Morgunblaðið - 30.11.1999, Side 14

14 ÞRIÐJUDAGUR 30. NÓVEMBER 1999
MORGUNBLAÐIÐ
AKUREYRI
Neytendasamtökin á Akureyri
Um 27% verðmun-
ur á laufabrauði
TÆPLEGA 27% verðmunur er á
ósteiktum laufabrauðskökum að því
er fram kemur í verðkönnun sem
Neytendasamtökin á Akureyri
gerðu fyrr í nóvember. Verð var
kannað hjá fjórum brauðgerðum á
Akureyri, Bakaríinu við brúna,
Brauðgerð Axels, Brauðgerð Kr.
Jónssonar og Veislubakstri, einnig
hjá Axinu á Dalvík og Heimabakaríi
á Húsavík og þá var verð kannað
hjá tveimur verslunum, KEA-Nettó
og Hagkaupi á Akureyri.
I öllum tilfellum var tekið lægsta
verð miðað við eina köku, stærsta
pakkningin var 22 kökur. Víða er
veittur magnafsláttur ef fjöldinn fer
að skipta hundruðum.
Lægsta verð fyrir ósteikt laufa-
brauð var 30 krónur stykkið hjá
Veislubakstri og KEA-Nettó, en
hæsta verðið var 38 krónur stykkið
hjá Heimabakaríi á Húsavík, þannig
að verðmunurinn er 26,7%. Hag-
kaup og Brauðgerð Axels selja kök-
una á 33 krónur, Axið á Dalvík á 34
krónur og í Bakaríinu við brúna og
Brauðgerð Kr. Jónssonar kostar
kakan 36 krónur.
20% munur á steiktu laufabrauði
Steikt laufabrauð er ódýrast hjá
KEA-Nettó, 65 krónur hver kaka,
en hæsta verðið er hjá Brauðgerð
Axels, 78 krónur stykkið þannig að
verðmunur er 20%. Axið selur
steikta laufabrauðsköku á 75 krón-
ur og Brauðgerð Kr. Jónssonar og
Hagkaup á 76 krónur, en aðrir sem
kannað var verð hjá selja ekki
steiktar kökur.
Aðeins var um beinan verðsam-
anburð að ræða í könnuninni, ekki
var lagt mat á gæði laufabrauðsins.
---------------
Hitnaði
í hamsi í
fótbolta
SNJÓ hefur kyngt niður norð-
anlands síðustu daga og er þeg-
ar kominn allmikill snjór víðast
hvar. Þá hefur verið nokkuð
kalt, svo segja má að veturinn
hafi tekið öll völd norðan heiða.
Þessir ungu drengir létu snjó
og kulda ekki á sig fá, en þeim
hefur eflaust hitnað í hamsi
þegar þeir reyndu með sér í
knattspyrnu á skólalóðinni við
Síðuskóla í gærdag.
Morgunblaðið/Kristján
Jólahrein-
gerning
aldarinnar
ANNA Richards, dansari á
Akureyri, lætur sér fátt fyrir
brjósti brenna, en hún sýndi
gestum í miðbæ Akureyrar
hvernig á að bera sig að við
jólahreingerninguna. Hrollur
fór um úlpuklædda áhorfendur
sem fylgdust með en frostið
virtist ekki bíta svo mjög á
dansarann, sem fór fáklædd
um með fötu og skrúbb. Ekki
ér víst að allar húsmæður
landsins leiki kúnstir Önnu eft-
ir við jólahreingerninguna, en
nokkra fimi og hugmyndaflug
þarf til.
Morgunblaðið/Kristján
Skilorð fyrir líkamsárás
Létu höggin dynja
TVEIR sautján ára piltar hafa
verið dæmdir í skilorðsbundið
fangelsi í Héraðsdómi Norður-
lands eystra íyrir líkamsárás.
Annar var dæmdur í tveggja
mánaða fangelsi skilorðsbundið
til tveggja ára en hinn í eins
mánaðar fangelsi, einnig skil-
orðsbundið í tvö ár. Þá voru
piltarnir dæmdir til að greiða
tvítugum manni skaðabætur
vegna árásarinnar.
Piltarnir voru kærðir fyrir
líkamsárás með því að hafa veist
að ökumanni bifreiðar sem þá
var staðsett í miðbæ Akureyrar,
slegið hann í höfuðið og víðar í
líkamann með þeim afieiðingum
að hann hlaut nokkur meiðsl,
aðallega maráverka undan
höggum.
Piltamir játuðu brot sitt íyrir
dómi. Þeir kváðust ekki þekkja
til mannsins sem þeir réðust að,
en tildrög em þau að ökumaður
tók upp í bfl sinn stúlku sem
hann kannaðist lítillega við og í
framhaldi af því tvo kunningja
hennar. Eftir að hafa ekið
stúlkunni heim hugðist hann losa
sig við piltana út úr bflnum.
Neituðu þeir að yfirgefa bflinn
þannig að maðurinn ætlaði að
aka að lögreglustöðinni og fá að-
stoð þar, en piltarnir bmgðust
þá hinir verstu við og létu höggin
dynja á andliti og höfði mannsins
áður en þeir hlupust á brott.
Stefnt að uppsetningu svifbrautar upp á Hlíðarfjall við Akureyri
Hlutafjárútboð í
byrjun næsta árs
ÁHUGAMENN um uppsetningu svifbrautar
upp á Hlíðarfjall við Akureyii stefna að því að
hefja hlutafjárútboð í byrjun næsta árs.
Stofnað hefur verið einkahlutafélagið Hlíðar-
fjall ehf. og hefur félagið leitað tilboða í svif-
braut frá tveimur fyrirtækjum í Evrópu.
Sveinn Jónsson, framkvæmdamaður á Kálfs-
skinni á Árskógsströnd, hefur verið helsti
talsmaður þess að setja upp slíkt mannvirki í
fjallinu en hann fór fyrst að ræða þann mögu-
leika af alvöra fyrir fimm áram.
Kaupþing Norðurlands vinnur að undir-
búningi hlutafjárútboðsins og arðsemisút-
reikningum og sagðist Sveinn sjá fyrir sér að
bæði félög og einstaklingar legðu fram hluta-
fé. Hafa nokkrir aðilar þegar skráð sig fyrir
hlutafé. Hann sagði nauðsynlegt að vanda
mjög allan undirbúning, þannig að þessi
framkvæmd yrði ekki neitt vandræðabarn.
„Hér er vissulega um áhættufjárfestingu að
ræða en hún getur skilað sér vel með góðri
markaðssetningu. Framhaldið ræðst hins
vegar af viðbrögðum fjárfesta og almenn-
ings.“
I síðustu viku var haldinn fjölmennur fund-
ur á Akureyri vegna þessa máls og er greini-
legt að bæjarbúar era farnir að sýna því tölu-
verðan áhuga. Þar flutti m.a. erindi Ralph
Nachbaur, verkfræðingur frá Doppelmaier í
Austurríki, auk þess sem hann skoðaði að-
stæður í Hlíðarfjalli. Sveinn sagði að Austur-
ríkismaðurinn hafi opnað augu manna fyrir
mörgum hlutum og einnig þeir Jónas
Frímannsson, yfirverkfræðingur Istaks, og
Jón Bjömsson, sparisjóðsstjóri Sparisjóðs
Norðlendinga, sem einnig fluttu erindi á fund-
inum.
Kostnaður 320-350
milljónir króna
Sveinn sagði nauðsynlegt að halda áfram
uppbyggingu í Hlíðarfjalli, þannig að Akur-
eyri standi undir nafni sem vetraríþróttamið-
stöð Islands. Jafnframt þurfi markaðssetning
svifbrautarinnar að vera í tengslum við annan
rekstur í fjallinu. Hann sagði að kostnaður við
uppsetningu 2,3 km svifbrautar frá Skíðastöð-
um í Hlíðarfjalli og upp á brún væri um
320-350 milljónir króna og þyrfti stofnhlutafé
að verða að lágmarki 60% af þeim kostnaði.
Hæðarmunur frá Skíðastöðum og upp á brún
Hlíðarfjalls er um 700 metrar.
Sveinn sagði að samkvæmt fyrstu hug-
myndum væri gert ráð fyrir 20 átta manna
klefum á svifbrautinni og að þannig væri
hægt að flytja 500 manns á klukkustund upp á
brún. Með 10 klefum til viðbótar væri hægt að
flytja 300 manns til viðbótar á klukkustund.
Sveinn sér fyrir sér rekstur í Hlíðarfjalli allan
ársins hring og hann telur möguleikana í
kringum fjallið, Vindheimajökul og Bægisár-
jökul mjög mikla. Þar þurfi þó að bjóða upp á
mjög fjölbreytta afþreyingu og góða veitinga-
aðstöðu, þannig að fólk geti notið svæðisins
jafnt sumar sem vetur og þá ekki síst á sól-
skinsdögum.
Erum gjaldgeng á
þessum markaði
Markaðssetningin er mikilvægur þáttur og
sagði Sveinn að auk þess að kynna svæðið fyr-
ir innlendum ferðaþjónustuaðilum, þyrfti
jafnframt að matreiða þetta ofan í erlenda
ferðaþjónustuaðila. Hann nefndi sem dæmi
skemmtiferðaskipin sem markað sem ekkert
hafi verið unnið í en árlega koma til Akureyr-
ar um 30 skemmtiferðaskip með tugi þúsunda
ferðamanna.
„Mikið af þessu yrði hrein viðbót við ferða-
mannaiðnaðinn, þannig að það myndu allir
hagnast á þessu. Það styttist í að við fáum
hingað norður um 150 þúsund ferðamenn á
ári og ef okkur tekst að fá þennan fjölda til að
staldra hér við eina nótt til viðbótar, þýðir það
auknar tekjur upp á 1,5 milljarða króna. Það
er því til mikils að vinna en við verðum að
trúa því að við séum gjaldgeng á þessum
markaði. Og það er því ekki nóg að vera með
eilífar bollaleggingar, við þurfum að vinna í
málunum og við vitum að það er eftir tölu-
verðu að slægjast. Þetta snýst um bjartsýni,
auk þess sem hér þarf að samræma vinnu-
brögð ferðaþjónustuaðila og betur má ef duga
skal.“
Fleiri hundruð ný störf
Síðastliðið eitt og hálft ár hafa verið stund-
aðar veðurathuganir á fjallsbrúninni og sagði
Sveinn að þar væra vissulega misjöfn veður.
„Það getur orðið mjög vont veður þama uppi
á veturna en sumarið er yfirleitt gott. Okkar
áætlanir gera ráð fyrir því að 50.000 manns
komi í fjallið yfir sumartímann og önnur notk-
un svifbrautarinnar er þá bara bónus.“
Sveinn hefur í tengslum við þetta mál rætt
þá hugmynd að byggja lúxushótel á Akureyri
með góðri aðstöðu til ráðstefnuhalds og horfir
hann til uppfyllingarinnar austan Glerárgötu
og sunnan Strandgötu. Þar hefur einnig verið
rætt um að byggja menningarhús og sagðist
Sveinn vel geta séð fyrir sér lúxushótel og
menningarhús á sama svæðinu. Með öllum
þessum framkvæmdum mætti skapa fleirí
hundrað ný störf í bæjarfélaginu.