Morgunblaðið - 11.11.1998, Blaðsíða 60

MORGUNBLAÐIÐ
60 MIÐVIKUDAGUR 11. NÓVEMBER 1998
Eplakökur
Þó alltaf sé til nóg af eplum á íslandi
núna, segir Kristín Gestsddttir, fengust
þau bara fyrir jólin þegar hún var lítil,
enda fínnst henni leiðinlegt að sjá
sum börn og unglinga bíta aðeins
í epli en fleygja því svo.
ÞÓ VIÐ höfum nóg af eplum þarf
ekki að fara svona með þau.
Ástæðulaust er að gefa barni
sem þannig fer að heilt epli. Epli
dökkna í sárið fyrir tilstilli súr-
efnis loftsins en verður ekki
óhæft til átu fyrir það, svo má
líka skera þunna sneið af sárinu
til að fjarlægja brúna litinn.
Ýmsar tegundir eru til af eplum
og koma tegundaheiti ekki alltaf
fram í verslunum. Eitt sinn greip
ég epli og spurði afgreiðslustúlk-
una hvaða tegund þetta væri.
Svarið var: „Þetta er bara rautt
epli.“ Þá höfum við það. Oftast
eru þau flokkuð eftir lit - rauð,
gul og græn, en fleira greinir þau
að en liturinn, því bragð, stærð
og áferð er mismunandi. Margar
verslanir skera eplin niður í rif
svo að neytendur geti smakkað
og er það vel. Þegar ég vel mér
epli til matar kaupi ég yfírleitt
sterkgræn súr epli, t.d. Granny
Smith eða stór Jónagold epli,
sem eru mjög drjúg. Svo hafa
fengist lítil rauð/gi-æn epli sem
henta vel bæði til átu og matar-
gerðar. Af nógu er að taka. Ótal
gerðir eru til að eplakökum, lík-
lega er ekki til eins mikið af
nokkrum kökum í heiminum og
þeim. Eplakaka Ragnhildar er
geysivinsæl meðal minna barna-
barna og þeirra vina og þarf eng-
an fullorðinn til að hjálpa þeim
við baksturinn. Þeim þykir gott
að fá ís með henni.
Iplakaka
Ragnhildar
___________4 egg___________
160 g sykur
_________100 g hveiti______
1 tsk. lyftiduft
2 meðalstór epli, helst bragð-
sterk
2 tsk. kanilsykur
1. Hitið bakaraofn í 200°C,
blástursofn í 180°C, setjið kök-
una ekki inn í ofninn fyrr en
hann er orðinn heitur.
2. Þeytið egg og sykur þar til
það er ljóst og létt.
3. Blandið saman hveiti og
lyftidufti, hrærið út í deigið með
sleikju, setjið ekki í hrærivél.
4. Smyrjið stórt springform,
setjið deigið í mótið. Takið kjarn-
ann úr eplunum, skerið í rif og
raðið ofan á eins og sól. Stráið
kanilsykri yfir.
5. Setjið kökuna í miðjan ofn-
inn og bakið í um 25 mínútur.
Eplakaka
Ásdísar
Botn og lok:
250 g hveiti
175 g smjör
100 g sykur
_______i egg_____
1 -2 msk. kolt vatn
1 msk. brauðrasp
Fylling:
1 V2 kg bragðsterk epli
1 dl sykur yfir eplin
1 dl rúsínur
50 g saxaðar möndlur
Ofan á kökuna:
75 g smjör
75 g sykur
30 g fínt saxaðar möndlur
1. Hnoðið saman hveiti, smjör,
sykur, egg og kalt vatn, geymið í
kæliskáp á 3-4 klst. Skiptið í
tvennt og fletjið út í 2 kringlóttar
kökur, aðra aðeins sm stærri.
3. Setjið stærri kökuna í smurt
bökuform eða springform, og lát-
ið hana ná upp með börmunum.
4. Afhýðið eplin, stingið úr
þeim kjarnann, skerið í sneiðar
og setjið ofan á. Stráið sykri yfir,
setjið síðan saxaðar rúsínur og
möndlur yfir. Þrýstið raspi á
kantinn.
5. Leggið minni deigkökuna of-
an á og þrýstið vel saman á brún-
unum. Gott er að skera smá göt í
hana og má nota sogrör til þess.
6. Blandið saman smjöri, sykri
og fínt söxuðum möndlum, hitið
örlítið, kælið síðan að mestu og
smyrjið yfir.
7. Hitið bakaraofn í 220°C,
blástursofn í 200°C, setjið neðar-
lega í ofninn og bakið í 45 mínút-
ur.
8. Berið fram með þeyttum
rjóma eða ís.
www.mbl.is
í DAG
VELVAKAJVDI
Svarað í síma 569 1100 frá 10-12 og 13-15
frá mánudegi til föstudags
Svar við
opnu bréfí
VELVAKANDA barst eft-
irfai’andi svar við opnu
bréfi Viggós Jörgenssonar
til utanríkisráðherra sem
birtist í Morgunblaðinu 4.
nóvember 1998.
„I tilefni af opnu bréfi
Viggós Jörgenssonar til
utanríkisráðherra í Morg-
unblaðinu 4. nóvember sl.,
þar sem fyrrnefndur setti
fram spurningar um hugs-
anlega miðun langdrægra
rússneskra kjarnaflauga á
Island, skal bent á að ís-
lensk stjómvöld hafa enga
ástæðu til að ætla að slík-
um flaugum sé beint að
skotmörkum hér á landi,
né heldui- telja íslensk
stjórnvöld að tilefni væri
til viðbúnaðar af því tagi af
hálfu Rússlands. ísland og
Rússland fógnuðu því ný-
lega að 55 ár voru liðin frá
því að ríkin stofnuðu til
stjórnmálasambands og
tvíhliða samskipti ínkjanna
eru mjög góð. I þessu sam-
hengi má minna á sívax-
andi umsvif Samstarfsráðs
Atlantshafsbandalagsins
og Rússlands (PJC), á
grundvelli Stofnsáttmála
þessara aðila, þar sem al-
menn upplýsingamiðlun
um öryggismál og aðgerðir
gegn útbreiðslu gereyðing-
arvopna eru á meðal við-
fangsefna.
Sum þeima ríkja sem
ráða yfir kjarnavopnum
hafa gert tvíhliða sam-
komulag um afnám sjálf-
virkni 1 miðun langdrægra
kjarnaflauga, m.a. til að
koma í veg fyrir óhöpp, en
slíkir samningar koma
ekki í veg fyrir hugsanlega
beitingu kjarnavopna á
ófriðartímum. Þar sem um
er að ræða tæknilega
traustvekjandi aðgerð á
gagnkvæmnisgrundvelli,
væri ekki vænlegt til ár-
angurs fyrir íslensk stjórn-
völd að leita slíkra samn-
inga við rússnesk stjórn-
völd, af augljósum ástæð-
um.“
Halldór Asgrfmsson,
utanríkisráðherra.
Óíþróttaniannsleg
framkoma
YELVAKANDA barst eft-
irfarandi bréf:
„Heiðraði Velvakandi.
Handknattleiksmót fór
fram í Víkingsheimilinu
um síðustu helgi og kom
mér á óvart að íþrótta-
mannsleg framkoma virt-
ist þjálfara Gróttu gersam-
lega framandi. I einum
leikjanna lét hann sína
leikmenn raða sér upp við
hliðina á vellinum og gaf
þeim skýr fyrirmæli um að
hvetja liðsmenn Vals (!) til
dáða en púa á Stjörnuna.
Sá það hver maður að
þetta rann liðsmönnum
Stjörnunnar til rifja, enda
ekki háir í loftinu, aðeins 7
til 9 ára gamlir. Þetta var
mót 7. flokks! - Þar sem ég
lék sjálf með Gróttu í eina
tíð hef ég reynt að halda
uppi merki liðsins á
Stjörnuheimilinu mínu. Nú
er það talsvert erfiðara en
áður.
Ragnheiður
Traustadóttir.
Tapað/fundið
Kvenúr týndist
GROVANA silfurlitað og
gyllt kvenmannsúr týndist
sl. laugardagskvöld, lík-
lega á Gauki á Stöng eða í
miðbæ Reykjavíkur. Skil-
vis finnandi hafi samband í
síma 588 9966. Fundar-
laun.
Herraúr týndist
HERRAÚR týndist í
Kolaportinu eða á leið á
bílastæði sl. laugardag 7.
nóvember kl. rúmlega 11.
Skilvís finnandi vinsam-
lega hafi samband í síma
554 0322.
Gleraugu týndust
Karlamannsgleraugu í
blágrænni umgjörð týnd-
ust af borði á Islands-
meistaramóti í dansi sem
haldið var sl. laugardag í
íþróttahúsinu við Strand-
götu í Hafnarfirði. Skilvís
finnandi vinsamlega hafið
samband við Björn í síma
565 0554 eða 551 8166 eða
skilið gleraugunum til
Stefáns hjá Dansskóla
Jóns Péturs og Köru.
Skellinaðra týndist
FYRIR u.þ.b. tveimur vik-
um týndist í Háagerði í
Reykjavík skellinaðra,
Suzuki TSX-50, svört að
lit, RT-903. Þar sem engar
upplýsingar hafa ennþá
fengist um hvað orðið hef-
ur af skellinöðrunni þá
kviknaði sú hugmynd að
biðja foreldra, og einnig
unglinga, sem kynnu að
hafa orðið varir við farar-
tæki sem svarar til þessar-
ar lýsingar, einhversstaðar
í reiðileysi, að láta vita í
einhvern af eftirfarandi
símum 553 3882, 669 7919
eða 553 7272. Allar upplýs-
ingar vel þegnar.
Dýrahald
Hamstursbúr óskast
HAMSTURSBÚR á
tveimur hæðum, helst
gyllt, óskast gefins. Upp-
lýsingar í síma 698 0074.
SKAK
llinsjón Marguir
Pétlll-NSOII
Staðan kom upp í síðustu
umferð í landsliðsflokki á
Skákþingi íslands á laugar-
daginn. Hannes Hlífar Stef-
ánsson (2.545) var
með hvitt og átti
leik, en Jón Viktor
Gunnarsson (2.445)
hafði svart.
20. Bxh7+! - Kh8
(Svartiu* mátti alls
ekki taka biskupinn
því 20. - Kxh7 21.
Dh5+ - Kg8 22.
Hxg7+ - Kxg7 23.
Hgl+ - Kf6 24.
Dg5 er mát!) 21.
Dh3! - Dxf4 22.
Hg4 _ Dh6 23. Hh4
- Kxh7 (Eina leiðin
til að forðast mát er
að láta drottning-
una af hendi) 24. Hgl -
Had8 25. Dg4 - Hg8 26.
Df4 og svartur gafst upp.
Þetta reyndist vera úrslita-
skák mótsins. Með sigrinum
komst Hannes upp fyrir
Helga Ass Grétarsson sem
gerði jafntefli við Róbert
Harðarson í síðustu umferð-
inni. Jón Viktor varð þriðji
ásamt Þresti Þórhallssyni.
HVÍTUR leikur og vinnur
HÖGNI HREKKVÍSI
Víkveiji skrifar...
DUGNAÐUR þeirra sem
stunda áhuga- og tómstunda-
mál sín af elju og kappi jafnhliða
fullu stai-fi og rekstri heimilis hefur
oft vakið aðdáun Víkverja. Hann
hefur einnig oft velt því fyrir sér,
hvernig sumt fólk virðist alltaf geta
fundið tíma til þess að sinna áhuga-
málum sínum, jafnvel þótt það sé
störfum hlaðið. Hugsanir sem
þessar sóttu á Víkverja um hádeg-
isbilið sl. laugardag, þegar hann
gat skotist yfir í Kringlu úr Morg-
unblaðshúsinu, til þess að gera
smávægileg innkaup.
XXX
EINS og marga rekur eflaust
minni til var leiðindaveður hér
í Reykjavík á laugardag, rok og
rigning og vart hundi út sigandi.
Þegar Víkverji kom inn í anddyri
Kringlunnar blasti við honum
glæsilegt langborð, hlaðið skreytt-
um veislutertum, hreint ótrúlega
lystilegum og glæstum, og bak við
borðið stóðu kankvísar konur og
gerðu hvað þær gátu til þess að
laða vegfarendur að krásunum.
Víkverji fór og kynnti sér hvað
þarna væri á döfinni og mikið rétt
- þarna voru á ferðinni konur úr
Mosfellskórnum, sem höfðu bakað
hinar glæstu Hnallþórur og héldu
kökubasar í fjáröflunarskyni.
Þarna stóðu þær, brosmildar og
ófeimnar og hvöttu þá sem fram-
hjá fóru til þess að láta nú freist-
ast.
xxx
EINKUM virtust þær lagnar
við að leggja snörur sínar fyrir
karlpeninginn og beindu til þeirra
athugasemdum eins og þeim, hvort
þeir hefðu nú ekki áhuga á að slá í
gegn hjá konunni með því að mæta
heima með eina tertu eða svo og
bjóða til veislukaffis. Margir féllu
mjög fúslega fyrir þessum freist-
ingum og reiddu glaðir fram það
hóflega gjald sem krafist var.
xxx
VIKVERJI var einn þeirra sem
ekki stóðust freistinguna og
festi kaup á hreint ótrúlega glæsi-
legi-i tertu fyrir 1.200 krónur. Vík-
verji er ekki í nokkrum vafa um að
ef slík terta fengist á annað borð í
bakaríum landsins yrði hún verð-
lögð á einhverja þúsundkalla, en
ekki rúmlega einn. Nú, að loknu
tertuáti, þá er hægt að upplýsa, að
ekki einasta var hún glæst, heldur
svo ljúffeng, að við besta konfekt
má jafna. Víkverji hefur síðan verið
að hugsa með hlýju til kvennanna í
Mosfellskórnum, sem að sögn
syngja hreint ágætlega og leggja
mikið á sig við söngæfingar, en
hafa samt sem áður tíma til þess að
baka þessar líka fínu tertur og
standa svo í Kringlunni og laða
vegfarendur til þess að prófa nú
sætindin. Ef grunur Víkverja reyn-
ist réttur eru þær í ofanálag fyrir-
myndar húsmæður, mæður og eig-
inkonur, sem sjálfsagt vinna flestar
hverjar fullan vinnudag, utan
heimilisins! Sannkallaðar „hvunn-
dagshetjur" sem svo allt of fáir
muna eftir að eru jú helstu hetjur
okkar daga, ekki satt?