Morgunblaðið - 06.02.1999, Síða 29

MORGUNB LAÐIÐ
LAUGARDAGUR 6. FEBRÚAR 1999 29
__________________ERLENT
Yfirmaður UNSCOM
ákveður að hætta
Sameinuðu þjóðunum, Washington. Reuters, The Daily Telegraph.
RICHARD Butler, yfirmaður
vopnaeftirlitsnefndar Sameinuðu
þjóðanna í írak (UNSCOM), hefur
tilkynnt að hann muni láta af for-
mennsku nefndarinnar þegar
starfssamningur
hans rennur út í
byrjun júní. Und-
anfarna mánuði
hefur Butler sætt
harðri gagnrýni
Rússa og Kín-
verja innan ör-
yggisráðs Sa-
meinuðu þjóðanna
og hafa ríkin ít-
rekað krafist afsagnar hans. Þau
telja að Butler og skýrsla sú sem
hann lagði fyrir öryggisráðið í des-
ember síðastliðnum og greindi frá
því að stjórnvöld í Bagdad hefðu
ekki uppfyllt skilyrði öryggisráðs-
ins um fullt samstarf við vopnaeft-
irlitsnefndina, hafi átt þátt í að
koma af stað hrinu loftárása
Bandaríkjamanna og Breta á Irak.
Hafa fulltrúar Rússa og Kínverja
ítrekað krafist afsagnar Butlers.
Butler lýsti því yfir að vandinn
væri ekki formennska hans fyrir
eftirlitsnefndinni heldur það hvort
Irakar myndu nokkurn tíma verða
samvinnufúsir hvað vopnaeftirlit
varðar. I viðtali sagði Butler að
hann myndi að öllum líkindum ekki
leita eftir framlengingu á starfs-
samningi sínum sem yfinnaður
UNSCOM. Sagði hann að sumir að-
ilar virtust trúa því að með afsögn
hans myndu írakar hefja samvinnu
við alþjóðlega vopnaeftirlitsfulltnía
og að ástandið allt myndi róast.
„Málið er grafalvarlegt. Höldum
því athyglinni á því sem skiptir
máli, sem er afvopnun. UNSCOM
hefur skilað sínu starfi og gert það
vel og nefndin byggir á einstæðri
sérþekkingu á málefnum íraks sem
ber að miðla til öryggisráðsins."
Öryggisráðið hefur, í kjölfar
gagnrýnisradda á störf UNSCOM,
ákveðið að skipa þrjár nýjar nefnd-
ir sem meta eiga ástandið í afvopn-
unarmálum íraka, mannúðarmál-
um og málum sem tengjast inn-
rásinni í Kúveit árið 1990. Butler
lýsti því yfir á fundi með Kofi Ann-
an, aðalritara Sameinuðu þjóðanna,
og Brasilíumanninum Celso
Amorim, sem stýrir hinni nýju af-
vopnunarnefnd, að hann sæktist
ekki eftir að eiga sæti í nefndinni.
Taldi hann hins vegar afar mikil-
vægt að UNSCOM yrði með í ráð-
um um það hvert stefnt yrði í mál-
efnum Iraks og alþjóðlegs vopna-
eftirlits, en allt eftirlit hefur legið
niðri síðan um miðjan desember
þegar árásir Breta og Bandaríkja-
manna á valin skotmörk hófust.
Skiptar skoðanir
í öryggisráðinu
Fastafúlltrúi Rússa í öryggisráð-
inu, Sergey Lavrov, sem farið hefur
fram á að UNSCOM yrði lagt niður
í sinni núverandi mynd, sagði að
hann myndi ekki vilja hafa neitt við
Butler saman að sælda og utanrík-
isráðherra Rússlands, Igor Ivanov,
sagði að Butler yrði að segja af sér
vegna ummæla sem hann hafði haft
um fastafulltrúann.
Bandaríkjastjórn hefur hins veg-
ar lýst eindregnum stuðningi sínum
við Butler og vopnaeftirlitsnefnd-
ina. Haft var eftir Peter Burleigh
aðalsendifulltrúa Bandaríkjastjórn-
ar hjá Sameinuðu þjóðunum, að
hann liti á Butler og UNSCOM
sem „hetjur“. Sagði sendifulltrúinn
að ómaklega hafi verið ráðist að
UNSCOM og Richard Butler.
„Nefndin hefiu-, þrátt fyrir skort á
samstarfi af hálfu íraka, náð að
upplýsa heiminn um ástandið í af-
vopnunarmálum íraks“. Bandarík-
in eru hins vegar nokkuð einangruð
innan öryggisráðsins í afstöðu sinni
til stöðu mála í Irak. Flest hin
fastaríkjanna í ráðinu vilja að við-
skiptahöftum verði aflétt með ein-
um eða öðrum hætti, en samkvæmt
ályktunum ráðsins er það aðeins
mögulegt þegar tryggt þykir að
Irakar hafi látið af smíði gereyðing-
arvopna og langdrægi-a eldflauga.
Loftvarnir Iraka
eyðilagðar
Heimildarmenn í Washington
sögðu á fimmtudag að breskar og
bandarískar herþotur á eftirlits-
flugi um flugbannssvæðið í norður-
og suðuhluta Iraks, hefðu eytt fleiri
loftvarnarstöðvum Iraka en gert
var í fjögurra daga loftárásum ríkj-
anna í desemþer síðastliðnum.
Upplýsingar bandarísku leyniþjón-
ustunnar benda til að um 20% af
flugskeytabúnaði og loftvörnum
Iraka hafi verið eyðilagðar síðan í
desember.
Verðhrun í
U'ÆDillCJfi
399 KR.
Alparós
Bergpálmi
Gullpálmi
Drekatré
Reghlífartré
Gúmmítré
Ástareldur
Sólhlífartré
Mosajafni
Króton
Satínviður
ogfl.
Frjálst val úr þessum
tegundum. Eitt verð
399KiM.
Á meðan birgðir endast.
Í?W»c -
Hætt við geim-
spegiltilraun
Moskvu. Reuters.
HÆTT var við frekari tilraun-
ir til að lýsa upp skammdegis-
myrkrið með risaspegli þeim
sem rússneskir geimfarar
hafa reynt að koma á braut í
kringum jörðina. Spegiilinn
sem opnast átti Iíkt og regn-
hlíf flæktist í Ioftneti ómann-
aðs Progress- birgðaskips sem
nota átti til að festa hann við
geimstöðina Mír.
Talsmaður rússnesku geim-
visindastofnunarinnar sagði
að ákvörðunin væri endanleg
þar sem ekki hefði tekist að
losa spegilinn. „Að sjálfsögðu
urðum við fyrir vonbrigðum.
Við höfðum undirbúið tilraun-
ina sem átti að vera svo eftir-
minnilegur atburður. Geim-
fararnir tveir eru mjög hrygg-
ir yfir mistökunum." Sagði
hann ennfremur að birgða-
skipið, sem spegillinn er fast-
ur við, sé nú á leið til jarðar
og að það muni fuðra að
mestu leyti upp í gufuhvolfi
jarðar og afgangurinn lenda í
Kyrrahafinu.
Efasemdarmenn höfðu hald-
ið því fram að tilraunin væri
gapaleg og dæmd til að mis-
takast en aðrir gagnrýnt að
með henni gæti opnast greið
leið auglýsenda þar sem skila-
boðum þeirra væri hægt að
endurvarpa utan úr geimnum.
PVC-qluqqar oq -hurðir
Tæki til framleiðsLu á gluggum og hurðum tiL söLu
ÞjáLfun og aógangur að efnisLager hérLendis
Áhugasamir sendi nöfn til blaðsins
merkt PVC fyrir 15. febrúar
NÝTT NÝTT — engar pillur
l\ZMeciruiiariJÖinn ocp
„gleðiúðinn“ RMS
vinsæli frá Kare Mor slær í gegn
95% nýting á 25 sek.
Vertu meö fulla orku og í andlegu jafnvægi.
Frábær samsetning jurta og vítamína. Einnig fleiri gerðir úða sem styrkja vamir
líkamans gegn öldrun og sjúkdómum, s.s. gigt. Engin fyllingarefni né óæskileg
aukaefni. Einnig íþróttaúðar sem auka orku þegar á reynir.
Upplýsingar hjá Ólafi, s. 896 5407, Guðrúnu, s. 436 6703, Kolbrúnu, s. 895 7096
og Ólöfu, s. 899 3611. Aðeins kr 2.500 mánaðarskammtur.
Söiuaðilar óskast.
Frumkvöðull í
lækkun
lyfjaverðs á íslandi