Morgunblaðið - 17.09.1999, Blaðsíða 60

MORGUNBLAÐIÐ
60 FÖSTUDAGUR 17. SEPTEMBER 1999
FÓLK í FRÉTTUM
KVIKMYNDIR/Stjörnubíó hefur tekið til sýninga nýjustu mynd John Sayles, Limbó, með Mary
Elizabeth Mastrantonio, David Stratharin og Vanessu Martinez í aðalhlutverkum.
• Mannleg saga frá
hjara veraldar
Frumsýning
*
G bý oft til sögur sem eru í
leit að sögusviði,“ segir óháði
bandaríski kvikmyndaleik-
stjórinn John Sayles um nýjustu
mynd sína, Limbó, sem Stjörnubíó
* tekur til almennra sýninga um helg-
ina en hún var áður sýnd nokkrum
sinnum á Kvikmyndahátíð í Reykja-
vík. „Eg hafði í langan tíma hugsað
um sögu er fjallaði um fólk sem
aldrei hafði verið gift eða í sambúð
og eftir því sem árin líða verður
baggi fortíðarinnar æ stærri í lífi
þess. Það getur verið að það eigi
börn. Það getur verið að það hafi
sett sér ákveðin markmið í lífinu,
sem það gerði ekki fyrir tuttugu ár-
um. Eg velti því fyrir mér hvernig
fólk hæfi líf sitt eiginlega á núll-
punkti þegar það væri komið vel á
fertugsaldurinn. “
Og Sayles heldur áfram: „Ég hafði
komið til Anchorage og Juneau í
$ Alaska fyrir um tíu árum síðan. Dag
einn komst ég að því að Alaska var
Mastrantonio og Martinez leika
mæðgur sem átt hafa erfiða
daga í mynd Sayles.
staður þar sem fólk hafði orðið ann-
að en það var eða gat nokkru sinni
orðið annars staðar. Það er staður
sem fólk kemur á tii þess að komast
aftur í snertingu við sitt eigið sjálf.
Aðalleikararnir í Limbói sem gerist í Alaska og
segir m.a. frá örlagaríkri bátsferð.
Það er staður þar sem meira máli
skiptir hvað þú gerir og hversu vel
þú gerir það en hver þú ert eða hver
fjölskylda þín er.“
Sayles fann sögusvið þessarar
tólftu myndar sinnar í auðnum
Alaska í litlu fiskiþorpi þar sem nú-
tíminn hefur kveðið dyra og breytt
bæjarbragnum. Limbó segir af söng-
konunni Donnu (Mary Elizabeth
Mastrantonio) sem á í sífelldu basli
með karlmenn. Hún ferðast um og
syngur á knæpum og á unglings-
stelpu (Vanessa Martinez), sem er
dauðleið orðin á flökkulífinu; sam-
band þeirra er í molum. Söngkonan
kynnist Joe (David Strathairn), sem
hefur lifað í einskonar limbói í 25 ár
eða frá því hörmulegur atburður
breytti lífi hans, og
saman halda þau
þrjú í örlagaríka
bátsferð.
„Ég hafði David
Strathairn í huga
fyrir hlutverk Joes
áður en ég byrjaði á
handritinu," er haft
eftir Sayles en leik-
arinn hefur farið
með hlutverk í
nokkrum myndum
leikstjórans. „Ég
hef þekkt hann í
langan tíma og
finnst gott að vinna
með honum.“ Þegar hann réði í aðal-
kvenhlutverkið í myndinni varð hon-
um hugsað til Mary Elizabeth. „Ég
hafði alltaf kunnað vel við leik henn-
ar og fannst hún vannýtt á hvíta
tjaldinu, fannst að hún ætti skilið
bitastæðari hlutverk. Ég hef hitt
hana einu sinni eða tvisvar og hún
nefndi það í framhjáhaldi að hún ætti
að baki nám í söngskóla. Ég hugsaði
með mér, hvað ef konan í Alaska-
myndinni er söngkona? Síðan heyrði
ég Mary syngja og fannst hún stór-
kostleg."
„Ég skil tilfinninguna á bak við
söng Donnu,“ segir Mastrantonio,
„vegna þess að ég hef fundið hana
sjálf. Söngurinn gerir líf Donnu
bærilegra."
KVIKMYNDIR/Bíóhöllin, Kringlubíó, Bíóborgin og Nýja bíó Akureyri hafa tekið til sýninga síðustu
mynd Stanleys Kubricks, „Eyes Wide Shut“, með Tom Cruise og Nicole Kidman í aðalhlutverkum.
Síðasta mynd
Kubricks
Frumsýning
STANLEY Kubrick gekk lengi
með það í maganum að filma
skáldsögu Arthur Schnitzlers,
„Traumnovelle“, frá 1927, ræddi
það líklega fyrst árið 1971. Nær
þremur áratugum síðar var mynd
hans loksins frumsýnd undir heit-
inu „Eyes Wide Shut“ eftir fram-
leiðsluferli sem tók þrjú ár og vakti
meira umtal og athygli en títt er
um kvikmyndir enda má segja að
enginn venjulegur leikstjóri hafi átt
í hlut.
Með aðalhlutverkin í henni fara
*hjónakornin Tom Cruise og Nicole
Kidman, en þau leika hjón í mynd-
inni, auk leikstjórans Sidney
Pollacks, vinar Kubricks, Marie
Richardson, Leelee Sobieski og
júgóslavneska leikarans Rade Sher-
bediga, sem kunnur er m.a. úr
„Before the Rain“.
Cruise hefur sagt að hann hefði
ekki fyrir nokkra muni viljað
sleppa því tækfæri að fá að starfa
með Stanley Kubrick þegar það
Hjónin Nicole Kidman og Tom
Cruise fara með aðalhlutverkin í
sfðustu mynd Stanleys Kubricks.
bauðst og setti það ekki fyrir sig
þótt tökur myndarinnar drægjust
óhemju á langinn enda leikstjórinn
haldinn frægri fullkomnunar-
áráttu. Cruise og Kidman og Ku-
brick varð vel til vina meðan á tök-
um stóð (það var Pollack sem
kynnti þau) og eftir að leikstjórinn
Tom Cruise í hlutverki læknisins William
Harfords í „Eyes Wide Shut“.
lést aðeins nokkrum dögum eftir að
hann skilaði myndinni inn til Warn-
er Bros: kvikmyndaversins, til-
kynnti leikarinn að hann ætlaði að
sjá til þess að ekki yrði hreyft við
útgáfu hans.
„Eyes Wide Shut“ segir frá hjón-
um er halda tryggð hvert við annað
en eiginmaðurinn, sem er læknir, á
þess kost fyi’ir tilviljun að kynnast
kynlífi utan hjónabands þegar hann
kemst á snoðir um leynilegan klúbb
er stundar ástarleiki á fjarlægu
herrasetri. Þess er krafist að með-
limir klúbbsins skrýðist grímubún-
ingum og læknirinn verður sér úti
um einn slíkan og heldur á vit leyni-
félagsins.
Hér hefur aðeins verið rakinn
bláþráðurinn í síð-
ustu mynd Ku-
bricks sem gerði æ
færri myndir eftir
því sem árin færð-
ust yfir. Það leið sí-
fellt lengri tími á
milli myndanna
hans en hann gerði
aðeins fimm bíó-
myndir á nær þrjá-
tíu ára tímabili frá
1971, þegar hann
gerði Vélgengt gló-
aldin, og fram til
„Eyes Wide Shut“
á þessu ári. Nafn
hans er sveipað nokkurri dulúð m.a.
vegna þess að hann hleypti fáum að
sér þar sem hann bjó á Englandi og
forðaðist frægðina eins og heitan
eldinn. Sidney Pollack, sem var í
góðu sambandi við hann, segir að
Kubrick hafi alla tíð fylgst vel með
því sem var að gerast í kvikmynda-
gerð hverju sinni og lýsti m.a. yfir
hrifningu á verkum pólska leik-
stjórans Kieslowskís. Þegar hann
lést hafði Kubrick nokkur kvik-
myndahandrit tO athugunar eins og
framtíðarsöguna „Artificial Intelli-
gence“ eða Gervigreind, sem sagt
er að Steven Spielberg, er lýsti Ku-
brick sem stórmeistara kvikmynd-
anna að honum látnum, hafi jafnvel
í hyggju að kvikmynda.
UTSALAN I FULLUM GANGI
Enn meiri verðlækkun á útsöluvörum
25% afsláttur af nýjum vörum
Nýtt kortatímabil
Opið laugardag
frákl. 10-14
iþrótt
^IZUID
MYNDBÖND
Fortíðar-
vandi
Vænisýki
(Paranoia)_________
Hry II i ngs-
/spennum.yn(l
’ ★i/2
Framleiðsla: Eli Kabillio. Handrit og
leikstjórn: Larry Brand. Kvikmynda-
taka: Richard Dallett. Tónlist: Martin
Drum. Aðalhlutverk: Brigitte Bako,
Larry Drake og Sally Kirkland. 95
mín. Bandarísk. Myndform, ágúst,
1999. Aldurstakmark: 16 ár.
ÞESSI tiltölulega metnaðarlausa
sjónvarpsmynd fjallar um eitt vin-
sælasta efni kvikmynda síðustu ára,
raðmorðingja og
fórnarlamb hans.
Sagan er í aðal-
atriðum klisju-
kennd flatneskja
og það er fátt
eitt sem rís upp
fyrir hana. Að-
eins er ýjað að
yfirnáttúruleg-
um tengslum ill-
mennisins og söguhetju myndarinn-
ar, ungrar konu sem kost undan
morðingjanum sem barn. Leikur er
rétt, og varla, í meðallagi og sömu
sögu er að segja um útlitshönnun og
tæknivinnu. Það er aðeins eitt at-
riði, sem má reyndar alls ekki segja
frá, sem stendur upp úr og togar
myndina upp um hálfa stjörnu. Það
er í lagi að taka þessa í algjöru hall-
æri.
Guðmundur Ásgeirsson.
Bandarískir
bófar
Belgur
(Belly)_________________
GI æ p a my n d / d r a m a
★★★
Handrit og leikstjórn: Hype Williams.
Kvikmyndataka: Malid Hassan
Sayek. Aðalhlutverk: Nas Jones,
Earl „DMX“ Simmons og Taral
Hicks. 95 mín. Bandarísk. Sammynd-
bönd. Aldurstakmark: 16 ár.
MYNDIR um glæpaklíkur eru
orðnar kvikmyndategund út af fyr-
ir sig. Líf ungs fólks í erfiðum
hverfum banda-
rískra stórborga
er efniviður
margra og mis-
alvarlegra kvik-
mynda og er
þessi bæði með
þeim betri og
þeim alvarlegri.
Það er ákveðinn
predikunartónn
yfir sögunni og greinilegt að efni-
viðurinn liggur nærri hjarta höf-
undarins. Alvarleg efnistök eru
vandmeðfarin en hinn efnilegi
Hype Williams kemst mjög vel frá
verkinu. Maður finnur fyrir
ákveðnum heilindum og góðu sam-
ræmi í ólíkum þáttum myndarinnar
og hún er bæði töff í útliti og ágæt-
lega leikin. Aldamótakvíðinn er
mjög greinilegur, enda nær mynd-
in hápunkti á næsta gamlárskvöld.
Williams hefur greinilega áhyggjur
af framtíðinni í stórborgum þjóðar
sinnar, en hann getur verið bjart-
sýnn hvað varðar starfsferilinn ef
svo heldur sem horfir.
Guðmundur Ásgeirsson
Stórliöfða 17, við Gullinbrú, s. 567 4844.
ww\v.flis@flis.is • netfang: flis@itn.is
Skipholti 50d, sími 562 0025.