Morgunblaðið - 17.09.1999, Blaðsíða 22

22 FÖSTUDAGUR 17. SEPTEMBER 1999
ERLENT
MORGUNBLAÐIÐ
Mikið tjón á
Bahamaeyjum
Nassau. Reuters.
IBUAR afskekktra eyja á Ba-
hamaeyjum fóru í gær út úr neyð-
arskýlum og kjölluram húsa og
hótela eftir að hafa dvalið þar
vegna fellibylsins Floyds sem geis-
aði þar á þriðjudag. Að minnsta
kosti einn maður beið bana í felli-
bylnum og þök fuku af mörgum
húsum, auk þess sem síma- og raf-
magnsstaurar brotnuðu.
Þetta var mesta óveður á Ba-
hamaeyjum frá árinu 1992 þegar
fellibylurinn Andrew gekk þar yfir
og varð fjóram mönnum að bana.
Símastaurar og stór tré lágu
eins og hráviði um götur höfuð-
borgarinnar, Nassau. Rafmagns-
laust var í stóram hluta borgarinn-
ar og atvinnulífíð lamaðist vegna
óveðursins.
Yfirvöld á Bahamaeyjum óttuð-
ust að enn meira tjón hefði orðið á
fámennari eyjum í norðurhluta
landsins. Ekkert síma- eða fjar-
skiptasamband var við margar
þessara eyja.
Hubert Ingraham, forsætisráð-
herra landsins, sagði á þinginu að
einn maður hefði farist á Stóru Ba-
hama-eyju. Ekki var vitað um
manntjón á öðrum eyjum.
Þótt miðja fellibylsins hefði ekki
farið yfir eyjuna New Providence -
þar sem tveir þriðju íbúa landsins
búa - var vindhraðinn þar um 160
km á klst. og ölduhæðin af völdum
bylsins var um þrír metrar.
Rúður hótela brotnuðu og bátar
fuku upp á land. Þak skóla, sem
var notaður sem neyðarskýli, rifn-
aði af þannig að flytja varð hundr-
uð manna út úr byggingunni.
Líkkistur fuku út í sjó
Tjónið var mest á austlægu eyj-
unum - San Salvador, Cat Island,
Rum Cay, Eleuthera, og Abaco.
Nokkurra manna var saknað á
Abaco-eyju. Líkkistur úr kirkju-
garði í Eleuthera fuku út í sjó og
sáust á reki við ströndina.
Bahama-eyjar era rúmlega 700
og flestar þeirra era lægri en 30
metrar þannig að þær era ber-
skjaldaðar fyrir flóðöldum vegna
fellibylja.
Reuters
Hús eyðilögðust í flóðum / fátækrahverfinu „The Mud“ í Marsh Harbor á Bahamaeyjum þegar
fellibylurinn Floyd gekk þar yfir á þriðjudag.
íbúi á Myrtle Beach í Suður-Karólínu fyrir utan heimili sitt í gær.
Fellibylurinn gekk yfir Suður-Karólínu í fyrrinótt.
„Eins og að vera í
Vestmannaeyj um“
Guðjón Árnason er búsettur á
Virginia Beach í Virginíu-fylki í
Bandaríkjunum. Hann segir að á
þessum slóðum hafi veðrið náð
hámarki um og eftir hádegið í
gær. „Þetta er eins og að vera í
Vestmannaeyjum í vondu veðri,“
sagði Guðjón þegar Morgun-
blaðið hafði samband við hann
síðdegis í gær. „Við hér á þessu
svæði höfum reyndar sloppið við
mesta hvassviðrið þótt einstaka
tré hafi fokið um koll. Hér hefur
aftur á móti rignt án afláts.
Dældir og drög í landslaginu
hafa fyllst af vatni og hér í ná-
grenninu eru hverfi þar sem hús
og bflar eru á kafi. Það er Ijóst
að sumir hafa orðið fyrir um-
talsverðu eignatjóni."
Hann segir að rafmagn hafi
farið af húsum á Virginia Beach
í gær, að opinberum byggingum
hafi verið lokað og öllu skóla-
haldi aflýst. „Hér á svæðinu býr
tæplega hálf milljón manna og
þar af hafa um tvö hundruð þús-
und manns þurft að vera án raf-
magns vegna veðursins," sagði
Guðjón.
Egill Vignisson, sem býr í Or-
Iando í Flórída, segir að það hafi
verið mikiil léttir þegar ljóst var
að Floyd hefði breytt um stefnu
og komið að landi fyrir norðan
Flórída-fylki. „íslendinga á
þessu svæði sakaði ekki frekar
en aðra íbúa en sum okkar voru
búin að hópa sig saman á einum
stað ef í hart færi. Við höfum
fregnir af því að fólk heima, og
heilu söfnuðirnir jafnvel, hafí
beðið fyrir okkur og langar okk-
ur að koma þakklæti okkar til
skila til þeirra sem hugsuðu svo
hlýtt til okkar,“ sagði Egill
Vignisson.
Reuters
Ungur maður hleypur frá bensínstöð, sem skemmdist í fellibylnum Floyd í Myrtle Beach í
Suður-Karólínu, eftir að hafa athugað dælurnar.
Nýr fellibylur
Gert ógnar
Bermúda
Miami. Reuters.
NÝR öflugur fellibylur, Gert, færð-
ist í gær norður Atlantshafið en
veðurfræðingar spáðu því að hann
myndi ekki koma að austurströnd
Bandaríkjanna. Hins vegar var
talið líklegt að hann myndi ganga
yfir Bermúda um helgina.
Fellibylurinn var í gær á 18.
gráðu norðlægrar breiddar og 53.
gráðu vestlægrar lengdar, um 900
km austan við Norður-Leewar-
deyjar.
Gert færðist í vestnorðvestur á
um 17 km hraða á klukkustund og
talið var í gærmorgun að hann
myndi halda þeirri stefnu í að
minnsta kosti sólarhring og snúast
smám saman í norðvestur.
Vindhraðinn var mestur um 230
km á klst. Gert var skilgreindur
sem fjórða stigs fellibylur. Slíkir
stormar geta feykt þökum af litlum
byggingum og valdið miklum ílóð-
um. Veðurfræðingar spáðu því að
vindhraðinn yrði breytilegur næsta
sólarhringinn.