Morgunblaðið - 27.09.1998, Side 50

ír 50 SUNNUDAGUR 27. SEPTEMBER 1998
MORGUNBLAÐIÐ
AMKEPP
UNI SLAGORÐ OG MERKI
ferðaþjónustu á Vesturlandi
Atvinnuráðgjöf Vesturlands og Ferðamálasamtök Vesturlands
auglýsa eftir hugmyndum að slagorði og nýju merki (logo) fyrir
ferðaþjónustu á Vesturlandi. Hugmyndinni skal skila a.m.k. með
greinilegu uppkasti og greinargerð, en ekki er nauðsynlegt að út-
færa hana til birtingar. Þátttakendur hafa frjálst val um inntak hug-
myndanna, en þær þurfa að vera stílhreinar og einkenni Vestur-
lands, (sagan, jöklarnir, vötnin, náttúran), þurfa að koma fram á ein-
hvern hátt. Lögð er áhersla á að nýtt merki og slagorð henti til auð-
kenningar á kynningarefni, bréfsefni og nafnspjöld. Logo og
slagorð þarf að vera auðvelt að nota í svart/hvítu, sem og til
þýðingar á önnur tungumál.
FRÁGANGUR: Hugmyndum skal skilað á A4-örkum. Hver
hugmynd skal merkt í neðra hægra horni með fimm stafa tölu.
Lokað umslag sem inniheldur nafn höfundar, heimilisfang og síma-
númer, skal fylgja með, merkt sömu fimm stafa tölu og hugmyndin.
SKIL: Hugmyndir skulu póstlagðar til Atvinnuráðgjafar Vestur-
lands, b.t. Sigríðar H. Theodórsdóttur, Bjarnarbraut 8, 310 Borgar-
nesi, eigi síðar en 30. september nk.
VAL: Dómnefnd skipuð þremur einstaklingum vinnur úr hug-
myndum. Veitt verða ein verðlaun, hundrað þúsund krónur, fyrir
bestu hugmyndina. Verðlaunahugmyndin verður eign Atvinn-
uráðgjafar Vesturlands, sem áskilur sér allan rétt til að nýta hana til
birtingar á kynningarefni Ferðaþjónustu Vesturlands eða á öðrum
vettvangi.
Framtíðarsýn í lagnamálum
Námstefna um lagnir og val á lagnaefni
Grand Hólel í Reykjavík 1. og 2. október 1998
Haldin af Samorku ísamstarfi við Rannsóknastofnun byggingariðnaðarins, Iðntœknistofnun,
Lagnafélag íslands, Filag pípulagningameistara, Félag byggingarfulltrúa, Félag byggingarefna- og
húsmunakaupmanna, Tœknifrœðingafélag íslands og Verkfrœðingafélag íslands
Fimmtudaeurinn 1. október
13.00 Setning námstefnu; Guðrún Hilmisdóttir, Samband íslenskra sveitarfélaga
Fundarslióri: Jóhann Bergmanna, Vatnsveita Revkjanesbœjar
13.15- 13.40 Vatnstjón ó íslandi Daníel Hafsteinsson, Samband íslenskra tryggingarfélaga
13.40- 14.05 Flokkun hitaveituvatns og ferskvatns eftir efnasamsetningu Hrefna Kristmannsdóttir og Magnús Ólafsson, Orkustofnun
14.05- 14.45 Mismunandi tæring og tæringavaldar Kate Nielsen, Danmarks Tekniske Univeristet
Fundarstióri: Erlendur Hjálmarsson, Félag byggingarfulltrúa
15.15- 15.40 Ný byggingarreglugerð og lög Viðar Már Aðalstcinsson, byggingarfulltrúi Reykjanesbæ
15.40- 16.05 Reglugerð um viðskipti með byggingarvörur og vottun lagnaefnis og vottunarmerkingar Einar Þorsteinsson, Rannsóknastofnun byggingariðnaðarins
16.05- 16.30 Sjónarmið lagnaefnissala á vottun Grétar Leifsson, Félag byggingarefna-og húsmunakaupmanna
16.30- 16.55 Væntanlegur Evrópustaðall um neysluvatnslagnir EN806-1,2 og 3 Páll Valdimarson; prófessor Háskóla íslands
Fösluda gurinn 2. október
Fundarstióri: Jón Sigurjónsson, Rannsóknastofnun bvggingariðnaðarins
09.00- 09.25 Kostir og gallar mismunandi lagnaefna Ásbjörn Einarsson, efnaverkfræðingur
09.25- 09.50 Galvaniseruð rör - tæring og tæringavarnir Sigurður Sigurðsson, Verkfræðistofan VGK
10.20- 10.45 Plastlagnir og plastefni Páll Ámason, Iðntæknistofnun íslands
10.45- 11.10 Eirlagnir Ragnheiður Þórarinsdóttir, Iðntæknistofnun íslands
11.10- 11.35 Nýir kostir í lagnaefni Ragnar Gunnarsson, Verkvangi hf
Fundarstióri: Kristián Ottósson, Lagnafélag tslands
13.00- 13.25 Lagnaefni í dreifikerfi hitaveitna og vatnsveitna Öm Jensson, Hitaveita Reykjavíkur og Pétur Kristjánsson, Vatnsveita Reykjavíkur
13.25- 13.50 Samvinna í lagnamálum Guðmundur Þóroddsson, Vatnsveita Reykjavíkur
13.50- 15.30 Vinnuhópar starfa; 1) Vatnstjón og öryggismál 2) Reglugerð, ábyrgö og vottun 3) Lagnaefni og efnisval 4) Samvinna i lagnamáium, Hópstjórar: Hreinn Frimannsson, Hitaveita Reykjavíkur, Magnús Sœdal, byggingarfulltrúi Reykjavík, Siguröur Grétar Guðmundsson, Félag pípulagningameistara, Þórður Búason, iMgnafélag tslands
15.30- 16.00 Niðurstöður vinnuhópa Niðurstöður fundarins. Eiríkur Bogason, Samorka
16.15 Námstefnuslit
Námstefnustjóri: María J. Gunnarsdóttir, Samorka
Skráning á námstefnuna er hjá Samorku í síma 588 4430
SAMORKA
SAVITÖK RAFORKU-, HITA- OQ VATNSVEITNA
Leitin að réttu eigninni
hefst hjá okkur
Vettvangur fólks f fasteignaleit

. mbl.is/fastefgnir
í DAG
VELMKAJVPI
Svarað í síma 569 1100 frá 10-12 og 13-15
frá mánudegi til fóstudags
Idýfíngar við
altarisgöngur
ÉG ÞAKKA fyrirspum á
þessum stað um atferli
við altarisgöngur og
biðst velvirðingar á því
hve dregist hefur að
svara. Spurt var um
þann sið sem víða er við-
hafður í seinni tíð að
dýfa oblátunni í kaleik-
inn áður en hennar er
neytt. Þessi siður hefur
tíðkast alllengi í kirkj-
unni og tók að ryðja sér
til rúms hér á landi á 9.
áratugnum. Að tilhlutan
helgisiðanefndar leyfði
þáverandi biskup að
þessi háttur væri hafður
á. Þetta var á tímum
þegar umræður voru all
háværar um sóttvamir,
fólk skirrðist við að
bergja á sameiginlegum
kaleik, og ekki alls stað-
ar unnt að koma við
notkun sérbikara. ídýf-
ingaraðferðin varð því
brátt vinsæl og hefur án
efa átt þátt í því að þátt-
takendum hefur fjölgað
svo mjög við altarisgöng-
ur sem raun ber vitni.
Það er að mínu mati
gleðileg þróun í okkar
kirkju. Við fámennari
altarisgöngur er víðast
bergt á sameiginlegum
kaleik. Það er vissulega
æskilegt, og það atferli
sem er í bestu samræmi
við það sem upphaflega
tíðkaðist. En það sem
mestu varðar er ekki hið
ytra atferli, heldur að
hlusta eftir fyrirheitum
Krists um návist sína í
helgri máltíð altarisins.
Og að geta þar sagt og
játað með kirkjunni
hans:
í sakramentinu sé ég þig
svo sem í líking skærri,
með náð mér nærri.
Ó, hvað gleður sú ásýnd mig,
engin finnst huggun stærri.
(Hallgrímur Pétursson,
Pass. 21)
Karl Sigurbjörnsson.
Afmælisrit KFUM og
KFUK - átt
þú myndir?
UM þessar mundir er
verið að vinna að ritun
sögu KFUM og KFUK í
100 ár. Áætlað er að
vandað rit komi út á
næsta ári en félögin voru
bæði stofnuð árið 1899.
Til þess að vel takist til
er nauðsynlegt að
myndefni bókarinnar
verði fjölbreytt og
spanni sem flest tíma-
skeið í starfi félaganna.
Eflaust luma ýmsir á
myndum sem tengjast
starfí þessara félaga eða
eiga jafnvel gögn sem
best væru komin í varð-
veislu þeirra. Allar
ábendingar um slíkt
væru vel þegnar og má í
því sambandi hafa sam-
band við skrifstofu
KFUM og KFUK við
Holtaveg, sími 588 8899.
Þeir sem vilja tryggja
sér eintak af bókinni og
vera á heillaóskaskrá
bókarinnar geta einnig
haft samband við skrif-
stofuna og fengið nánari
upplýsingar.
Launamál sjómanna
VELVAKANDA barst
eftirfarandi:
„í Bréfi til blaðsins í
Morgunblaðinu fimmtu-
daginn 24. september er
grein eftir Leó M. Jóns-
son sem nefnist „Eru
þessi hlutföll í lagi“ en
þar fjallar hann um
launamál sjómanna. Vil
ég gera athugsemd við
það sem Leó skrifar:
„... með fullri virðingu
fyrir fiskimönnum, ekk-
ert eðlilegt við 1100 þús.
kr. mánaðartekjur
manna..."
Vil ég benda Leó á að
þarna er verið að tala um
mettúr. Sjómenn búa við
mikið óöryggi í launa-
málum, það er aldrei vit-
að fyrirfram hver mán-
aðarlaunin eru, þau geta
jafnvel fallið niður í 55
þús. kr. á mánuði. Leó
ætti að hafa samband við
sjómennina á Arnari og
vita hver mánaðarlaun
þeirra verða næstu mán-
uði og kynna sér launa-
mál þeirra á ársgrund-
velli. Sjómenn eru
kannski með 3-4 milljón-
ir í árstekjur sem er ekki
mikið miðað við þeirra
vinnu og fjarvistir frá
heimili dögum eða vikum
saman.“
Sjómannskona.
Sammála
áhorfanda
“ÉG er sammála áhorf-
anda sem skrifar í Vel-
vakanda fímmtudaginn
24. september þar sem
hann gagnrýnir þáttinn
„ísland í dag“. Þetta er
eins og talað út úr mín-
um munni. Annað hefði
mátt koma fram í pistlin-
um en það er að Þor-
steinn J. er oft svo dóna-
legur að það nær ekki
nokkurri átt.“
Annar áhorfandi.
Tapað/fundið
Silfurkross týndist
SILFURKROSS úr
víravirki týndist laugar-
daginn 12. september á
leiðinni til Akureyrar,
annaðhvort á Reykjavík-
urflugvelli eða í flugvél-
inni.
Þeir sem hafa orðið
hans varir hafi samband
í síma 555 3207.
Dýrahald
Kettlingur óskar
eftir heimili
ÓSKA eftir góðu heimili
fyrir 4ra mánaða kett-
ling vegna ofnæmis á
heimili. Upplýsingar í
síma 562 7848.
Lítil hvít kisa
í óskilum
LÍTIL hvít kisa með
bláa ómerkta ól, fór und-
ir bíl í Lönguhlíð þann
15. september.
Var hún flutt á Dýra-
spítalann þar sem hún
bíður eiganda hress og
kát. Allur kostnaður við
Dýraspítalann er upp-
gerður.
íslensk tík
týndist
ÍSLENSK tík, eins og
hálfs árs, týndist í Hafn-
arfirði sl. fimmtudags-
morgun. Hún er ljósbrún
með hvítan koll. Þeir
sem hafa orðið hennar
varir hafi samband í
síma 555-4431.
Gulur loðinn
fress týndist
GULUR, ljósbrúnn og
hvítur, 6 mánaða loðinn
fress, ómerktur, týndist
22. september frá
Krummahólum 4. Þeir
sem hafa orðið hans var-
ir hafi samband í síma
557 9094.
Víkverji skrifar...
SÍÐUSTU dagar septembermán-
aðar státa af ýmsu í gegnum tíð-
ina. 29. september árið 1796, fyrir
202 árum, fæddist Hjálmar skáld
Jónsson [Bólu-Hjálmar] að Hall-
landi á Svalbarðsströnd. Kveðskap-
ur hans lifir enn góðu lífi, m.a. þessi
staka:
Víða til þess vott ég fann,
þóveiýistoftarhinu,
að Guð á margan gimstein þann
sem glóir í mannsorpinu.
Þennan sama dag, 29. september,
árið 1906, fyrir níutíu árum og
tveimur betur, var Landssími ís-
lands opnaður. Það var framfara-
dagur. 30. september bætti um bet-
ur í fjarskipta- og fjölmiðlatækni.
Þann dag árið 1966, fyrir 32 árum,
hófust útsendingar íslenzks sjón-
varps. Síðan þá hefur margt tækni-
undrið gerzt. Spurning er hins veg-
ar hvort einstaklingarnir hafi þróað
sinn innri mann, hugarheim sinn,
viðhorf sín og dagleg samskipti, í
takt við aðra þróun. En það er önn-
ur Ella.
xxx
FLESTIR róma fegurð landsins
okkar á sólbjörtum sumardög-
um þegar gróðurríkið er í mestum
blóma. Það er ekki sízt samspil and-
stæðna, ef þannig má að orði kom-
ast, sem heillar gesti og gangandi:
blár himinn, hvítir jöklar, svartir
sandar og grænn gróðurkraginn
umhverfis hálendið. Aldrei hrífur þó
umhverfið augað meir en í haustht-
um.
í gamla bændasamfélaginu - og
enn í dag - fylgja haustinu ákveðin
hughrif, uppskerustemmning, smöl-
un afrétta (fjallskil) og mannfagnað-
ur í réttum. Réttarstemmningin er
óaðskiljanlegur hluti arfleifðar okk-
ar og þjóðmenningar.
Eftir afnám einokunarverzlunar,
upp úr 1860, hófst útflutningur lif-
andi fjár til Bretlands. Sauðasalan
varð mikil lyftistöng. Með stað-
greiddu fjármagni skapaðist vísir til
sparifjármyndunar. Landsbanka Is-
lands (stofnaður 1886) fjármagnaði í
kjölfarið ýmsar þarfar framkvæmd-
ir. Ekki voru þó allir sáttir við
sauðasöluna, samanber þessa
skammsýnu þjóðvísu:
Sé ég eftir sauðunum
sem að komu af fjöllunum
ogetnir eru í útlöndum.
XXX
STJÓRNMÁLIN verða með líf-
legra móti í vetur, enda kosning-
ar að vori. A-flokkar hafa gengið í
eina sæng með Kvennalista og gefið
út langhund loforða. Þeir hyggjast,
ef Víkverji metur stöðuna rétt, sigla
beggja skauta byr út á eyðsluhafið -
með kreditkort skattborgarans í
farteski: Allt fyrir alla - og ögn þó
betur! Og mottóið virðist: Ut og inn
um [Nató]gluggann! Eða eins og
karlinn sagði:
Allt skal fyrir alla gjört,
eytt á báöar hendur.
Framtíðin er fráleitt björt
fyrir skattgreiðendur
Hátimbruð er sameiningin. Strax
hefur þó úr henni kvamast. Rauð
fylking með grænu ívafi gengur
kotroskin til kosninganna, umhverf-
isvæn en dulítið einsýn. Framboð-
um fækkar því ekki. Geta jafnvel
orðið fleiri en fyrir fjórum árum.
Svona er ísland í dag.
xxx
JÁ, ÞAÐ verður lag á Læk ís-
lenzkra þjóðmála næsta misser-
ið. Keikó og Clinton falla í skugg-
ann af pólitískum fimleikum eld-
huga, sem „lítið annað hafa haft að
gera“, svo notuð séu orð Guðrúnar
rithöfundar Helgadóttur, „en að
geimegla botninn á sjálfum sér í
þingsæti eftir næstu kosningar“.
Það verður ekki amalegt að
þreyja þorrann og góuna þennan
veturinn með Davíð við hagsældar-
stýrið á þjóðarskútunni - og gullroð-
in eyðsluský vinstri fyrirheita á
himni. Svo má heldur ekki gleyma
Þorláksmessuskötunni, Þorrahá-
karlinum og öðrum herlegheitum.
Eða atgangi frambjóðenda á útmán-
uðum: „Folöldin þá fara sprett og
fuglinn syngur - og kýrnar leika við
hvurn sinn fingur“!