Morgunblaðið - 15.06.2000, Blaðsíða 72

72 FIMMTUDAGUR 15. JÚNÍ 2000
MORGUNBLAÐIÐ
FRÉTTIR
ÍDAG
Söguráðstefna
í Viðey
EFTIR kaþólska biskupsmessu,
sem hefst kl. 14 í Viðeyjarkirkju nk.
sunnudag, 18. júní, verður ráðstefna
í Viðeyjarstofu. Efni hennar verður
tvíþætt. Bróðir Aidan Bellenger,
munkur í Benediktsklaustrinu,
Downside Abbey, í nánd við Bath á
Suður-Englandi flytur þá erindi um
starf Benediktsreglunnar á miðöld-
um. Síðan talar sr. Kristján Valur
Ingólfsson, rektor Skálholtsskóla,
um litúrgíu miðalda og syngur tón-
dæmi móti fjórum öðrum ágætum
söngmönnum. Yfirskrift erindis
hans er Heyr himna smiður. Hug-
leiðingar um helgihald kristinnar
kirkju á fyrstu öldum eftir kristni-
töku á Islandi. Þar verður m.a. fjall-
að um þessi atriði: Mótun messusiða
og helgihalds um árið 1000. Messuna
á Þingvöllum sumarið 1000. Stað-
festing kristins helgihalds á bisk-
upsstólunum og í klaustrunum með
stofnun erkibiskupsstóls í Niðarósi.
Sérleik íslenskra aðstæðna. Helgi-
hald og trúrækni á Sturlungaöld.
Daglegt líf í Viðeyjarklaustri.
Eftir bæði erindin verða leyfðar
spurningar og umræður. Ráðstefnu-
stjóri verður Ólafur H. Torfason rit-
höfundur.
Ráðstefnan er haldin í tengslum
við sýninguna Klaustur á Islandi,
sem var opnuð í Viðeyjarskóla um
síðustu helgi. Hún er haldin í sam-
vinnu kaþólsku kirkjunnar og stað-
arhaldarans í Viðey. Aðstandendur
hennar telja, að hún muni skapa
mönnum bæði ánægju og aukinn
fróðleik.
Onnur skógarganga
sumarsins
SKÓGARGANGA verður á vegum
Skógræktarfélags Hafnarfjarðar
fimmtudaginn 15. júní. Þessi ganga
er hluti af fræðslusamstarfi skó-
græktarfélaganna og Búnaðarbank-
ans og er ræktunaráhugafólk hvatt
til þess að mæta. Upphaf göngunnar
er við Bungu, þar sem Bláfjallavegur
liggur yfir Undirhlíðar. Verður lagt
af stað kl. 20.30. Til að komast þang-
að er ekinn Krísuvíkurvegur út frá
Reykjanesbraut og síðan ekinn Blá-
fjallavegur. Gangan er um Stóra-
Skógahvamm undir leiðsögn Péturs
Sigurðssonar og Svans Pálssonar.
Þar er vaxinn fallegur skógur sem
er afar áhugavert að skoða.
Rútuferð verður frá húsi Ferða-
félagsins, Mörkinni 6, og fer hún
klukkan 20.
Þjóðmenningarhúsið
opið 17. júní
ÞJÓÐMENNINGARHÚSIÐ við
Hverfisgötu verður opið á þjóðhátíð-
ardaginn 17. júní frá kl. 11 til 17.
Veitingastofan í húsinu og verslunin
eru einnig opnar á sama tíma.
I Þjóðmenningarhúsinu eru
menningarsögulegar sýningar um
íslenska bókmenningu, gömul Islan-
dskort, ríkismerki og opinberan
gjaldmiðil. Þá er þjóðfundarbókin
frá 1851 til sýnis í húsinu. I fúndar-
stofum hússins, sem opnað verður
þennan dag, eru sýningar um Jón
Sigurðsson forseta, Hannes Haf-
stein ráðheiTa og íslenska tónlist og
leiklist. Á efstu hæð hússins er enn-
fremur viðamikil sýning um sigling-
ar og landafundi Islendinga á
miðöldum. Sýning um áhrif kristni á
íslenskt þjóðlíf í þúsund ár verður
opnuð almenningi sunnudaginn 18.
júní. Er hún samstarfsverkefni
kristnihátíðarnefndar, Þjóðskjala-
safns Islands og Þjóðmenningar-
hússins. Þjóðmenningarhúsið er op-
ið alla daga frá kl. 11 til 17.
■■■ ■ W W
17. juni
Tilboð
Bjóðum 15% afslátt
af öllum vörum
Sendum í póstkröfu
rp rp ^Úv®f?;unj
Ioppskórinn loppskórính
JL Veltusundi, JL Suðurlandsbraut 54
sími 552 1212
Suðurlandsbraut 54
(í Bláa húsinu móti Subway),
sími 533 3109
Dýrahald
urstræti eða Lækjartorg
vegna slagsmála og róna.
Er ekki eitthvað hægt að
gera?
Elísabet.
Kjúklingar
og svið
ÞAÐ er alltaf verið að tala
um það að maður fái eitrun
af kjúklingum, en það er
hvergi hægt að fá vel sviðin
kindasvið, hvað þá sviða-
sultu með kindabragði.
Inga.
Tjáningarfrelsi
NOKKRAR línur vegna
kærumáls á hendur Sjón-
varpstöðinni Omega og
gestum hennar. Eftir því
sem ég kemst næst er deilt
meðal annars um orðið
„kynvilla", hvort leyfilegt
sé að láta sér það um munn
fara eða ekki.
Nú er það svo að Omega-
menn byggja dagskrá sína
og boðun á Ritningunni og
þeim orðum sem þar er að
finna.
í Biblíuþýðingu frá 1981
er ekki annað orð að finna
sem nýyrðið samkynhneigð
stendur fyrir. Það má því
teljast mjög hæpið að
banna notkun orða og hug-
taka sem í Ritningunni
standa og hefur verið
grundvöllur boðunar ís-
lensku þjóðkirkjunnar og
áhrifavaldur vestrænnar
menningar öldum saman.
Því síður er viðeigandi að
hafa í hótunum við menn
sem ræða, og leggja út af
efni textans og bera saman
við þá þjóðfélagsstrauma,
sem við búum við í dag. Það
er von mín að tjáningar-
frelsið verði áfram í heiðri
haft í þessu landi.
Finnbogi.
Tapað/fundid
Svört og hvít úlpa
fannst
SVÖRT og hvít úlpa fannst
um hvítasunnuhelgina í
garði sem liggur að Voga-
skóla. Upplýsingar í síma
553-3352 eftirkl. 18.
Rautt telpnahjól tap-
aðist frá Álftamýri
RAUTT Pro-Style telpna-
hjól tapaðist frá Álftamýri
um síðustu mánaðamót.
Þetta er mikill missir fyrir
sex ára stúlku.
Ef einhver hefur orðið
var við hjólið er sá hinn
sami vinsamlegast beðinn
að hafa samband við Lindu
ísíma 864-3756.
VELVAKAJVDI
Svarað í síma 569 1100 frá 10-12 og 13-15
frá mánudegi til föstudags
Óheppni
ELÍN hafði samband við
Velvakanda og var frekar
óhress. Hún hafði farið á
tónleikana hjá Elton John
og borgaði 6.600 kr. fyrir
miðann, síðan var fullt af
fólki hleypt inn frítt. í febr-
úar keypti hún ferð til og
útlanda og greiddi fullt
verð fyrir, en núna var ver-
ið að selja þessar ferðir
með talsverðum afslætti.
Eldri borgara
á málþing
ELDRI borgarar, er ekki
kominn tími til að þið komið
fram á málþingi og tjáið
ykkur um ykkar líf? Um
daginn var verið að ræða í
þættinum Samfélagið í
nærmynd í Ríkisútvarpinu
við unga krakka um hvað
mætti ganga langt í hinum
ýmsu efnum. Það væri sér-
staklega gaman að heyra í
eldri borgurum, því þeir
hafa lifað tímana tvenna.
Guðmunda.
Miðbærinn
okkar
ÉG get ekki orða bundist
yfir því hvernig miðbærinn
okkar er orðinn. Það er
ekki hægt að ganga Aust-
Norskur skógar-
kettlingur óskast
ÓSKA eftir norskum skóg-
arkettlingi gefins. Má vera
blendingur. Upplýsingar í
síma 692-0122.
Grænn páfagaukur
fannst
GRÆNUM páfagauk var
bjargað undan sex köttum
á Grundarstíg mánudaginn
12. júní sl. Hann er mjög
spakur. Upplýsingar í síma
895-9434.
Mjása er týnd
KISAN okkar hún Mjása
týndist 8. júnl sl. frá Laug-
arnesveginum. Mjása er
gul, svört og hvit. Ef ein-
hver kannast við að hafa
séð hana lífs eða liðna,
vinsamlegast hringið í síma
581-1227.
Morgunblaðið/Ómar
Vinkonumar í leikskólanum Sæborg; Hekla, Halla Marta og Freyja blása sápukúlur.
Víkverji skrifar...
VÍKVERJI frétti af konu sem er
nýkomin heim frá Danmörku
þar sem hún sat ráðstefnu. Konan
sagði að í ferðinni hefði hún áttað
sig á hve mikill munur væri á af-
stöðu íslendinga og Dana til reyk-
inga. Danir reyktu ekki aðeins mikið
heldur við öll tækifæri. Ráðstefnan
var haldin í skólahúsnæði og þótti
Dönunum ekkert sjálfsagðara en að
reykja í kennslustofunum og var lít-
ið gert með kvartanir þeirra sem
ekki reyktu. Skólastjórinn danski
yppti aðeins öxlum þó íslendingar
og Svíar kvörtuðu undan reyknum
og vondri lykt sem honum fylgdi.
Það var litið á það sem sjálfsögð
réttindi reykingamannsins að
reykja hvar sem hann vildi.
Þessi afstaða Dana til reykinga
kemur annars vel fram í þeim ágætu
dönsku sjónvarpsþáttum Taxa, en
um 90% af persónum í þáttunum
reykja. Sérstaklega er áberandi að
konur í þáttunum eru duglegar við
að reykja. Víkverji nefnir þetta
vegna þess að sem betur fer hefur
sú þróun orðið á seinni árum að
reykingar hafa minnkað mikið í
bandarískum bíómyndum, en óum-
deilt er að kvikmyndir hafa áhrif á
afstöðu fólks til reykinga.
XXX
FYRIR nokkrum dögum var
heimarafstöð á bænum Þor-
valdseyri undir Eyjafjöllum tengd
raforkukerfinu í tilraunaskyni.
Bændur hafa á seinni árum fengið
aukinn áhuga á að nýta sér þann
möguleika að smíða litlar rafstöðvar
til að framleiða rafmagn og selja
raforkufyrirtækjum það rafmagn
sem er umfram heimanotkun. Vík-
verji sá fyrir nokkra heimildarmynd
á sjónvarstöðinni Discovery um
vindrafstöðvar í Hollandi, en stór
hluti þeirra er reistur af bændum. I
þættinum kom fram að kostnaður
við að reisa eina vindrafstöð er um
60 milljónir íslenskra króna og fá
hollensku bændurnir um 30 milljóna
króna ríkisstyrk til að byggja raf-
stöðvarnar. Þetta er því ótvírætt
hagkvæmur kostur sem gefur
bændunum auk þess stöðugar
tekjrn- til viðbótar tekjum af hefð-
bundnum búskap. Hitt er svo annað
mál að mikil og vaxandi andstaða er
í Hollandi við vindrafstöðvar vegna
þess að sjónmengun þykir vera af
þeim og eins fylgir þeim stöðugur
hávaði.
XXX
LÍKLEGA eru unglingar einn
stærsti og dyggasti hópurinn
sem notfærir sér þjónustu strætis-
vagna. Víkverja finnst hins vegar
stundum skorta á að þeim sé sýnd
nægileg virðing. Fyrir skömmu
frétti Víkveiji af atviki sem átti sér
stað í strætó. Unglingur kom inn í
vagninn og greiddi fargjaldið með
því að hella úr fullum lófa af smá-
peningum í boxið sem tekur við pen-
ingum og farmiðum. Víkveiji hefur
sjálfur oft gert þetta enda hefur
hann litið svo á að bílstjórar hafi
ekki tíma eða kæri sig ekki um að
telja sjálfir fargjaldið til að fullvissa
sig um að ekki sé vangreitt. Þessi
bílstjóri brást hins vegar mjög hart
við og skammaði unglinginn með
miklum látum. Einum farþega of-
bauð framkoma vagnstjórans og
benti honum á að hann sjálfur hefði
margoft greitt fargjaldið með sama
hætti án þess að hafa mátt þola
svona meðferð af hálfu vagnstjóra.
Þetta er auðvitað fullkomlega rétt
ábending hjá farþeganum. Allir far-
þegar eiga rétt á að komið sé fram
við þá á jafnréttisgrundvelli burtséð
frá aldri. Ef SVR hefur markað þá
stefnu að vagnstjórar eigi að telja
alla peninga sem greiddir eru fyrir
fargjaldið er nauðsynlegt að það sé
tekið fram í öllum vögnum svo far-
þegum komi ekki á óvart kröfur sem
til þeirra eru gerðar.
XXX
AÐ er án efa erfitt að gefa út
svo viðamikið verk sem síma-
skrána án þess að villur slæðist
með. í landsbyggðarhluta síma-
skrárinnar er gerð tilraun til að auð-
velda fólki að finna nöfn bæjarfé-
laga. í efnisyfírliti era bæjarfélög á
Norðurlandi vestra merkt með
grænum lit, en bæjarfélög á Norð-
urlandi eystra með fjólubláum lit. Á
bókarkili hefur þessi skipting hins
vegar snúist við. Norðurland vestra
er fjólublátt og Norðurland eystra
er grænt.