega ráðgjöf. Islenzk stjórn-
völd teldu að gagnlegt væri að bera
saman mismunandi fiskveiðistjórn-
unarkerfi á heimskautssvæðinu.
Hins vegar ræddi ráðherrann um
sjálfbæra ferðamennsku. Hann sagði
að á norðurslóðum væra umfangs-
mikil víðemi, sem gerðust æ sjald-
gæfari og hefðu mikið aðdráttarafl á
ferðamenn, enda færi eftirspum eftir
þeim vaxandi. „Þessi ósnortnu svæði
gætu hins vegar orðið fyrir spjöllum
vegna óheftrar ferðamennsku og
óskynsamlegrar þróunarstarfsemi,"
sagði Guðmundur.
Kanada hefur farið með for-
mennsku í Norðurskautsráðinu frá
stofnun þess, en Bandaríkin taka nú
við.

FASTHGIVIR :
Breiðablik bikarmeistari
þriðja árið í röð /B10
Finnar fyrstu mótherjarnir
í Evrópukeppninni /B16
Fylgstu
með
nýjustu
fréttum
www.mbl.is