Morgunblaðið - 16.02.2000, Page 6

6 MIÐVIKUDAGUR 16. FEBRÚAR 2000
MORGUNBLAÐIÐ
FRÉTTIR
Flugleiðir fengu í gær B757-þotu í leiguflugsverkefni
Ætla að bæta nýtingu á
fjárfestingu og mannafla
Morgunblaðið/Golli
Sigþór Einarsson er hér við nýju leiguþotuna sem merkt hefur verið
„Icelandair Holidays11 og máluð í litum Flugleiða.
FLUGLEIÐIR hafa tekið á leigu
B757-200ER-þotu til þriggja og
hálfs árs og verður hún eingöngu
notuð í leiguflug. Er þetta áttunda
757-þota félagsins og í lok mars bæt-
ist sú níunda við þegar Flugleiðir fá
afhenta nýja 757-200-þotu frá
Boeing-verksmiðjunum.
Sigþór Einarsson, forstöðumaður
viðskiptadeildar, segir að með þessu
sé verið að fá betri nýtingu á fjár-
festingu og mannafla fyrirtækisins.
„Við erum líka að feta okkur inn á
leiguflugsmarkaðinn aftur, en fyrir-
tækið hefur einkum sinnt farþega-
og fraktflugi og má þvi segja að hér
séum við að taka upp þriðja starfssv-
iðið, leiguílug fyrir íslenska sem er-
lenda aðila. Haldið verður sérstak-
lega utan um rekstur þotunnar í
reikningum félagsins og er henni
ætlað að skila framlegð upp í annan
kostnað hjá félaginu,“ sagði Sigþór í
samtali við Morgunblaðið.
fslenskir flugmenn í
erlendu verkefnunum
Þotan var áður í eigu þýska leigu-
flugfélagsins Condor en Flugleiðir
leigja hana af bandarísku kaupleigu-
fyrirtæki. Vélin var máluð í Eind-
hoven í Hollandi í litum Flugleiða en
sérstaklega merkt „Icelandair Holi-
days“ og með því undirstrikað að
hún sinni eingöngu leiguflugi. Hún
ber einkennisstafina TF FIW og var
smíðuð árið 1990.
Þotan kom til landsins í gær og
heldur í fyrstu ferðina um næstu
helgi, til Rómar. Flugstjóri á heim-
leiðinni var Harald Snæhólm og
flugmaður Snæbjörn Jónsson. Þot-
an mun sinna leiguflugi fyrir Úrval-
Útsýn en Flugleiðir hafa einnig gert
samning við Condor um að annast
flug á ákveðnum leiðum þess og
munu flugmenn Flugleiða annast
það „Samningurinn við Condor gild-
ir í tvö til þrjú ár vegna verkefna frá
apríl til október. Verður vélinni þá
flogið frá Dusseldorf og Frankfurt
til sólarlanda á fimmtudögum til
sunnudaga. Hún kemur til Islands á
sunnudagskvöldum og flýgur milli
Islands og annarra landa til fimmtu-
dagsmorguns þegar hún fer aftur til
Condor," segir Sigþór.
„Stefna Flugleiða síðustu árin
hefur verið markviss endurnýjun
allra þátta rekstrarins. A þessum
tíma hefur félagið einbeitt sér að því
að byggja hratt upp nýtt og öflugt
leiðakerfi og tekið í notkun nýjan
flugflota. Leiðakerfið hefur nú náð
ákveðinni lágmarksstærð og nú er
tækifæri til þess að nýta þekkingu,
fjárfestingú og mannafla fyrirtækis-
ins til að sækja fram á nýjum svið-
um. Sóknin á fraktmarkaðinn und-
anfarið og nú á leiguflugsmarkaðinn
eru góð dæmi um það hvernig við
getum nýtt á breiðari grundvelli
þekkingu og fjárfestingu félagsins í
flugrekstri.
Með því að halda sérstaklega utan
um kostnað og tekjur af þessari vél
erum við að fylgja þeirri stefnu að
afmarka skýrt rekstrarábyrgð á hin-
um mismunandi sviðum fyrirtækis-
ins án þess að um það verði stofnuð
sérstök rekstrareining að sinni,“
segir Sigþór ennfremur. Sigþór seg-
ir síðan hugmyndina að útvega verk-
efni frá öðrum ferðaskrifstofum eða
flugfélögum fyrir vélina og er nú
verið að kanna nokkur hugsanleg
verkefni fyrir næsta vetur. Kveðst
hann ekki óttast verkefnaskort.
Vélin verður með einu farrými og
tekur 213 farþega, sem er um 25 far-
þegum meira en 757-þotur Flug-
leiða. Innrétting er sambærileg og í
einni þotu Flugleiða af þessari gerð,
m.a. er hún með sjónvarps- og tónl-
istarkerfi.
Flugleiðir eru nú með sjö 757-200-
farþegaþotur í rekstri, eina 757-
fraktvél, þrjár 737-400-farþegaþot-
ur og eina 737-fraktvél. Þegar nýja
þotan bætist í flotann í lok mars
verður félagið með 13 þotur í
rekstri.
VMSÍ skipar að-
gerðarhóp
Látið
reyna á
vifja fé-
laganna
SAMNINGANEFND Verka-
mannasambands íslands stofn-
aði sérstakan aðgerðarhóp í
síðustu viku sem er ætlað að
gera tillögur um hvaða aðgerðir
verður farið í ef ekki næst sam-
komulag á milli VMSÍ/LI og
Samtaka atvinnulífsins um
kjarasamning. Stefnt er að því
að aðgerðir hefjist ekki síðar en
10. mars hafi samningar ekki
tekist. Bjöm Grétar Sveinsson,
formaður VMSÍ, segir að ekk-
ert sé að gerast í samningamál-
um. I þessari viku verði reynt
að koma hreyfingu á einhverja
þætti málsins en síðan hljóti
menn að fara að skoða það fyrir
alvöru hvort ástæða sé til að
veija meiri tíma í að „endur-
taka sjálfa sig“.
Hann segir að það verði látið
reyna á það úti í félögunum
hvort vilji sé til þess að fara í
verkfoll en það séu félagsmenn
sem taki ákvörðun um slíkt.
Viðræður hafa að undan-
fömu staðið um sérmál einstak-
ra hópa innan VMSI. Þeim við-
ræðum er enn ekki lokið, en
búist er við að það skýrist fljót-
lega hvort þær leiða til sam-
komulags. Þá er órætt um sjálf-
an launalið samninga.
Starfsmannafélag Þjóðminjasafnsins ályktar um
brottrekstur fjármálastjóra
Skorar á þjóðminja-
vörð að segja af sér
STARFSMENN Þjóðminjasafns
Islands hafa skorað á Þór Magnús-
son, þjóðminjavörð, að segja af sér
og gangast við ábyrgð sinni á fjár-
málastjórn safnsins, úr því að
ástand fjármála þyki gefa tilefni til
að víkja fjármálastjóra safnsins
fyrirvaralaust og án áminningar úr
starfi. Þetta kemur fram í ályktun,
sem samþykkt var á löngum fundi
starfsmannafélagsins í gær, en
hann var haldinn í tilefni af
ákvörðun þjóðminjavarðar að víkja
Hrafni Sigurðssyni, fjármálastjóra
úr starfi. Ályktunin var samþykkt
á fjölmennum fundi starfsmanna
með 20 atkvæðum gegn þremur en
tveir sátu hjá.
Uppsögnin ber vitni um
„bráðræði og örvæntingu"
Áskorun sína byggja starfsmenn
á því að samkvæmt stjórnskipulagi
safnsins eigi þjóðminjavörður að
hafa „forystu um gerð fjárhags-
áætlunar“ og að hann beri „ábyrgð
á að starfsemin sé í samræmi við
þann ramma sem áætlanir setji.ins
segir að öll yfirstjórn safnsins, þ.e.
þjóðminjavörður og framkvæmda-
ráð sem í sitja minjastjóri og safn-
stjóri auk fjármálastjóra, hafi um
margra mánaða skeið haft vitn-
eskju um að ekki yrði staðið við
fjárhagsáætlun safnsins fyrir árið
1999, enda taki framkvæmdaráðið
ákvarðanir um fjármál þess.
Þjóðminjavörður hafi, öðrum frem-
ur, átt að vita hvert stefndi, enda
beri hann ábyrgð á fjármálastjórn
safnsins skv. 6. gr. reglugerðar um
þjóðminjavörslu nr. 334/1998.
Þá telur starfsmannafélagið að
formaður Þjóðminjaráðs, sem einn-
ig er formaður bygg-
ingarnefndar safnsins,
beri mikla ábyrgð á því
hvernig fjármálum
þess er komið, sbr. 5.
og 6. grein fyrr-
greindrar reglugerðar
um þjóðminjavörslu.
í ályktuninni segir
að fjárhagsvandi safns-
ins virðist fyrst og
fremst vera orðinn til
vegna kostnaðar sem
hlaust af flutningi í
önnur hús meðan á
framkvæmdum stend-
ur í safnhúsinu við
Suðurgötu. Með það í
huga telja starfsmenn
það koma spánskt fyrir
sjónir að þeim stjóm-
anda safnsins, sem unnið hefur
þarskemmst, eða í eitt ár, skuli
kennt um hvernig komið er.
Hefur skilning á ákvörðun um
uppsögn fjármálastjórans
„Með hliðsjón af framansögðu
telur starfsmannafélagið órétt-
mætt og ósanngjarnt að fjármála-
stjórinn sé einn látinn sæta afleið-
ingum af slæmri fjárhagsstöðu
safnsins og mótmælir aðförinni að
honum sem lítilmótlegri. Ákvörðun
þjóðminjavarðar að segja fjármála-
stjóranum upp á sama tíma og
þjóðminjaráð hefur fjármál safns-
ins til sérstakrar athugunar ber
vitni um bráðræði og örvæntingu,
því að upplýst er að fjármálastjóri
hefur ekki brotið af sér í starfi,“
segir í ályktun starfsmannafélags-
ins.
Gunnar Jóhann Birgisson, for-
maður þjóðminjaráðs,
sagði í samtali við
Morgunblaðið, að í
þessu tilfelli hefði hann
skilning á því að Þór
Magnússon þjóðminja-
vörður hefði ákveðið að
segja fjármálastjóra
safnsins upp. Þjóð-
minjavörður hefði jafn-
framt einn heimild til
að ráða starfsmenn og
segja þeim upp og að
enginn annar hefði það
vald, þ.m.t. þjóðminja-
ráð.
Hvað ályktun starfs-
manna varðaði að öðru
leyti, sagðist Gunnar
Jóhann ekki geta haft
áhrif á hvað þeir álykt-
uðu og hvernig, en hann sagðist
skilja vel, að menn væru með
áhyggjur af rekstrarstöðu safns-
ins. Hann sagði að þjóðminjaráð
væri núna með fjármál safnsins til
skoðunar ásamt fulltrúum frá
menntamálaráðuneytinu og að
næstu dagar yrðu að leiða í ljós til
hvaða aðgerða yrði gripið vegna
slæmrar rekstrarstöðu safnsins.
„Menn hafa áhyggjur af rekstri
safnsins og jafnvel áhyggjur af því
að rekstrarstaðan leiði til ein-
hverra uppsagna og það kann að
lita afstöðu manna að einhverju
leyti. En tíminn verður að leiða í
ljós til hvaða aðgerða verður grip-
ið.“
Þór Magnússon sagðist ekkert
hafa um málið að segja og að þau
skrifuðu orð sem honum hefðu bor-
ist í ályktuninni yrðu að standa án
hans umsagnar.
Þór
Magnússon
Morgunblaðið/Jónas Erlendsson
Tvö hross drápust
eftir ákeyrslu
TVÖ hross drápust í gærmorgun
þegar jeppabifreið var ekið inn í
hrossahóp í Vestur-Eyjajallahreppi
á móts við Holtshverfi.
Að sögn lögreglunnar á Hvols-
velli slapp ökumaður án meiðsla, en
farið hefði getað verr ef um smærri
bíl hefði verið að ræða, því jeppinn
skemmdist talsvert mikið við
áreksturinn.
Lögreglan segir allt of algengt að
hross, nautgripir og sauðfé gangi
laust og öðru hverju verði óhöpp af
þeim sökum og hvetur lögreglan
menn til að hafa betri gætur á bú-
peningi sínum.
Morðmál tekið til
frekari meðferðar
RANNSÓKNADEILD lögreglunn-
ar í Reykjavík hefur sent mál karl-
manns á þrítugsaldri, sem situr í
gæsluvarðhaldi vegna gruns um að
hafa banað áttræðri konu á heimili
hennar í Espigerði í desemberbyrj-
un, til frekari meðferðar hjá lög-
fræðideild embættisins, sem mun að
öllum líkindum senda það til emb-
ættis ríkissaksóknara til ákærumeð-
ferðar. Þaðan fer málið til meðferðar
dómstóla.
Maðurinn viðurkenndi við
skýrslutöku fyrir dómi í desember
að hafa verið valdur að láti konunnar
og hefur setið í gæsluvarðhaldi frá
því hann var handtekinn 5. desem-
ber sl.