Morgunblaðið - 17.10.2000, Blaðsíða 36

Morgunblaðið - 17.10.2000, Blaðsíða 36
36 ÞRIÐJUDAGUR17. OKTÓBER 2000 MORGUNBLAÐIÐ LISTIR Umfjöllun um leik Sinfóníu- hljómsveitar Islands Kaldir tónar að mati Wash ington Post BANDARISKAdagblaðið Washing- ton Post birti í lok síðustu viku um- fjöllun um leik Sinfóníuhljómsveitar Islands í Kennedy Center í Wash- ington, en að mati gagnrýnanda blaðsins, sem m.a. minntist á tak- markaðan fjölda áheyrenda í saln- um, skorti hljómsveitina nokkuð á að ná að hrífa áheyrendur með sér. I umfjöllun blaðsins var Sinfón- íuhyómsveitin sögð öguð og áhuga- söm en mistæk. „Undir stjórn Rico Saecani . . . einkenndist leikur tón- listarmannanna af áþreifanlegum átökum og virtust þeir staðráðnir í að hafa mikil áhrif á áheyrendur. Leikur þeirra var í heildina oft svo ákafur að áheyrendur kunna að hafa óskað eftir tónlistarköflum er leiknir vasru mjög veikt qg af minni hraða og að fleiri kyrrðarstundir væri að finna í leik hljómsveitarinnar. Vissir kaflar verkanna voru kraftmiklir og þar var ítónun tréblásturshljóðfæra- leikara, í bland við horna- og strengjaleikara, upplífgandi, en er á heiidina er litið var hljómur sveitar- innar hins vegar oft og tíðum þurr og skorti jafnvægi." Gagnrýnandi Washington Post fjallar því næst um einleik hálfís- lenska fiðluleikarans Judith Ingólfs- son og segir flutning hennar og hljómsveitarinnar á „Konsert fyrir fiðlu og hljómsveit" eftir Aram Khatsatúrían hafa verið þreytandi, en þó á stundum áhrifamikinn. „Ingólfsson var fullfær um að valda þessari þrúgandi og stífu tón- Hst ... en tónlist Khatsatúríans skortir alla andgift. . . Pað er ekki erfitt að ná fram spennu í tónlist hans og Ingólfsson náði við og við þeim áhrifum; það er hins vegar svo gott sem ómögulegt að láta þessa tónlist snerta við áheyrendum. Hér var flutningurinn álíka kuldalegur og marmari, og hefði Largó úr Són- Morgunblaðið/Einar Falur Illnti Sinfóníuhljómsveitar leikur í Sinfóníu númer 1 í e-moll eftir Sibelius á sviði Kennedy Center í Washington. ötu í C-dúr eftir Johann Sebastian Bach ekki verið flutt á heillegan og hlutlægan máta hefðu hæfileikar Ingólfsson og fegurð hljóðfæris hennar vel getað farið fram hjá áheyrendum." Icerapp 2000 „línulegur straumur hugmynda" Verk íslenska tónskáldsins Atla Heimis Sveinssonar var einnig tekið til umfjöllunar og Atli Heimir sagður hafa menntað sig víða um heim í tónlistarfræðum. „Icerapp 2000 gerir sér ekki upp neinn alvarleika eða dýpt, heldur er um línulegan straum hugmynda að ræða og ná sumar þeirra í gegn leikninni er þeim er öllum ætluð. Tónskáldið nefnir John Cage í verkaskránni, en þessi tónlist er þróaðri og samin á meðvitaðri hátt en verk Cage. Tilvísunin kann að vísa til þess anda sem verk tón- skáldsins voru samin í, en slfkt ber ekki vott um tilhlýðilega virðingu þar sem verk þetta er áhyggjulaust og... uppfullt af einkahúmor." í heildina telur gagnrýnandi Washington Post leik Sinfóníuhljóm- sveitarinnar of kraftmikinn. I Sin- fóníu númer eitt eftir Jean Sibelius hafi kraftmiklir kaflar verksins verið hækkaðir um eitt til tvö skor, hrað- inn verið meiri en gengur og gerist og lokakaflann skort þá spennu sem venjulega einkenni verk Sibeliusar. I lokaorðum blaðsins segir að hljómsveitin hafi þegar eytt orkunni sem einkenna átti lokakafla Sibelius- ar í tilraunir sínar til að valda hug- hrifum meðal áheyrenda. Mennskan er lykillinn TÖIVLIST að hamingjunni íslenska óperan STÚLKAN í VITANUM Ópera eftir Þorkel Sigurbjörnsson og Böðvar Guðmundsson. Flytgenclur: Guðríður Þóra Gísla- ddttir, Ivar Heigason og Bergþór Pálsson. Kór og hljómsveit Tónmenntaskóla Reykjavíkur. Hljómsveitarstjóri Þorkeil Sigurbjörnsson. Sunnudagurinn 15. október, 2000. ÞAÐ má í raun heita nokkuð ein- kennilegt, að ekki hafi verið samið meira af óperum fyrir börn. Þorkell Sigurbjörnsson samdi á símum tíma óperurnar „Apaspil" og „Rabba raf- magnsheila" og báðar, að munað verði, með tilstuðlan Barnamúsík- skólans og vöktu þessar óperur mikla athygli og hafa t.d. sum lögin úr Apaspili notið vinsælda og verið sungin af barnakórum. Nú er það sagan hans Jónasar Hallgrímssonar, um Stúlkuna í turninum, sem þeir fé- lagar Þorkell Sigurbjörnsson og Böðvar Guðmundsson nota sem uppistöðu í óperunni og nefna „Stúlkuna í vitanum". Sagan er færð til nútímans og í stað stúlkunnar sem flýr undan vfkingum upp í gamlan og yfirgefinn draugaturn er stúlkan búsett í vitahúsi, sem foreldrar hennar hafa keypt af hégómaskap en hafa svo ekki tíma til að vera heima við, svo að stúlkan er ein, umlukt brimhljóði og stormgný og er slegin ótta. Hún fer upp á loft vitans og lendir þar í klóm óhræsis, sem í sögu Jónasar er ugla. Að öðru leyti er fylgt sögu Jónasar og endalokin eru þau sömu, nema hvað turninn hryn- ur og hverfur við dauða uglunnar. Nútíminn í óperunni birtist í notk- un á sjónvarpi og GSM-símum. Stúlkan er ein heima, því foreldrarn- ir koma ekki heim vegna mikillar vinnu og ævintýrið er sama baráttan milli hins illa og spillta og mennsk- unnar í sinni bestu mynd. Stúlkan var á frumsýningunni sungin og leik- „Þorkell Sigurbjörnsson hefur skapað sannfærandi verk." Morgunblaðið/Golli in af Guðríði Þóru Gísladóttur og fóst henni það vel og söng hún af ör- yggi. Pilturinn var leikinn og sung- inn af ívari Helgasyni og var hann sérlega sannfærandi sem undirlægja óhræsisins en saman áttu Guðríður og ívar vel flutt samsöngsatriði í 2. atriði annars þáttar, þar sem piltur- inn segir sögu sína og þau leggja á ráðin um að fyrirkoma óhræsinu. Bergþór er frábært óhræsi, þó nær því að vera spilltur nætursvall- ari en óvættur og var bæði leikur hans og sóngur á köflum gamansam- ur og á þann hátt ekki eins ógnvæn- legur og ómannlegur og uglan í sögu Jónasar. Það er munur á að taka uglu af lífi eða mann, þótt vondur sé, og því er aftaka óhræsisins ef til vill einum of hasarfengin. Skuggabaldrar og Skrugguvaldar eru fluttir af söng- og leikhóp frá Tónmenntaskólanum í Reykjavík, sem heldur upp á hálfrar aldar af- mæli sitt með þessari sýningu, með tilstyrk frá Fræðslumiðstöð, Reykjavík _ menningarborg árið 2000 og íslensku óperunni. Krakk- arnir skiluðu sínu sérlega vel, bæði í söng og leik. Leikstjórinn Hh'n Agn- arsdóttir hefur skapað heilsteypta sýningu, þótt sum hópatriðin séu ekki nægilega sannfærandi. Leik- myndin er sérlega vel gerð og sama má segja um búningana (Hulda Kristín Magnúsdóttir). Samskipan leikmyndar (Stígur Steinþórsson) og lýsingar (Jóhann Bjarni Pálmason) var mjög sannfærandi, einkum í upp- hafi óperunnar. Tónlist Þorkels er með þeim hætti að hún fellur sérlega vel að efni verksins, þar sem skiptast á effekt- ar, eins og t.d. brimhMóðið og storm- urinn í upphafi, lagræn tilþrif, og dramatísk hljómtaka, svo sem eins og þegar átökin og spennan magnast undir lokin. Víða má heyra þekkt stefbrot gamalla sönglaga, sem ofin eru saman i-skemmtilegan máta. Besta atriði óperunnar er annað at- riði annars þáttar. Hljómsveit Tón- menntaskólans lék í heild mjög vel undir stjórn höfundar og var t.d. nokkuð langt hljómsveitaratriði, þar sem kórinn dansaði, mjög vel flutt af hjjómsveitinni. Ópera er margslung- ið fyrirbæri, þar sem ofið er saman í eina heild mynd, leik, söng og hljóð- færaleik, sem allt þarf að lúta þeirri gerð, sem textahöfundur og tónskáld bindur verkið í, sem fær svo endan^ legt form í útfærslu tónlistarinnar. í þessu samstarfi hefur Þorkell Sigur- björnsson skapað sannfærandi verk og þótt textinn sé á köflum léttvægur býr hann yfir siðfræðilegum ábend- ingum varðandí foreldravandamálíð, tilgangsleysi fjölmiðlaglápsins, gleðisnautt skemmtanahald og það sem mikilvægast er, að maður er manns gaman og að mennskan er lykillinn að hamingjunni. Jón Ásgeirsson 101 Reykja- vík seld til Faber & Faber RÉTTINDASTOFA Eddu hf. hefur gengið frá sölu á skáldsögu Hall- gríms Helgasonar, 101 Reykjavík, til breska útgáfufyrirtækisins Fab- er and Faber. Faber and Faber var stofnað ár- ið 1925 og er eitt virtasta bók- menntaforlag hins enskumælandi heims. Það hefur um langa hríð sett sterkan svip á breskar bók- menntir en meðal útgáfustjóra þess fyrr á tíð er skáldið T.S. Elli- ot. Skáldsagan 101 Reykjavfk hefur nú verið seld til sjö landa. Fyrir tveimur vikiim var gengið frá samningum við franskt forlag um útgáfu á bókinni, hún er komin út í Svíþjóð, var gefin út í Finnlandi í síðustu viku og var Hallgri'mi boðið þangað af því tilefni. Þá hefur rétt- urinn verið seldur til Þýskalands og Rúmeníu, auk þess sem hún er væntanleg í Danmörku. Þá hefur kvikmynd verið gerð eftir sögunni, svo sem kunnugt er. Útgáfustjóri Faber and Faber, Walter Donahue, var gestur á Bók- menntahátíðinni í Reykjavfk á dög- unum og er samningurinn gerður í framhaldi af heimsókn hans. Áður hefur Faber and Faber tryggt sér útgáfuréttinn á Slóð fiðrildanna eftir Ólaf Jóhann Ólafsson. Meðal annarra höfunda er koma út undir merkjum Faber and Faber eru Kazuo Ishiguro, Milan Kundera og Paul Auster, auk írska Nóbels- skáldsins Seamus Heany. Réttindastofa Eddu fer með samninga- og kynningarmál fyrir hönd þeirra höfunda sem koma út á vegum Máls og menningar, Vöku-Helgafells og Forlagsins. Edda verður með stærsta bás sem íslenskt útgáfufyrirtæki hefur ver- ið með á bdkasýningunni í Frank- furt, sem hefst á miðvikudaginn, og hafa nú þegar verið bókaðir fundir með yfir áttatíu for- leggjurum frá ýmsum heimshorn- um þar sem þeim verða kynnt verk eftir hátt í sjötfu íslenska höfunda, segir í frétt frá Eddu. h
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68
Blaðsíða 69
Blaðsíða 70
Blaðsíða 71
Blaðsíða 72
Blaðsíða 73
Blaðsíða 74
Blaðsíða 75
Blaðsíða 76

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.