Morgunblaðið - 12.09.2000, Side 22

22 ÞRIÐJUDAGUR 12. SEPTEMBER 2000
MORGUNBLAÐIÐ
NEYTENDUR
Danskir kennarar í kjötiðnaði veita
starfsfólki Nýkaups ráðgjöf
Konungsskurður á
kjöti meðal nýjunga
Morgunblaðið/Jón Svavarsson
Jan Emtkjær Jensen og Ole Thomsen eru hér staddir til að sýna nýjar
aðferðir við lgötvinnslu.
HÉR á landi eru nú staddir tveir
danskir kennarar í kjötiðnaði við
Holstebro Tekniske skole á Jót-
landi, þeir Ole Thomsen og Jan
Emtkjær Jensen, til að veita starfs-
fólki í kjötborðum Nýkaups ráðleg-
gingar meðal annars varðandi nýj-
ungar á markaðnum og hvemig
best er að verka kjöt.
„Þetta er í fyrsta sinn sem við fá-
um kennara í kjötiðnaði erlendis
frá til að koma og miðla þekkingu
sinni til starfsmanna,“ segir Linda
Wessman, innkaupamaður Ný-
kaups. „Þeir eru nýkomnir og
munu vera í Nýkaupi Kringlunni í
mánuð. A þessum tíma munu þeir
meðal annars aðstoða okkur við að
milupa
raða í kjötborðin og segja okkur frá
nýjungum en Danir eru framarlega
í kjötskurði."
Linda segir samstarfíð fyrst og
fremst vera til komið til að geta
boðið viðskiptavinum nýjungar í
kjöti enda séu Islendingar
nýjungagjamir og því gaman að
geta boðið upp á eitthvað nýtt.
Fituminna kjöt
„Við erum hér til að hjálpa
starfsfólki Nýkaups að auka gæði
kjötsins og til að sýna þeim dæmi
um nýjar aðferðir við kjötvinnslu
eins og meðal annars með því að
bjóða upp á fituminna kjöt,“ segir
Jan Emtkjær Jensen og bætir við
að með því að bjóða upp á fituminna
kjöt þurfi neytendur ekki að taka
fram eldhúshnífinn til að verka það.
Ein af nýjungunum kallast
„royal-cut“ eða konungsskurður en
um er að ræða kjöt með mjög lítilli
fitu og engum beinum. „Með þessu
móti þarf viðskiptavinurinn einung-
is að elda kjötið og þá verður öll
matreiðsla líka nákvæmari."
Jan og Ole segja Islendinga ekki
duglega að nýta hamborgarapressu
nema þegar verið er að búa til ham-
borgara en þessu vilja þeir breyta
enda hægt að þeirra sögn að bjóða
upp á margar spennandi uppskrift-
ir þar sem alls konar grænmeti og
osti er blandað saman við kjötið.
Tilbreyting í matargerð
Uppröðun í kjötborði skiptir
miklu máli og samkvæmt Jan og
Ole er gott að hafa kjötbitana í
breytilegum stærðum með margs-
konar lögun, þ.e.a.s. bæði langa
kjötbita, litla hringlaga kjötbita og
svo framvegis en þetta gefi jafn-
framt tilbreytingu í matargerð.
Þrátt fyrir að Jan og Ole séu hér
til að miðla þekkingu sinni eru þeir
jafnframt hér til að þiggja hana,
sérstaklega þegar kemur að fiski.
„I Danmörku er verið að reyna að
auka neyslu fólks á fiski en Danir
borða fisk að meðaltali einu sinni í
mánuði á meðan Islendingar borða
fisk að meðaltali einu sinni í viku.“
Að sögn þeirra starfsfélaga eru
þeir sérstaklega ánægðir með
hönnun Nýkaupsverslananna þar
sem megi segja að þetta séu í raun
margar litlar verslanir inni í einni
stórri en slíkt tíðkast ekki enn í
Danmörku.
Danskir bíleig-
endur fylla tanka
með repjuolíu
LÍTRINN af diselolíu hefur ver-
ið að hækka í Danmörku og
kostar um 75 krónur um þessar
mundir. Danskir bíleigendur
hafa í auknum mæli brugðið á
það ráð að láta breyta bílum
sínum litilsháttar og fylla tank-
ana með repjuolíu (rapsolíu eða
canolaolíu) í staðinn fyrir dísel-
olíu. I danska dagblaðinu Berl-
ingske Tidende kemur fram að
lítrinn af repjuolíu, sem fram til
þessa hefur verið notuð í iðnaði
og við matargerð, kostar í Dan-
mörku um sjötiu krónur og er
þá komið með hana heim að
dyrum hjá kaupendum þ.s. enn
er ekki hægt að kaupa hana á
bensínstöðvum. I Þýskalandi má
fá lítrann af repjuoliu á um 30
krónur.
Auk þess sem repjuolía er
ódýrari en diselolia er hún einn-
ig umhverfisvænni kostur.
Hér á landi kostar lítrinn af
repjuolíu 109 krónur í Bónus en
lítrinn af díselolíu er seldur á 44
krónur.
Kleinulykt úr púströrinu
Runólfur Ólafsson, fram-
kvæmdastjóri Félags íslenskra
bifreiðaeiganda, segir að þar
sem eigendur díselbíla hér á
landi kaupi diseloliu á 44 krón-
ur Iítrann með virðisaukaskatti
sé hæpið að kaup á repjuolíu og
Iagfæringar á bilnum til að
hægt sé að nota hana borgi sig
fjárhagslega. Þungaskatturinn
sem samþykktur er af Alþingi
er innheimtur tvisvar á ári og
hann er óháður þróun heims-
markaðsverðs. I Danmörku er
skatturinn lagður á útsöluverð
olíunnar svipað og á bensínið
hér á Iandi. Þungaskatturinn
myndi leggjast á díselbíla hér á
landi þótt notuð væri repjuolía í
stað díselolíu.
Fyrir um 20 árum var gerð
tilraun hjá Lýsi hf. með að nota
úrgangslýsi sem eldsneyti á
nokkra bíla fyrirtæksins. Að
sögn Snorra Más Egilssonar
verksmiðjustjóra var lýsið sett
til að byrja með á gamlan vöru-
bfl. „Hann gekk ágætlega en var
heldur kraftlítill og síðan lagði
megna kleinulykt aftan úr púst-
inu á honum. Við reyndum Iíka
að nota þetta á nýjasta bflinn
okkar á þessum tíma en þetta
var frekar lélegt lýsi og bflarnir
þóttu kraftlitlir á því.“ Snorri
Már segir að ekki standi til að
gera tilraunir með lýsi sem elds-
neyti á ný, enda ekkert
úrgangslýsi til lengur og lýsið
sem nú er í framleiðslu það dýrt
að það myndi ekki borga sig
fjárhagsiega. Hann segist á hinn
bóginn hafa fregnað að físki-
mjölsbræðslur hérlendis hafí
verið að prófa að nota afgangs-
loðnulýsi sem eldsneyti á gufuk-
atla.
Verð-
hækkun
hjá Innnesi
NÝLEGA hækkaði verð á
nokkrum vörutegundum frá
heildsölunni Innnes ehf.
„Það sem hækkar í verði er
meðal annars örbylgjupopp,
tómatvörur og matarolíur,
allt bandarískar vörur,“ seg-
ir Olafur Björnsson, fram-
kvæmdastjóri Innness.
„Vörurnar hækka að meðal-
tali um 6% en hækkunin er
til komin vegna hækkunar
dollarsins, sem hækkað hef-
ur um 11% á skömmum
tíma.“
Nestisbox fyrir börn í
fyrsta bekk
ÁRLEGA hefur Osta- og smjörsal-
an sent foreldrum allra bama sem
eru að hefja nám í fyrsta bekk í
grunnskóla nestisbox frá fyrirtæk-
inu. I fréttatilkynningu segir að
með þessu vilji fyrirtækið minna
foreldra á mikilvægi þess að senda
börn sín með hollt og gott nesti í
skólann. Þessa dagana eru nestis-
boxin að berast með pósti en þeim
foreldrum sem eiga börn í fyrsta
bekk og af einhverjum ástæðum
hafa ekki fengið nestisboxið sent er
velkomið að hafa samband við
Osta- og smjörsöluna í Reykjavík
og fá það sent heim til sín.
grunnskóla