Morgunblaðið - 06.02.1999, Side 20

rrrfj t Trjv^TrN'T'W
MORGUNBLAÐIÐ
OOOr *T f TTCr<T'Tr'rr *V THjr\ f rj^r ^ r\TT f 1
20 LAUGARDAGUR 6. FEBRÚAR 1999
AKUREYRI
Morgunblaðið/Kristján
Söfnuðu fyrir Rauða krossinn
ÞRÍR félagar af Svalbarðs-
strönd söfnuðu tómum flösk-
um í heimabyggð sinni og
komu færandi hendi til Rauða
krossins með ágóðann, 1.799
krónur. Þetta eru þeir Víking-
ur Hauksson, Arnar Logi
Þorgilsson og Arnór Jónsson.
Þá vildi Unnar Þorri Þorgils-
son ekki láta sitt eftir liggja
og færði Rauða krossinum
1.146 krónur sem hann hafði
safnað. Á myndinni eru þeir
Víkingur, Arnar Logi og Unn-
ar Þorri, en Arnór vantar á
myndina.
Vinnuklúbbur - nám-
skeið í atvinnuleit
VINNUKLÚBBUR - námskeið í
atvinnuleit er nýtt verkefni á veg-
um Menntasmiðju kvenna á Akur-
eyri. Námskeiðin eru bæði fyrir
konur og karla og eru unnin í ná-
inni samvinnu við Svæðisvinnu-
miðlun Norðurlands eystra. Verk-
efnisstjóri er Sigrún Jakobsdóttir
en Brynja Óskarsdóttir hefur unn-
ið með henni að undirbúningi.
Námskeiðin standa í fjórar vikur
og er gert ráð fyrir að þáttakendur
verði ekki fleiri en sex á hverju
námskeiði. Nú stunda tvær konur
og þrír karlar nám í Vinnuklúbbn-
um, en fækkar ört því árangurinn
er þegar að koma í ljós og vinnu-
markaðurinn kallar.
I Menntasmiðjunni eru einnig
haldin valgreina- og sérhæftúnám-
skeið Einingar og Akureyrarbæjar
og sækja nú um 50 starfsmenn
Akureyrarbæjar og nági-annasveit-
arfélaga valgreinanámskeið sem
standa í sex vikur, en sérhæfninám-
skeið verða haldin í mars. Starfsfólk
á leikskólum, í skólum og í umönnun
aldraðra hafa vinnuskipti við nem-
endur Menntasmiðjunnar og Vinnu-
klúbbsins í tvær til þrjár vikur.
Iðnþróunarfélag Eyjafjarðar
Skrifstofan
lögð niður
SKRIFSTOFU Iðnþróunarfélags
Eyjafjarðar, IFE, á Strandgötu
29 hefur verið lokað. Atvinnuþró-
unarfélag Eyjafjarðar bs., sem er
til húsa á sama stað, mun fram-
vegis veita þá þjónustu sem IFE
hefur haft með höndum.
Stjóm og starfsmenn IFE
hafa sent frá sér frétt þar sem
samstarf við þá fjölmörgu sem
félagið hefur átt samskipti við á
undanfomum árum er þakkað.
Vonar IFE að hinu nýja félagi
megi takast að efla Eyjafjörð
sem öflugt mótvægi við höfuð-
borgarsvæðið og gera Eyjafjörð
að enn betra svæði fyrir þá sem
vilja búa og starfa á svæðinu.
Ármúla 1, sími 588 2030 - fax 588 2033
Æflír Br«ið(iörð, lögg. faatsfgnasall.
Steinar S. Jónston. sölustjórí.
B|ðm Hansaon. lógfr. sölululltrúi.
Þórúnn Þörðardóttir, sölufulltrúi, f
Ouftný Loó&dóttlr, solufulltrúi.
fiigriður Ctwnnlaugsdóttír, akjalasarð
Notfang: borgirúborgir.is
OPIÐ LAUGARDAG OG SUNNUDAG KL. 12-15
ÁLFABAKKI - GOTT SKRIFSTOFUHÚSNÆÐI Vorum aö fá í sölu mjög
góða ca 330 fm skrifstofuhæð í Mjóddinni. Húsnaeðiö er alit hið vandaöasta og býður upp á
marga möguleika. Allar nánari upplýsingar veittar á skrifstofu Ðorga. 1838
LANDIÐ
Iþrótta-
dagur í
Borgarnesi
Borgarnesi - Það var mikið um að
vera í íþróttamiðstöðinni í Borg-
arnesi fimmtudaginn 28. janúar
sl. Þá var efnt til íþróttadags í
Borgarbyggð. Af því tilefni var
ókeypis í sund og þrek allan dag-
inn. Tæplega 400 einstaklingar
nýttu það kostaboð. Sundfólkið
gat skrifað nafn sitt á miða og
sett hann í pott sem síðar um dag-
inn var dregið úr. Það skilyrði
fylgdi þó að viðkomandi synti
a.m.k. 200 m.
Forseti bæjarsljórnar, Guð-
mundur Guðmarssou, dró nöfn
fimm einstaklinga úr pottinum.
Komu upp nöfn fjögurra kvenna
og eins karls er öll eru búsett í
Borgarnesi. Hlutu þau að launum
fyrir mætinguna heilsukort í sund
og þrek í einn mánuð.
Bjarni Þór Traustason íþrótta-
kennari var með tilsögn í þreksal
milli kl. 7-8 um morguninn. Þar
mættu nokkrir hressir einstak-
lingar. Einnig var einn af hádeg-
ispottormunum, Björgvin Óskar
Bjarnason, með Miillersæfingar í
hádeginu sem vöktu mikla athygli
og gleði viðstaddra.
Þá var Harpa Ómarsdóttir með
kynningu á vatnsleikfími. Mætti
þar meðal annarra einn bóndi úr
sveitinni ásamt nokkrum konum.
Hafði hann greinilega gaman af
að reyna sig á nýjum vettvangi.
Morgunblaðið/Ingimundur
ÞESSAR ungu stúlkur úr Borgarnesi voru í gervi síamstvíbura og
vöktu verðskuldaða athygli. Hvöttu þær félaga sína óspart til dáða í
keppni Grunnskóla Borgarness, Varmalandsskóla, Grundarskóla og
Brekkubæjarskóla á íþróttadeginum í Borgarnesi.
Iþróttahátíð Grunnskólans
Eftir hádegið var íþróttahátíð
Grunnskólans í Borgarnesi fyrir
nemendur í 8.-10. bekk. Gestir
skólans voru frá Varmalands-
skóla, Grundarskóla og Brekku-
bæjarskóla á Akranesi. Háðu
skólarnir keppni í Ijölmörgum
íþróttagreinum. Keppt var í
boccia, bandi, badminton,
körfuknattleik, knattspyrnu,
frjálsum íþróttum og reiptogi í
íþróttasal og var mikið ijör og
kæti. Þá var haldið í sundlaugina
og háð keppni í boðsundi. Að lok-
um var haldið upp í félagsmið-
stöð. Þar hafði fyrr um daginn
verið kep_pt í skák, borðtennis og
billjard. I lokin háðu skólarnir
mikla keppni í ræðumennsku.
Fóru menn þar á kostum. Gefin
voru stig fyrir allar keppnis-
greinarnar en þetta er í fyrsta
sinn sem þessir skólar há slíka
keppni. Keppt var um bikar sem
Indriði Jósafatsson íþrótta- og
æskulýðsfulltrúi Borgarbyggðar
gaf til þessarar keppni. Grundar-
skóli fór með sigur af hólmi,
Grunnskóli Borgarness var í öðru
sæti, Brekkubæjarskóli í því
þriðja og Varmalandsskóli í
fjórða sæti. En þess ber að geta
að margir nemendur þessara
skóla verða samherjar í Fjöl-
brautaskóla Vesturlands á Akra-
nesi og mynda þá trúlega sterkan
kjarna á íþrótta- og félagslega
sviðinu. Lokapunktur á velheppn-
uðum degi var diskótek í félags-
miðstöðinni.
Morgunblaðið/Ólafur Jens Sigurðsson
UNGLINGADEILD Slysavarna- og björgunarsveitarinnar Bjargar
heitir Ðrekinn.
Unglingum þykir björgunarsveitin
áhugaverður félagsskapur
Hellissandi - Á Hellissandi
starfar ein elsta slysavarna- og
björgunarsveit landsins. Ber
hún nafnið Björg. Innan hennar
starfar unglingadeild sem nefn-
ir sig Drekann og tekur heil-
mikinn þátt í starfsemi sveit-
anna sjálfra. Auk þess finnst
unglingunum þetta áhugavert
og spennandi. Þeim gefst kostur
á námskeiðum og þjálfun eftir
því sem þau hafa tíma til.
Um fermingaraldur eru þau
tekin inn í deildina ef þau óska
þess. Félagsstarf allt annast þau
á eigin spýtur eftir því sem þau
geta en njóta leiðsagnar reyndari
félaga. Nýir félagar njóta velvild-
ar þeirra sem eldri eru og það
hefur augljóslega góð áhrif á
unglingana. Um 15-20 félagar
munu vera í deildinni.
Morgunblaðið/Silli
FRÁ undirritun samningsins.
Aðveituæð Húsvíkinga endurnýjuð
Húsavík - Ákveðið er að endur-
nýja aðveituæð Hitaveitu Húsa-
víkur frá Hveravöllum, sem nú er
uni 30 ára gömul, á þessu og
næsta ári vegna þess að gamla as-
bestleiðslan er komin til aldurs.
I því sambandi var samningur
um efni í verkið, einangraðar stál-
pípur og samsetningar, undirrit-
aður á Húsavík á kyndilmessu við
fyrirtækið Star Pipe í Danmörku
og Nör ehf. í Reykjavík.
Samninginn undirrituðu Klaus
Skjödt og Kjartan Jónsson fyrir
seljendur en fyrir kaupendur
Reinhard Reynisson bæjarstjóri
og Hreinn Hjartarson bæjarverk-
fræðingur.
Ileildarfjárhæð samningsins er
um 155 millj. kr. en heildarkostn-
aður við alla framkvæmdina, það
er endurnýjun aðveituæðarinnar,
sem er um 23 km Iöng, og raforku-
virkis er áætlaður 792 millj. kr.
Morgunblaðið/Anna Ingólfs
EMIL Björnsson (sitjandi)
tekur við starfi af Óðni
Gunnari Óðinssyni sem
framkvæmdastjóri
Fræðslunets Austurlands.
Emil
Björnsson
ráðinn
Egilsstaðir - Emil Bjömsson,
fyrrverandi aðstoðarskóla-
meistari Menntaskólans á
Egilsstöðum, hefur verið ráð-
inn framkvæmdastjóri
Fræðslunets Austurlands.
Hann tók við starfi af Óðni
Gunnari Oðinssyni.
Fræðslunet Áusturlands var
stofnað 30. október 1998 og er
megintilgangur þess að kynna,
miðla og skipuleggja nám á há-
skólastigi á Austurlandi. Til
þess er notuð nýjasta tækni,
m.a. fjarfundabúnaður.
Fræðslunetið er sjálfseignar-
stofnun fimm háskóla, fram-
haldsskóla á Austurlandi, aðila
atvinnulífs og sveitarstjóma. Á
haustönn var í fyrsta sinn
skipulagt fjamám í gegnum
Fræðslunetið en það var m.a.
nám í rekstrarfræði á þriðja ári
frá Háskólanum á Akureyri og
nám í ferðamálafræði frá Há-
skóla Islands, auk margvís-
legra annarra námskeiða.