Morgunblaðið - 04.03.2000, Page 4

MORGUNBLAÐIÐ
4 LAUGARDAGUR 4. MARS 2000________________________
FRÉTTIR
Stjórnendur Landspítala
háskólasjúkrahúss
Vilji til að koma til
móts við sjúkraliða
TÆPLEGA helmingur sjúkraliða
hefur nú sagt upp störfum á Sjúkra-
húsi Reykjavíkur og Ríkisspítölun-
um. í frétt frá Landspítala, háskóla-
sjúkrahúsi segir að ljóst sé að
uppsagnir þessa hóps komi illa niður
á starfseminni, en stjórnendur
sjúkrahússins séu þrátt fyrir upp-
sagnimar tilbúnir að halda áfram að-
leggja sig fram um að finna leiðir
innan ramma gildandi kjarasamn-
ings tO að koma til móts við sjúkra-
liða.
Af 146 sjúkraliðum í settum stöðu-
gildum á Sjúkrahúsi Reykjavíkur
hafa hafa 70 sagt upp störfum og á
Ríkisspítölunum hafa 109 af 215 sett-
um stöðugildum sagt upp störfum.
í frétt frá Landspítala, háskóla-
sjúkrahúsi, segir að kjarasamningur
hafi verið gerður milli Sjúkraliðafé-
lags íslands og fjármálaráðherra
fyrir hönd ríkissjóðs haustið 1997,
með gildistíma til og með 31. október
2000.
Töldu aðra hafa
borið meira úr býtum
„í þeim kjarasamningi var kveðið
á um heldur meiri launahækkanir en
til annaira hópa heilbrigðisstarfs-
manna. A móti kom, að ekki var sam-
ið um að sjúkraliðar færu inn í nýtt
launakerfi, eins og flest önnur stétt-
arfélög sjúkrahúsanna höfðu samið
um. Á síðari hluta samningstímabils-
ins fór að bera á óánægju sjúkraliða
með samning sinn, enda töldu þeir
aðra hafa borið meira út býtum með
nýja launakerfinu. Af þessum sökum
sneru sjúkraliðar sér tO stjórnenda
sjúkrahúsanna í Reykjavík og báðu
um að leitað yrði leiða til að bæta
launakjörin. Með viðræðum við full-
trúa starfsmanna og forsvarsmenn
stéttarfélags sjúkraliða var reynt að
mæta sjónarmiðum þeirra, innan
ramma gildandi kjarasamnings.
Þeim kjarasamningi hafa sjúkrahús-
in fylgt í einu og öOu og hefur því
ekki verið andmælt af hálfu sjúkra-
liða.“
Jafnframt kemur fram að Ijóst sé
að uppsagnir þessa hóps koma illa
niður á starfsemi hins nýja Land-
spítala, háskólasjúkrahúss. „Stjórn-
endur sjúkrahúsanna og fulltrúar
sjúkraliða hafa lagt sig fram við að
finna leiðir, innan ramma gildandi
kjarasamnings, til að koma til móts
við sjúkraliða. Því starfi eru stjóm-
endur Landspítala, háskólasjúkra-
húss tilbúnir að halda áfram, þrátt
fyrir uppsagnirnar,“ segir einnig.
Hlutur ríkisins í Int-
ís boðinn í einu lagi
RÚMLEGA 20% hlutur ríkisins í
netþjónustufyrirtækinu Internet á
Islandi, Intís, verður auglýstur á
næstunni. Íslandssími hefur nýverið
keypt 70% hlut í Intís, sem einkum
var í eigu Kögunar hf. og Háskóla
íslands og boðaði til hluthafafundar
í framhaldi af kaupum á meirihlut-
anum. Varð honum hins vegar frest-
að að beiðni fulltrúa ríkisins þar sem
ekki liggur fyrir formlegt samþykki
fjármálaráðherra fyrir sölu á hlut
Háskólans en gerður var fyrirvari
um það í sölunni til Islandssíma.
Guðmundur Ólason, fulltrúi fram-
kvæmdanefndar um einkavæðingu,
segir að ráðgert sé að selja hlut rík-
isins í einu lagi. Hlutafé Intís er 15
milljónir króna.
Íslandssími hf. keypti í síðasta
mánuði hluti Kögunar hf., sem var
rúmlega 22%, Háskóla íslands, sem
átti 27%, og nokkurra smærri hlut-
hafa, alls 70% hlutafjár. Háskólinn
seldi sinn hlut með íyrirvara um
samþykki Alþingis sem fjármálaráð-
herra getur heimilað samkvæmt
ákvæðum fjárlaga.
Boðað var til hluthafafundar mið-
vikudaginn 22. febrúar síðastliðinn
en honum frestað að beiðni fulltrúa
ríkisins þar sem samþykki á sölu
hlutar Háskólans liggur ekki fyrir.
Sagði Guðmundur að eðldegt hefði
þótt að samþykkið lægi formlega
fyrir áður en Íslandssími tæki við
hlut Háskólans í fyrirtækinu.
Kvaðst hann gera ráð fyrir að það
yrði veitt fljótlega og í framhaldi af
því yrði hluthafafundiirinn haldinn.
Þátttaka Háskóla íslands í Intís á
sínum tíma var einkum gerð í því
augnamiði að eiga eins konar sam-
starfstæki um Netið við háskóla á
Norðurlöndum og stuðla að þróun
þess. Ætlun Háskólans er að nýta
féð í annars konar uppbyggingu á
samstarfi við erlenda háskóla.
Samkvæmt heimildum Morgun-
blaðsins var gengið um 20 og hlutur
Háskólans því seldur á kringum 80
milljónir króna.
Ríkissjóður á alls 20,3% hlut í In-
tís, en þar af á Hafrannsóknastofn-
un 6%. Aðrir hluthafar eiga minna.
Guðmundur Ólason segir ætlunina
að Ríkiskaup auglýsti um aðra helgi
hlut ríkisins til sölu. Ráðgert er að
selja hann í einu lagi og verður sett
fram lágmarksverð.
Allt um stofublóm
innilurtir
Ný og yfirgripsmikil bók
um allt sem tengist stofu-
blómum og innijurtum.
Nauðsynleg handbók
fyrir alla sem hafa
gaman af blómum.
Morgunblaðið/Sigurður Sigmundsson
Djúpt niður á rólu
Hrunamannahreppi - Þótt gaman sé að leika sér á
sleða í þeim mikla snjó sem verið hefur á suðvestur-
horni iandsins er líka gott að hugsa til vorsins og
rólunnar sem kætir mörg börnin.
Systkinin Hróðný og Björgvin Jónsbörn í Dalbæ í
Hreppum verða áreiðanlega að bíða lengi eftir að
rólan þeirra verði tilbúin til notkunar þar sem hún
er á kafi í mannhæðarháum skafli.
*
Formannafundur VMSI og LI samþykkti
að hefja undirbúning að verkfalli
Félögin á landsbyggðinni
boða verkfall 30. mars
Morgunblaðið/Ásdís
Sigurður Ingvarsson, formaður aðgerðarnefndar (t.v.), og Björn Grétar
Sveinsson, formaður VMSÍ, kynntu niðurstöðu formannafundarins fyrir
blaðamönnum í gær.
FORMANNAFUNDUR Verka-
mannasambandsins og Landssam-
bands iðnverkafólks samþykkti í
gær tillögu aðgerðahóps um boðun
verkfalls 30. mars. Tillagan var
samþykkt samhljóða með öllum
greiddum atkvæðum. Félögin hefja
nú undirbúning að verkfallsboðun,
en gert er ráð fyrir að atkvæði um
tillöguna verði talin 21. mars.
Björn Grétar Sveinsson, formað-
ur VMSÍ, sagði að viðræður við
vinnuveitendur hefðu litlu skilað og
félögin ættu því ekki annars úr-
kosta en að boða til verkfalls til að
þrýsta á vinnuveitendur. Þegar við-
ræðum var slitið hefðu vinnuveit-
endur boðið 3,5% almenna launa-
hækkun og dálitla viðbót fyrir
fólkið á allra lægstu töxtunum.
VMSÍ krefst þess að tekið verði
upp nýtt taxtakerfi og að laun
hækki um 15.000 krónur á mánuði.
39 félög greiða atkvæði
Sigurður Ingvarsson, formaður
aðgerðarhópsins, sagði að á síðustu
10 árum hefði atvinnulíf á lands-
byggðinni verið byggt upp ekki síst
fyrir tilverkan verkafólks, sem
hefði haldið aftur af sér með kaup-
kröfur. Tekist hefði að byggja upp
atvinnufyrirtæki sem skiluðu nú
miklum hagnaði sem allt þjóðfélag-
ið nyti góðs af. Nú væri komið að
því að verkafólk fengi að njóta
árangursins.
Um 18.000 launamenn eru í þeim
39 félögum Verkamannasam-
bandsins og Landssambands iðn-
verkafólks sem nú boða verkfall.
Um 20% af félagsmönnum starfa
hjá ríki og sveitarfélögum, en þeir
koma ekki til með að taka þátt í
verkfallinu. Komi til verkfalls nær
það til verkafólks frá Akranesi að
Keflavík. Efling í Reykjavík, Hlíf í
Hafnarfirði og Verkalýðs- og sjó-
mannafélag Keflavíkur taka ekki
þátt í boðun verkfalls, en þau eru í
svokölluðu Flóabandalagi.
Björn Grétar sagði aðspurður að
verkfallssj ó ðir stéttarfélaganna
innan VMSI væru fjárvana. í þessu
efni reyndi hins vegar fyrst og
fremst á samstöðu félaganna.
Upphaflega töluðu forystumenn
VMSI um að boða verkfall um
miðjan mánuðinn. Björn Grétar
sagði að lögfræðingar hefðu ráðlagt
félögunum að láta fjórar vikur líða
frá því að kjaradeilunni var vísað til
sáttasemjara þangað til verkfall
hæfist. Félögin hefðu lagt áherslu á
að ekki kæmu upp efasemdir um
lögmæti verkfallsins. Þessi rúmi
tími tryggði jafnframt að félögin
hefðu nægan tíma til að láta greiða
atkvæði um verkfall. Til að boðun
verkfalls sé gild þurfa 20% félags-
manna að greiða atkvæði, nema ef
efnt er til póstatkvæðagreiðslu.
Kæra Landssímans til Póst- og fjarskiptastofnunar
vegna „frímínútna“ Islandssíma
Ekki stöðvun fyrr
en úrskurður fæst
PÓST- og fjarskiptastofnun ákvað í
gær að ekki væri ástæða til að taka
ákvörðun til bráðabirgða vegna kæru
Landssíma íslands á hendur íslan-
dssíma vegna þess að ekki væri sýnt
fram á að kæruaðili yrði fyrir fjár-
tjóni þótt dráttur yrði á úrskurði.
Landssíminn kærði á hlaupársdag
vegna framboðs og kynningar ís-
landssíma á símaþjónustu til útlanda,
sem hefur verið markaðssett undir
heitinu „Frímínútur", og skráningar
viðskiptavina í þjónustuna.
Landssíminn fór fram á að
Íslandssíma yrði þegar í stað bannað
að bjóða, skrá og taka við viðskipta-
vinum í útlandaþjónustu með föstu
forvali sem auglýst væri undir heit-
inu „frímínútur". í kröfu Landssím-
ans segir að samkvæmt fjarskipta-
lögum skuli fyrirtæki sem veita
almenna fjarskiptaþjónustu birta
viðskiptaskilmála og gjaldskrá fyrir
alla þjónustu sína og að gjöld skuli
vera sundurliðuð svo notendur eigi
þess kost að meta sjálfir hvaða þætti
þjónustu þeir vilji kaupa. Íslandssími
hafi enga gjaldskrá birt fyrir um-
rædda þjónustu og því augljóslega
gerst brotlegur við fjarskiptalög.
I fréttatilkynningu Póst- og
fjarskiptastofnunar segir að ekki
hafi verið sýnt fram á fjártjón Lands-
símans, enda sé ekki farið að veita
viðkomandi þjónustu Islandssíma.
Enn fremur muni Póst- og fjarskipt-
astofnun í framhaldi af þessari
ákvörðun taka málið til efnislegrar
umfjöllunar.