Morgunblaðið - 08.01.1999, Blaðsíða 68

r
KOSTA
með vaxta þrepum
{$) IHINADMiHANKINN
á fltattmtöiifeife
MORGUNBLAÐIÐ, KRINGLAN1,103 REYKJAVIK, SÍMI6691100, SÍMBRÉF 5691181
PÓSTHÓLF 3040, NETFANG: RITSTJ@MBL.IS, AKUREYRI: KA UPVANGSSTRÆTI1
FÖSTUDAGUR 8. JANÚAR 1999
VERÐ í LAUSASÖLU 125 KR. MEÐ VSK
Sjávarútvegsnefnd Alþingis hefur frestað afgreiðslu kvótafrumvarpa
LS mótmælir breyting'ar-
tillögum nefndarinnar
Einar Oddur Kristjánsson hafnar
gagnrýni smábátaeigenda
IS eykur
rækjufram-
leiðslu
HLUTDEILD íslenskra sjáv-
arafurða hf. í rækjuútflutningi
frá íslandi óx nokkuð á síðasta
ári. Framleiðsla ÍS á rækjusmá-
sölupakkningum varð tvöfalt
meiri á árinu 1998 en árið 1997.
Heildarframleiðsla ÍS á pillaðri
rækju jókst um 27%, úr 5.395
tonnum í 6.853 tonn á síðasta
ári.
Hlutdeild smásölupakkninga í
landfrystri rækju jókst í verð-
mæti úr 22% árið 1997 í 33% á
síðasta ári. Hlutdeild ÍS í rækju-
útflutningi frá Islandi jókst úr
24% árið 1997 í 32% miðað við
fyrstu 10 mánuði síðasta árs.
Aftur á móti varð samdráttur í
framleiðslu ÍS á sjófrystri rækju
á síðasta ári.
■ Framleiðsla/20
ARTHUR Bogason, formaður
Landssambands smábátaeigenda,
telur að breytingartillögur sjávarút-
vegsnefndar Alþingis á kvótafrum-
vörpum sjávarútvegsráðherra, sem
lögð voru fram í kjölfar á dómi
Hæstaréttar, leysi engan vanda.
Samkvæmt tillögum nefndarinnar
verða sóknardagar 23 á ári, en
Arthur segir að miðað við fyrri
reynslu muni þeim fijótt fækka þeg-
ar veiði verður umfram það hámark
sem tiltekið er, og verði orðnir 9-10
á fáum árum. Hann gagnrýnir
einnig að veiðar séu bundnar við
stutt tímabil. Einar Oddur Krist-
jánsson þingmaður Sjálfstæðis-
flokks, sem sæti á í nefndinni, vísaði
þessari gagnrýni á bug í gærkvöldi.
Ekki tókst að ljúka afgreiðslu
frumvarpsins úr sjávarútvegsnefnd
í gær, eins og stefnt var að. Einar
Oddur segir að fullyrðingar LS séu
ósannindi og bull. Hann segir að af-
staða sambandsins komi sér mjög á
óvart.
„Með þessari u-beygju þeirra,
þessum skoðanaskiptum á einni
nóttu, koma þeir í bakið á okkur og
segja að þeir vilji þetta ekki. Eg
ætla ekki að reyna að skilja þetta.
Það er bara þeirra mál.“
Einar Oddur bendir á að engar
líkur séu á að veiði á grunnslóð
verði áfram eins mikil og verið hef-
ur á síðustu ánim, og Ijóst hafí verið
í samkomulagi sem gert var við
smábátaeigendur 1996, að sóknar-
dögum myndi fækka ef veiðin yrði
mikil.
„Við stóðum að því með þeim árið
1996 að knýja fram samkomulag
sem hefur gengið mjög vel. Mér
fannst rétt, þegar taka þurfti þetta
mál upp vegna dóms Hæstaréttar
að það yrði tryggt að allir hefðu
sem likust réttindi til veiða fyrir og
eftir dóminn, hvort um væri að
ræða lítil skip eða stór.“
Einar segist enga trú hafa á þvi
að veiði smábáta muni halda áfram
að vera svo mikil sem verið hafi, en
fari svo, eigi þeir kost á að kaupa til
sín fleiri daga. Einnig hafí þeir þann
möguleika að skipta dögunum út
iyrir kvóta, sem sé þeim hagstætt,
því miðað sé við síðustu ár, sem hafi
verið góð aflaár.
■ Komið til móts/6
Ófremdarástand í Hagaskóla vegna tíðra sprenginga
Þjórsárveranefnd
Lón ekki
viðunandi
ÞJÓRSÁRVERANEFND er sam-
mála um að miðlunarlón með yfír-
borði við 581 m yfir sjávarmáli við
Norðlingaöldu sunnan Hofsjökuls
rýri óhæfilega náttúruverndargildi
Þjórsárvera. Landsvirkjun hefur
hafið athuganir á öðrum möguleik-
um, sem geta talist viðunandi, að
sögn Helga Bjarnasonar, fulltrúa
Landsvirkjunar í nefndinni. Felast
þeir m.a. í að lækka yfirborð Norð-
lingaöldulóns eða að hverfa frá hug-
myndum um Norðlingaölduveitu og
virkja ána í farvegi sínum, nokkru
ofan við Sultartangalón.
Þjórsárveranefnd hefur starfað
frá því Þjórsárver voru friðlýst árið
1981 og var ætlað að meta hvort
Norðlingaöldulón raskaði óhæfilega
náttúruverndargildi Þjórsárvera.
Nefndin hefur ekki skilað áliti en tel-
ur lón með yfirborð í þessari hæð
óraunhæfan kost, að sögn formanns
hennar, Gísla Más Gíslasonar.
■ Landsvirkjun/34
Morgunblaðið/Guðjón
Eldar í jólatrjám
um alla borg
STARFSMENN gatnamálastjór-
ans í Reykjavfk hófu að safna sam-
an jólatrjám í borginni í gær, en
söfnun jólatijáa fer fram á höfuð-
borgarsvæðinu næstu daga. Trén
fara í endurvinnslu og eru þau
mulin niður og meðal annars not-
_^uð við gerð gangstíga. Ekki kom-
ast þó öll tré þangað, því mikið
annríki var hjá lögreglu í Reykja-
vík og slökkviliði í gærkvöldi
vegna elda sem höfðu verið
kveiktir í jólatijám víðsvegar um
borgina.
Um klukkan 14 í gær tóku
fyrstu tilkynningar um að kveikt
^Hiefði verið í jólatrjám að berast
lögreglu og eftir klukkan 18 sinnti
lögregla varla öðru en slíkum út-
köllum. Á tólfta tímanum voru út-
köllin orðin um 20. Reykvískir
pörupiltar og -stúlkur sáu sér
greinilega leik á borði og drógu
þessi tré afsíðis, meðal annars inn
á leikvelli barna og skólasvæði,
þar sem kveikt var í þeim.
Vandræðaástand skapaðist af
þessum sökum hjá lögreglu og
slökkviliði í gærkvöldi, enda eldar
margir og dreifðir um borgina.
Mest bar þó á slíkum brunum í
Grafarvogi og vesturbænum sam-
kvæmt upplýsingum frá lögreglu.
Hætta skapast af slíkum eldum og
varð in.a. bifreið í Skerjafirði fyrir
miklum skemmdum af þeim sök-
um að tré hafði verið dregið að
henni og eldur borinn að.
Óskað eftir gæslu
lögreglu í skólanum
ALVARLEGT ástand hefur skap-
ast í Hagaskóla á undanfórnum
dögum vegna ítrekaðra sprenginga
á skoteldum innan veggja skólans.
Hefur skólahald raskast dag hvern
frá áramótum vegna þessa. Skóla-
stjóri Hagaskóla hefur óskað eftir
nærveru lögreglu í dag til að
tryggja eðlilegt skólastarf í skólan-
um. Einnig hafa foreldrar verið
fengnir til að vera á vakt í skólan-
um. Stjómendur Hagaskóla líta á
þessi atvik alvarlegum augum og
segja sprengingarnar alvarlegt til-
ræði við öryggi nemenda og starfs-
manna.
Skólastjómendur brugðust m.a.
við sprengingunum fyrr í vikunni
með því að gera sprengjuleit í tösk-
um allra nemenda og fundust ýmsar
tegundir skotelda í fórum sex nem-
enda. Einar Magnússon skólastjóri
greip til þess ráðs að víkja þeim úr
skóla í viku. Tilkynnti hann það
heimilum viðkomandi.
Foreldrar mótmæltu brottvísun
„Því var tekið í þremur tilvikum,
mótmælt í þremur, þar af í tveimur
mjög ákveðið. Svo ákveðið að það
var kvartað undan þessari aðgerð
minni við Fræðslumiðstöð Reykja-
víkur. Og þá kemur í ljós, að þó að
grunnskólalög heimili brottvikningu
nemanda úr skóla í allt að viku þá
eru stjórnsýslulögin æðri grunn-
skólalögum. í hita leiksins hafði
mér yfirsést það atriði, að ef ætlun-
in er að víkja nemanda í burtu leng-
ur en í einn dag, verður að gera það
með rökstuddri skriflegri greinar-
gerð og geta þess jafnframt í bréfi
að foreldri hafi svokallaðan and-
mælarétt. Þessi andmælaréttur get-
ur verið allt að 15-30 dagar, að mér
skilst, og náttúrlega alveg ófært að
mínu viti að vinna við þessar að-
stæður. Ég tel það alveg gagns-
laust, en lagabókstafurinn blífur og
ég varð að gjöra svo vel og taka
krakkana til baka þótt mér þætti
það súrt í broti,“ sagði Einar.
■ Alvarlegt/6
Morgunblaðið/Þorkell