Morgunblaðið - 17.09.1999, Blaðsíða 4

4 FÖSTUDAGUR 17. SEPTEMBER 1999
MORGUNBLAÐIÐ
FRÉTTIR
Norrænt þing í barnalækningum haldið hér
Kæling minnkar
skaða vegna
súrefnisskorts
ÝMSAR nýjungar eru á döfínni á yf-
irstandandi þingi norrænna lækna
og vísindamanna um fæðingar og
nýbura. David Edwards frá bama-
lækningadeild Hammersmith-spít-
ala í London kynnti nýjar aðferðir
við að lágmarka skaða af súrefnis-
skorti nýbura sem felast í kælingu
heilans um allt að 4 gráður. Þegar er
farið að prófa aðferðina á börnum.
Norræna þingið í barnalækning-
um, sem sett var á Grand Hótel í
Reykjavík í gær og lýkur á morgun,
er það sextánda í röðinni. Að sögn
forseta þingsins, Atla Dagbjartsson-
ar, yfirlæknis á bamadeild Hrings-
ins, lætur þingið sig varða ófædda
barnið, móðurina og nýburann og
allt það sem getur farið úrskeiðis
fyrir, eftir og í fæðingu.
Um 200 ráðstefnugestir eru
mættir til þings, eða um helmingi
fleiri en þegar það var síðast haldið
á Islandi 1987. „Þetta er reyndar
með stærstu þingum en þau eru
haldin annað hvert ár á Norðurlönd-
unum til skiptis. Við erum mjög
ánægð með þátttökuna," segir Atli.
Dánartiðni á Norður-
löndum einna lægst
Þingin eru, að sögn Atla, mikilvæg,
ekki síst þar sem dánartíðni á Norð-
urlöndum er einna lægst í heiminum.
„Það er jafnan litið til Norðurlanda
þegar dánartíðni nýbura ber á góma.
Á svona ráðstefnum gefst fólki kost-
ur á að bera saman bækur sínar og
hlýða á íyrirlestra hjá þeim sem
standa fremstir í faginu. Við bjóðum
áhugaverðum fyrirlesurum til að
þingið verði sem best.“
Fyrirlesarar frá Bandaríkjunum,
Kanada, Bretlandi og Hollandi, auk
Norðurlanda, taka einkum á þremur
umfjöllunarefnum að þessu sinni, að
sögn Atla: Súrefnisskorti, sýkingum
og fósturgreiningu.
„Sýkingar eru eilífðarvandamál í
þessum geira eins á öðrum sviðum
læknisfræðinnar. Fósturgreining
gengur út á að finna vandamálin áð-
ur en börnin fæðast og vera þannig
viðbúinn þeim. Þá er einnig hægt að
bregðast við þegar um er að ræða
fóstur sem eiga enga lífsmöguleika,"
segir Atli.
Nýjungar hafa komið fram á öll-
um ofangreindum sviðum, að sögn
Atla, og ekki síst hvað varðar rann-
sóknir á súrefnisskorti en þær snú-
ast um ráð til að lágmarka skaða
sem hlýst af honum. Fyrirlestur
Bretans David Edwards fjallaði um
þennan vanda en hann telur að hægt
sé að minnka heilaskaða með kæl-
ingu. „Um er að ræða kælingu um
allt að 4 gráður. Þetta er á tilrauna-
stigi en komið svo langt að það er
farið að prófa þetta á börnum. Það
má því segja að tilraunir séu komn-
ar á lokastig," segir Atli.
Kínverjar gera sjón-
varpsþátt um Island
ÞÁTTAGERÐARMENN frá kín-
versku sjónvarpsstöðinni CCTV eru
staddir hér á landi til að taka upp 50
mínútna kynningarþátt um ísland.
CCTV er ein stærsta sjónvarpstöð
heims og ná útsendingar hennar um
allt Kína, Hong Kong, Tævan og til
87 annarra landa víðsvegar um
heim.
Vilhjálmur Guðmundsson hjá Út-
flutningsráði segir að koma Kín-
verjanna sé mikilvæg sönnun þess
áhuga sem er á Islandi í Kína.
„Frumkvæðið að þessum þætti er
komið frá okkur en Kínverjarnir
sýndu þessu strax mikinn áhuga.
Þetti er hluti af þáttaröð sem beinir
sjónum að vel völdum löndum. í
þættinum er púlsinn tekinn á þjóð-
lífinu en einnig er atvinnustarfsemi
sýndur mikill áhugi.“
Vilhjálmur segir að þátturinn sé
til marks um hversu vel kynningar-
starfsemi Útflutningsráðs á íslandi
í Kína hefur gengið. „Við höfum
kynnt þeim hátækniframleiðslu í
sjávarútvegi og hugbúnaðarfram-
leiðslu okkar. Þeir munu kynna
þetta rækilega í þættinum og þeir
munu einnig beina spjótum sínum
að hvernig við Islendingar höfum
beislað jarðhitann okkar. En Kín-
verjar eiga sín jarðhitasvæði en
þeim hefur ekki tekist að nýta hann
sem skyldi og því eru miklir mögu-
leikar fyrir okkur Islendinga á því
sviði.“
Aðspurður um hvaða þýðingu
þessi þáttur gæti haft fyrir starf
Útflutningsráðs í Kína segir Vil-
hjálmur að erfítt sé að átta sig á því.
„Þetta er ein stærsta sjónvarpsstöð
heims og nær til ótrúlegs fjölda.
Þessi kynning er því gulls ígildi og
mun áreiðanlega auðvelda markaðs-
starf okkar í Kína.“
Svona mun Hakið ofan við Almannagjá líta út þegar fræðslumiðstöðin verður risin þar.
Fræðslumiðstöð rís á
Þingvöllum í vetur
Gláma Kím sigraði í hönnunarsamkeppni
Morgunblaðið/Kristinn
Sigurbjörn Kjartansson arkitekt, sem tók við verðlaununum fyrir
hönd Glámu Kíms, ásamt Bimi Bjarnasyni, menntamálaráðherra og
formanni dómnefndarinnar.
TILLAGA Arkitektastofunnar
Glámu Kíms hlaut fyrstu verðlaun í
hönnunarsamkeppni sem efnt var
til um fræðslumiðstöð á Þingvöllum.
Dómnefndina skipuðu Björn
Bjamason menntamálaráðherra,
sem var formaður hennar, Sigurður
K. Oddsson, framkvæmdastjóri
Þingvallanefndar, Skarphéðinn B.
Steinarsson, skrifstofustjóri forsæt-
isráðuneytisins, og arkitektarnú'
Ólafur Ó. Axelsson og Pétur H. Ár-
mannsson.
Fræðslumiðstöðinni hefur verið
valinn staðurinn Hakið, sem er við
útsýnisskífuna ofan við Almanna-
gjá. Sigurður K. Oddsson segir að
sífellt fleiri ferðamenn komi til
Þingvalla og telur hann að árlegur
fjöldi þeirra sé orðinn um 550.000
manns. Fræðslumiðstöðin muni
hafa það hlutverk að þjóna þessum
mikla fjölda ferðamanna og kynna
þeim þjóðgarðinn.
Tímamörk og
kostnaðarrammi
Fræðslumiðstöðin skal vera tilbú-
in í júní á næsta ári og gert er ráð
fyrir að kostnaður við hana nemi
um 30 milljónum króna. Ríkissjóður
fjármagnaði samkeppnina og mun
einnig fjármagna framkvæmdina.
Dómnefndin skoðaði ýmsa þætti
við mat sitt á tillögunum, svo sem
tengsl hússins við umhverfið, hversu
vel húsið þjóni hlutverki sínu sem
fræðslumiðstöð, auk gæða hönnun-
arinnar. Einnig var skilyrði að raun-
hæft væri að útfæra tillögurnar inn-
an þeirra tímamarka og þess kostn-
aðarramma sem gefínn var upp.
Auk dómnefndarinnar skoðaði VSO
ráðgjöf því tillögumar með tilliti til
hvort framkvæmd þeiira myndi
standast þær kröfur um kostnað og
tíma sem voru settar.
Alls barst 31 tillaga í keppnina og
tók dómnefnd fram að margar þeirra
hefðu verið í háum gæðaflokki. Þær
endurspegluðu hugmyndaauðgi og
fagleg vinnubrögð höfunda sinna og
vitnuðu um sterka stöðu byggingar-
listar hér á landi í lok 20. aldar. Við
afhendingu verðlauna sagði Björn
Bjamason að dómnefndin hefði talið
ástæðu til að vekja sérstaka athygli
á sjö tillögum. Bæring Bjamar Jóns-
son hlaut önnur verðlaun fyi'ir til-
lögu sína og þar að auki vom tillaga
Sigurðar Kolbeinssonar og tillaga
teiknistofunnar Norðra valdar til
innkaupa, en þrjár tillögur til viðbót-
ar hlutu viðurkenningu sem athygl-
isverðar tillögur. Til stendur að
kynna tillögumar á sýningu í Ráð-
húsi Reykjavíkur.
Verðlaunatillaga Glámu Kíms var
unnin með aðstoð Sigrúnai’ Helga-
dóttur líffræðings. I umsögn dóm-
nefndar segir meðal annars: „Bygg-
ingin er einkar látlaus og hógvær í
umhverfinu en hefur þó sterk hug-
læg tengsl við staðinn, - víðáttur
landslagsins umhverfis Þingvelli og
núverandi þakefni þeirra bygginga
sem hann auðkenna, bæinn og
kirkjuna. Húsið myndar skjólvegg
um útirými sem er opið í helstu sól-
arátt og þjónar bæði sem aðkomu-
hlað gesta og útisýningarsvæði.“
Utanríkisráðherra Rússlands í opinberri heimsókn
Viljayfírlýsing- um
samráð undirrituð
ÍGOR S. ívanov, utanríkisráðherra
Rússlands, kemur í opinbera heim-
sókn til íslands í dag ásamt fylgd-
arliði, í boði Halldórs Ásgrímssonar
utanríkisráðherra.
Gagnkvæm samskipti Islands og
Rússlandsverða efst á baugi í heim-
sókninni. Á vinnufundi ráðherranna
munu þeir meðal annars undirrita
sérstaka viljayfirlýsingu um samráð
ríkjanna í framtíðinni. Ráðherrarnir
munu einnig ræða samstarf íslands
og Rússlands í viðskiptum, einkum í
sjávarútvegi, og framkvæmd á fisk-
veiðisamningi ríkjanna.
í embætti á erfiðu tímabili
ígor ívanov var sendiherra
Rússlands á Spáni og varautanrík-
isráðherra áður en hann var skip-
aður utanríkisráðherra í stjórn Jev-
genís Prímakovs fyrir einu ári. Rík-
isstjórn Prímakovs var mynduð eft-
ir þriggja vikna stjómarkreppu, en
hann var utanríkisráðherra áður en
hann tók við forsætisráðherraemb-
ættinu og var samstarf
þeirra Ivanovs sagt
mjög náið. Borís
Jeltsín Rússlandsfor-
seti vék Prímakov úr
embætti um miðjan
maí, en Ivanov hélt
embætti sínu.
Ivanov hefur þurft að
takast á við erfiðari
verkefni en flestir for-
verar hans í embætti, og
má þar nefna stirðari
samkipti Rússa og
Bandaríkjamanna í lg'öl-
far sprengjuárásanna á
írak og Kosovo-deilunn-
ar.
Fjalla um alþjóðamál
Halldór og Ivanov munu jafn-
framt fjalla um ýmis alþjóðamál,
þ.ám. um Evrópuráðið, Oryggis-
og samvinnustofnun Evrópu, Atl-
antshafsbandalagið og samstarfs-
verkefni þess, auk stöðu mála á
Balkanskaga. Þá verð-
ur svæðisbundið sam-
starf íslands og Rúss-
lands á vettvangi
Barentsráðsins,
Eystrasaltsráðsins og
N or ður skautsráðsins
til umfjöllunar.
ívanov mun jafn-
framt eiga fund með
Davíð Oddssyni for-
sætisráðherra og utan-
ríkismálanefnd Alþing-
is. Efnt verður til
blaðamannafundar í
Ráðherrabústaðnum
klukkan 14 í dag þar
sem fram fer formleg
undirritun samstarfsyfirlýsingai'
utanríkisráðuneyta Islands og
Rússlands. Áður en ívanov fer af
landi brott mun hann fara í skoðun-
arferð um Reykjavík og heimsækja
Höfða, þar sem leiðtogafundur
Ronalds Reagans og Mikhaíls Gor-
batsjovs fór fram árið 1986.
ígor ívanov