Morgunblaðið - 06.02.1999, Blaðsíða 6

6 LAUGARDAGUR 6. FEBRÚAR 1999
MORGUNBLAÐIÐ
FRETTIR
Friðrik Sophusson forsljóri Landsvirkjunar vill sátt milli verndar og nýtingar
Landsvirkjun stígi af stall-
inum sem hún hefur staðið á
FRIÐRIK Sophusson, forstjóri Landsvirkjun-
ar, kynnti viðhorf sín til orkumála og miðhá-
lendisins á fundi Sjálfstæðisfélags Seltjarnar-
ness sl. fimmtudag. Friðrik sagði á fundinum
að sætta yrði sjónarmið nýtingar- og verndar-
sinna og sagði að sú vinna væri þegar hafin af
sinni hálfu.
„Þetta starf er löngu hafið og við munum
halda því áfram því ég trúi því að það sé hægt
að ná sáttum í þessum efnum. En ég viðurkenni
að til þess að það geti orðið þarf Landsvirkjun
að stíga ofan af þeim stalli sem hún hefur staðið
á. Eg held að tíðarandinn krefjist þess að fyrir-
tækið stígi af stallinum og blandi geði við aðra í
stærri stíl en það hefur gert á síðustu áratug-
um,“ sagði Friðrik og hélt áfram:
Fordómar um stóriðju
varasamir
„Ég hef verið að ræða við fólk í ferðaþjónust-
unni. Ég hef til dæmis rætt við formann Ferða-
félags Islands og svo er það ekkert leyndarmál
að Steingrímur Hermannsson og Gunnar G.
Schram komu til mín og ræddu við mig fyrir
stofnun Umhverfissamtaka íslands," sagði
Friðrik og benti meðal annars á að Landsvirkj-
„Eigum að vara okkur
á því að draga
störf í dilka eins
og við gerum“
un væri aðili að Landvemd og hefði lagt mikið
fé í starf þeirra samtaka.
Friðrik sagðist sannfærður um að ferða-
mennska og stóriðja gætu farið saman. „Það
hafa alltaf staðið deilur um stóriðju en mér
sýnist að á allra síðustu misserum hafi menn
fleiri horn í síðu stóriðju en áður. Fólk talar um
að stóriðja og stórvirkjanir séu ekki móðins
lengur. Eg held að menn ættu aðeins að gæta
að sér. Það er ekki mjög mikill munur nú á
dögum á stóriðju og annarri iðju sem fólk vinn-
ur við eins og matvælaiðnaði. Það er að mínu
mati stutt í þau sjónarmið að það sé ekki fínt að
vinna í verksmiðju, það sé ekki fínt að fram-
leiða eitthvað á færibandi. Þegar við segjum
þetta, erum við þá tilbúin að taka afleiðingum
þess að allir í heiminum héldu slíku fram?
Getur verið að í þessu sé fólginn tvískinnung-
ur, meðal annars vegna þess að við viljum
keyra á bílunum okkar og nota eldhúsáhöldin
sem framleidd eru í slíkum verksmiðjum? Get-
ur verið að hér eigi sér stað sú firring að menn
átti sig ekki á sambandinu á milli lífsgæða og
þess starfs sem fer fram innan svokallaðra
verksmiðjuveggja? Ég held að við eigum að
vara okkur á því að draga störf í dilka eins og
við gerum, nema við séum tilbúin til þess að lifa
án þeirra gæða sem verða til með þessari starf-
semi,“ sagði Friðrik.
Mikill áhugi á virkjun
í Bjarnarflagi
Friðrik sagði að Landsvirkjun hefði mikinn
áhuga á virkjun í Bjarnarflagi og mikill áhugi
væri einnig fyrir hendi meðal heimamanna.
„Það er hins vegar vafi á því hvort við fáum
að virkja þar sem tvenn lög eru í gildi um svæð-
ið,“ sagði Friðrik. Annars vegar væru það lög
um verndun Laxár- og Mývatns og hins vegar
lög um mat á umhverfisáhrifum og ekki væri
ljóst hvor þeirra væru ráðandi.
Mikið var um spurningar á fundinum og aug-
ljóst að margir höfðu áhuga á framtíðarsýn ný-
skipaðs forstjóra Landsvirkjunar.
Tína týnd
í mánuð
I GÆR var liðinn réttur mán-
uður síðan tíkin Tína úr Mos-
fellsbæ hvarf úr gæslu hinn 5.
janúar. Mikil leit hefur staðið
yfir að tíkinni, en ekki hefur
enn tekist að fanga hana þrátt
fyrir að ýmiss konar aðferðum
hafi verið beitt.
Enginn vafi er talinn leika á
því að tíkin sé lifandi enda hafa
spor eftir hana sést með reglu-
legu millibili og í síðustu viku
sást til tíkurinnar sjálfrar þar
sem hún skaust eins og tófa yf-
ir garð nágranna Kristínar
Erlu Karlsdóttur, gæslukonu
Tínu.
„Það er kominn til að hún
fari að láta sjá sig og við hætt-
um ekki leitinni fyrr en hún
finnst,“ sagði Kristín Erla í
gær. Tína var í blárri kápu er
hún hvarf og segir Kristín
Erla að líklegt sé að hún hafi
rifið hana af sér þar sem káp-
an sé þunn og langt sé liðið á
útivist Tínu. „Þetta er orðinn
það langur tími, og efnið í káp-
unni er eins og fallhlífarefni,
þannig að það er líklegt að hún
hafi rifið hana af sér.“
Tveir piltar
teknir á
stolinni
bifreið
LÖGREGLAN í Reykjavík
hljóp tvo unga pilta uppi í Von-
arstræti í gærmorgun um sex-
leytið eftir nokkra eftirför á
bílum um borgina.
Grunur lék á að piltarnir,
sem eru 14 og 15 ára, væru á
stolinni bifreið eftir að lög-
regla veitti þeim athygli á
gatnamótum Laugavegar og
Kringlumýrarbrautai-. Þeir
voru færðir til yfirheyrslu að
viðstöddum foreldrum og full-
trúum barnavemdaryfirvalda.
Þeir viðurkenndu að hafa
stolið bifreiðinni og er mál
þeirra í höndum barnavemd-
aryfirvalda. Óvemlegar
skemmdir urðu á bifreiðinni.
Piltamir komu við sögu lög-
reglunnar með svipað mál fyr-
ir fáeinum dögum.
, _ _ Morgunblaðið/Árni Sæberg
STEINGRIMUR J. Sigfússon alþingismaður verður í framboði til formannsembættisins á stofnfundi Vinstri
hreyfingar - Græns framboðs í dag, samkvæmt heimildum Morgunblaðsins.
Morgunblaðið/Árni Sæberg
í DIGRANESSKÓLA í Kópavogi
kusu 280 manns í prófkjöri Sam-
fylkingarinnar i' gær en kjör-
staðir verða einnig opnir í dag.
Prófkjör Samfyiking-
arinnar á Reykjanesi
Hátt
kusu
p
1
*
1
1700
gæv
SAMKVÆMT upplýsingum frá
Garðai-i Vilhjálmssyni, formanni
kjörstjórnar, höfðu hátt í 1700 manns
greitt atkvæði þegar kjörstöðum var
lokað á fyrra degi prófkjörs Samíylk-
ingarinnar á Reykjanesi í gær.
Á kjörstöðum í Digranesskóla og
Þinghólsskóla í Kópavogi kusu sam-
tals 355 manns, rúmlega fjögur
hundruð manns í Víðistaðaskóla í
Hafnarfii’ði, auk 150 sem kosið höfðu
í utankjörstaðaatkvæðagreiðslu, og
240 í Félagsbíói í Keflavík auk 30
sem kosið höfðu utan kjörstaða í
Keflavík.
Kjörstaðir voru opnir frá 17-22 í
gær en verða opnir 10-22 í dag.
Kjósendur eiga að raða sex fram-
bjóðendum með því að merkja við þá
1-6. Ef merkt er við færri en sex
telst kjörseðillinn ógildur. Prófkjörið
er opið öllum sem styðja vilja Sam-
fylkinguna.
Kjörstaðir í prófkjörinu eru Fé-
lagsbíó í Reykjanesbæ, Miðhús í
Sandgerði, verkalýðshúsið í Grinda-
vík, Stóru-Vogaskóli í Vogum, Víði-
staðaskóli í Hafnarfirði, Garðatorg í
Garðabæ, Þinghólsskóli og Digra-
nesskóli í Kópavogi, Valhúsaskóli á
Seltjarnarnesi og Þverholt 11 í Mos-
fellsbæ. Kjalnesingar geta kosið á
þeim kjörstöðum sem þeim hentar.
Nítján bjóða sig fram í prófkjör-
inu. Prófkjörsreglumar gera ráð fyr-
ir að flokkarnir sem standa að Sam-
fylkingunni, Alþýðuflokkur, Alþýðu-
bandalag og Kvennalisti, fái a.m.k.
einn fullti-úa í fjögur efstu sæti list-
ans.
Landssamtökin Vinstri hreyfíng - Grænt framboð funda í Rúgbrauðsgerðinni
Tæplega fj ögur hundruð
manns voru á stofnfundi
TÆPLEGA fjögur hundruð manns
komu á stofnfund Vinstri hreyfing-
ar - Græns framboðs (VG) sem
hófst í gær. Hátt í fimm hundruð
manns hafa nú gerst stofnfélagar í
flokknum. Stjórnarkjör fer fram á
morgun og samkvæmt heimildum
Morgunblaðsins hefur Steingrímur
J. Sigfússon alþingismaður ákveðið
að bjóða sig fram til embættis for-
manns flokksins og Svanhildur
Kaaber í embætti varaformanns.
Steingrímur vildi í gær hvorki
játa né neita því að hann gæfi kost á
sér í formannskjörinu. Ógmundur
Jónasson alþingismaður staðfesti
hins vegar í samtali við Morgun-
blaðið að hann sæktist ekki eftir
embættinu. „Ég gerði grein fyrir
því fyrir nokkru síðan að ég myndi
ekki sækjast eftir að gegna for-
mennsku í flokknum en ég mun af
alhug styðja þá niðurstöðu sem
verður í stjórnarkjörinu og reyna að
vinna þessu nýja stjórnmálaafli
gagn af alefli."
I gær var skipuð uppstillingar-
nefnd til að setja saman lista fyrir
stjórnarkjörið í dag. Auk formanns
og varaformanns verður kosinn
gjaldkeri og sex meðstjórnendur.
Svanhildur Kaaber flutti setning-
arávarp fundarins og talaði fyrir
auknum jöfnuði í þjóðfélaginu og
áherslu á umhverfismál en gegn
markaðshyggju og auðhyggju. Hún
sagði að það samfélag samhjálpar
sem menn hefðu áður verið sammála
um að stefna að væri í hættu.
Kveðjur frá sósíalistum og
græningjum á Norðurlöndum
Einnig fluttu ávörp Kristín Hall-
dórsdóttir alþingismaður, Ólöf Rík-
harðsdóttir og Gunnar Ólafsson, og
Jonas Sjöstedt, gestur frá sænska
Vinstriflokknum, flutti fundarmönn-
um kveðjur frá flokkum vinstrisósí-
alista og umhverfisverndarmanna á
Norðurlöndum.
I drögum að málefnaskrá sem lögð
voru fram í gær, en sem verða end-
urskoðuð á fundinum í dag og á kom-
andi vikum, kemur meðal annars
fram að flokkurinn leggist gegn stór-
iðju og stórvirkjunum í þágu meng-
andi iðnaðar. Hann telur að styrkja
þurfi umhverfisráðuneytið mjög og
þannig að það fái hliðstæða stöðu
innan stjórnkerfisins og fjármála-
ráðuneytið. Stefnt er að því að Is-
lendingar verði virkir aðilar að fram-
kvæmd loftslagssamnings Samein-
uðu þjóðanna og Kýtótóbókuninni.
í velferðar- og kjaramálum mun
flokkurinn meðal annars beita sér
fyrir grundvallai-breytingum á al-
mannatryggingalöggjöfinnni þannig
að réttur þeirra sem falla undir lögin
verði einstaklingsbundinn án teng-
ingar við tekjur maka. Flokkurinn
telrn- einnig að breyta eigi þeim
hugsunarhætti að þeir sem fái
greiðslur samkvæmt lögunum séu
ölmusufólk og þvi verði þær kallaðar
laun en ekki bætur. Ennfremur kem-
ur fram í málefnadrögunum að
leggja eigi sjúklingaskatt af með öllu.
I drögunum segir að lengja eigi
fæðingarorlof í tólf mánuði og
tryggja það báðum foreldrum ef þeir
annast barnið saman. Einnig er
stefnan að hækka atvinnuleysisbæt-
ur og að enginn hámarkstími verði á
greiðslu þeirra eins og nú er.
Efla á byggingu leiguíbúða á veg-
um sveitarfélaga og gera það að
raunhæfum valkosti að leigja hús-
næði. í þágu byggðastefnu vill flokk-
urinn að settur verði á stofn trygg-
ingasjóður vegna eignataps eigenda
íbúða á landsbyggðinni sem bæti
þeim upp að hluta lækkað markaðs-
verð íbúða vegna óviðráðanlegra að-
stæðna, til dæmis atvinnuleysis á
staðnum.