Morgunblaðið - 09.11.2000, Blaðsíða 42

42 FIMMTUDAGUR 9. NÓVEMBER 2000
MORGUNBLAÐIÐ
MORGUNBLAÐIÐ
FIMMTUDAGUR 9. NÓVEMBER 2000 43
PtotgttitMitMfe
STOFNAÐ 1913
Útgefandi: Arvakur hf., Reykjavík.
Framkvœmdastjóri: Hallgrímur B. Geirsson.
Ritstjórar: Matthías Johannessen,
Styrmir Gunnarsson.
FORSETAKOSNINGARN AR
í BANDARÍKJUNUM
s
lýðræðislegum kosningum getur
það komið fyrir, að mjótt verði á
munum, eins og gerzt hefur í for-
setakosningunum í Bandaríkjunum
nú. Þess vegna er það í sjálfu sér ekk-
ert tiltökumál, þótt endurtalning þurfi
að fara fram eins og í Flórída nú. En
vissulega er það óvenjulegt að svo
mikil óvissa ríki næstu sólarhringa
eftir kjördag um það, hver hafí verið
rétt kjörinn forseti voldugasta ríkis
heims. Það skapar hins vegar enga
óvissu í æðstu stjórn Bandaríkjanna
vegna þess, að nýkjörinn forseti tekur
ekki við embætti fyrr en í janúar.
Clinton er enn við völd og hefur
stjórnskipulegt umboð til þess að taka
allar nauðsynlegar ákvarðanir. Það er
því engin hætta á stjórnleysi í Banda-
ríkjunum eða að tómarúm skapist sem
óábyrg öfl víða um heim geti nýtt sér.
Lítill munur á fylgi Bush og Gore
kemur ekki á óvart. Það hefur lengi
verið ljóst, að tvær fylkingar, sem eru
mjög jafnar að styrkleika takast á í
bandarískum stjórnmálum. Það er
ekki endilega hægt að líta svo á, að
þær víglínur markist af skiptingu
manna á milli repúblikana og demó-
krata. Bandarísk stjórnmál eru flókn-
ari en svo. Sú fylking, sem Clinton-
hjónin hafa farið fyrir og Gore hefur
verið í forystu fyrir í kosningabaráttu
undanfarna mánuði berst fyrir umbót-
um, sem snúast ekki sízt um þá sem
lakar eru settir. Fylkingin, sem Bush
hefur verið valinn til forystu fyrir
sækir styrk sinn til þeirra sem betur
eru settir en jafnframt til þeirra, sem
vilja láta markaðsöflin njóta sín til
hins ýtrasta. Átökin á milli þessara
tveggja fylkinga eru djúpstæðari en
virðist við fyrstu sýn en yfírborðs-
mennskan og stjörnudýrkunin í band-
arískum stjórnmálum á þátt í að
breiða yfir hversu djúpstæð þessi átök
eru í raun.
Fylkingarnar eru svo jafnar, að það
er ekki hægt að segja, að önnur hafí
farið með sigur af hólmi, þótt fulltrúi
hennar komist í Hvíta húsið. Sá sem
þar mun sitja næstu fjögur ár verður
að taka tillit til styrkleika hinnar.
Jafnvel þótt repúblikanar næðu bæði
Hvíta húsinu og báðum deildum
Bandaríkjaþings segir það ekki alla
söguna vegna þess, að skörun á milli
flokkanna er mjög mikil, eins og hvað
eftir annað hefur komið í ljós.
Niðurstöðutölur kosninganna eins
og þær liggja fyrir nú vekja upp
spurningar um bandaríska kerfíð. Er
það viðunandi, að sá frambjóðandi sém
fær flest atkvæði yfír gjörvöll Banda-
ríkin nái ekki kjöri vegna kjörmanna-
fyrirkomulagsins? Mörgum mun
þykja það sérkennilegt lýðræði en því
verður ekki neitað að kerfíð hefur dug-
að Bandaríkjamönnum býsna vel.
í sjálfu sér má segja, að kosninga-
kerfið á Bretlandseyjum, sem byggist
á einmenningskjördæmum lýsi heldur
ekki fullkomnu lýðræði. Meiri hluta
aldarinnar hefur Frjálslyndi flokkur-
inn ekki haft þingsæti á brezka þing-
inu í neinu samræmi við atkvæðamagn
sitt í kosningum. Ef við lítum okkur
nær má spyrja, hvort við getum gagn-
rýnt Bandaríkjamenn eða Breta fyrir
þeirra kosningafyrirkomulag á sama
tíma og við höfum aftur og aftur kosið
forseta, sem hafa ekki haft nema u.þ.b.
þriðjung þjóðarinnar að baki sér. Er
hægt að leggja það á þjóðkjörinn þjóð-
höfðingja að taka við slíku embætti án
þess að hafa meirihluta þjóðarinnar að
baki sér?
í forsetakosningunum í Bandaríkj-
unum árið 1960, þar sem þeir tókust á
John F. Kennedy og Richard M. Nix-
on, sem átti eftir að verða einn af
merkari forsetum Bandaríkjanna á
síðari hluta aldarinnar, munaði mjög
litlu í heildaratkvæðamagni á forseta-
efnunum tveimur og ásakanir komu
upp um kosningasvindl demókrata í
Illinois. Það var til marks um stærð
Nixons sem stjórnmálaleiðtoga, að
hann neitaði að krefjast rannsóknar á
kosningunni í fylkinu á þeirri for-
sendu, að Bandaríkin gætu ekki geng-
ið í gegnum slíkar stjórnskipulegar
deilur um kjör forseta.
Aðstæður eru aðrar nú. Kalt stríð
heldur ekki lengur vöku fyrir mönnum
og í Flórída er ekki um að ræða ásak-
anir um kosningasvindl heldur er ein-
faldlega svo mjótt á munum að nauð-
synlegt er að tryggja nákvæmni í
atkvæðatalningu.
Bandarískir fjölmiðlar og þá sér-
staklega sjónvarpsstöðvarnar hafa
orðið fyrir áfalli við mat á úrslitum
kosninganna. Sú venja hefur skapazt í
Bandaríkjunum, að sjónvarpsstöðv-
arnar hafa nánast tekið að sér hlut-
verk þeirra, sem sjá um talningu at-
kvæða og lýsa mjög snemma yfir
úrslitum í einstökum ríkjum og síðan
kosningunum í heild á grundvelli ein-
hvers konar mats á niðurstöðum út-
gönguspáa og fyrstu talna. Þessi að-
ferð hefur lengi gengið upp en ekki nú.
Yfirlýsing sjónvarpsstöðvanna um að
Bush hefði náð kjöri stóðst ekki þegar
á reyndi og Gore, sem hafði haft sam-
band við keppinaut sinn til þess að
óska honum til hamingju lenti í þeirri
vandræðalegu stöðu að þurfa að aftur-
kalla hamingjuóskir sínar.
I ljósi þess sem gerðist var sú yfír-
lýsing hins kunna sjónvarpsmanns,
Dan Rather, á kosninganóttina að
sjónvarpsstöð hans væri kannski ekki
fyrst með fréttir um úrslit en að mati
hennar mætti treysta heldur hjákátleg.
Þetta dæmi sýnir, að fjölmiðlar geta
ekki tekið að sér hlutverk talninga-
manna í lýðræðislegum kosningum.
Bandarísku dagblöðin duttu svo í þá
gryfju að trúa mati sjónvarps-
stöðvanna í stað þess að leggja sjálf-
stætt mat á stöðu mála og höfðu þess
vegna lítinn sóma af fyrstu útgáfum
sínum með fréttum um niðurstöður
kosninganna. Það er erfítt fyrir
stjórnendur dagblaða að meta hversu
langt skuli ganga í fréttum af atburð-
um sem þessum og gildir þá einu,
hvort um er að ræða dagblöð í Banda-
ríkjunum eða annars staðar. En hér er
a.m.k. skýrt dæmi um að dagblöð eiga
ekki að éta upp gagnrýnislaust það
sem frá sjónvarpsstöðvunum kemur.
Hins vegar er eftirtektarvert að sjá,
hvað bandarísku sjónvarpsstöðvarnar
leggja mikla áherzlu á reynslu þeirra,
sem fjalla um kosningarnar á
sjónvarpsskjánum. Var nokkur þeirra
undir sextugsaldri?! Og sumir kannski
hátt á áttræðisaldri! Oneitanlega at-
hyglisverður aldursmunur á þeim sem
fjalla um kosningarnar í bandarískum
sjónvarpsstöðvum og þeim íslenzku.
Rætt um skatta, hvalveiðar og fínnskukennslu í fyrirspurnatíma
Stjórnandi Bellona tekur við náttúru- og umhverfísverðlaunum
Norðurlönd styðja hvalveið-
ar en Svíar með fyrirvara
Fjölmargir þingfull-
trúar báru ýmsar
spurningar upp við sam-
starfsráðherra Norður-
landanna á síðasta degi
Norðurlandaráðsþings í
gær. Fjórir af fímm
samstarfsráðherrum
sátu fyrir svörum.
SKATTAMÁL, verðlag á Eyrar-
sundsbrúnni, hvalveiðar, sjón-
varpsmál, fmnskukennsla í sænsk-
um háskólum, orkumál og
vegabréfamál voru meðal umræðu-
efna í fyrirspurnatíma á Norður-
landaráðsþinginu í gærmorgun.
Samstarfsráðherramir svöruðu
spurningum þingfulltrúa, Marianne
Jelved frá Danmörku, frá Svíþjóð
Leif Pagrotsky, finnski samstarfs-
ráðherrann Jan-Erik Enestam og
Siv Friðleifsdóttir umhverfisráð-
herra.
Norski þingmaðurinn Lodve Sol-
holm spurði alla samstarfsráðherr-
ana hvort þeir myndu styðja áform
Norðmanna um útflutning á hvala-
afurðum. Vísaði hann til óskar ís-
lenska samstarfsráðherrans, sem
fram kom á þinginu á þriðjudag,
um að Norðurlöndin styddu íyrir-
ætlan Islands um hvalveiðar með
sjálfbærum hætti.
Siv Friðleifsdóttir kvaðst styðja
Norðmenn. Hún sagði hvalastofn-
inn nú éta milli 10 og 20% þorsk-
stofnsins og sagði íslendinga hafa
áform um veiðar eftir að búið væri
að koma á framfæri upplýsingum á
alþjóðavettvangi um þýðingu sjálf-
bærra hvalveiða. Jan-Erik Enest-
am taldi veiðar mögulegar undir
formerkjum sjálfbærrar þróunar
Morgunblaðið/Ásdís
Samstarfsráðherrarnir svöruðu spumingum þingfulltrúa. Frá vinstri, danski ráðherrann, Marianne Jelved,
þá sá sænski, Leif Pagrotsky, Jan-Erik Enestam, frá Finnlandi, og loks Siv Friðleifsdúttir.
en sænski samstarfsráðherrann
hafði uppi vissar efasemdir.
Norðurlönd ættu
að vera einhuga
í samtali við Morgunblaðið sagði
Siv Friðleifsdóttir að öll Norður-
löndin styddu sjálfbæra nýtingu
auðlinda hafsins nema Svíar sem
gerðu fyrirvara um nýtingu sela- og
hvalastofna. Kvaðst hún vonsvikin
með afstöðu þeirra og sagði að
Norðurlöndin ættu að geta verið
einhuga í málum sem þessum. Hún
sagði að fram hefði komið á fundi
samstarfsráðherranna í gær að
sænski ráðherrann myndi taka
málið upp heima fyrir en hún
kvaðst ekki eiga von á að fyrirvari
Svíanna hvað þetta varðar breytt-
ist.
Frank Dahlgaard frá Danmörku
spurði um gjaldið á Eyrarsunds-
brúnni og sagði umferð einkabíla
vera helmingi minni en búist var við
en að lestarumferð hefði hins vegar
verið með meira móti. Sagði hann
danska samgönguráðherrann ekki
vilja lækka gjald fyrir einkabíla og
spurði hann hvort sænsk yfirvöld
myndu beita sér fyrii- slíkri lækkun.
Gjaldskrá í höndum sfjórnar
Leif Pagrotsky sagði Eyrar-
sundsbrúna rekna af sérstöku fyr-
irtæki og að stjórn þess bæri
ábyrgð á verðlagningu. Hann sagði
jákvætt að lestarumferð væri mikil
sem þýddi að margir ferðuðust með
lestum og gæti það þýtt jafnvel enn
lægri gjöld fyrir lestar. Kvaðst
hann sjálfur telja gjald fyrir bíla of
hátt og svo væri um fleiri ráðherra í
sænsku ríkisstjóminni. Málið væri
aftur á móti í höndum stjórnar
brúarfyrirtækisins. Danski sam-
starfsráðherrann kvaðst ekki vilja
blanda sér í þessa umræðu.
Spurt um var um lokun kjam-
orkuversins í Barsebáck í Svíþjóð
og sagði sænski ráðherrann að eftir
ætti að loka einum ofni sem yrði
gert í síðasta lagi árið 2003. Hann
sagði það ekki unnt fyrr þar sem
ekki væri nægileg raforka fyrir
hendi fyrr en þá í stað þeirrar orku
sem verið framleiðir.
Danski þingmaðurinn Svend Erik Hovmand næsti forseti Norðurlandráðs
Gera þarf nor-
ræna samvinnu
nútímalegri
DANSKI þingmaður Vinstri
flokksins, Svend Erik Hovmand,
var kjörinn nýr forseti Norður-
landaráðs á þingi þess í gærmorg-
un og tekur hann við um næstu
áramót. I ræðu sem hann hélt við
lok þingsins kvaðst hann vona að á
næsta þingi væri hægt að sam-
þykkja nauðsynlega endurnýjun á
N orðurlandaráði.
Hovmand þakkaði traustið og
kvaðst ætla að gera það sem í valdi
hans stæði til að vera forseti alls
ráðsins á næsta ári sem væri ár
mikilla og mikilvægra verkefna.
„Fyrsta verkefnið er að gera
norræna samvinnu nútímalegri því
þótt enginn hér efist um að nor-
ræn samvinna hvíli á samskiptum
þjóðanna sem hvergi er að finna
meðal annarra ríkja, þá vitum við
öll að endurnýjunar er þörf,“ sagði
Hovland í upphafi ræðu sinnar.
Hann lagði áherslu á að Norður-
landaráð væri með hvarvetna þar
sem ákvarðanir væru teknar sem
skiptu Norðurlöndin máli sem
heild. „Ef við gerum það ekki
munu aðrir taka slíkar ákvarðanir
fyrir okkur. Norðurlandaráð á að
vera sú stofnun sem tekur af skar-
ið í lýðræðislegri samvinnu land-
anna.“ Hann sagði að Norður-
landaráð ætti að vera driffjöðrin í
samvinnu við nágranna Norður-
landanna, svo sem Eystrasalts-
löndin, spurningar um Barents-
hafs- og norðurskautssvæðin og í
vestnorrænni samvinnu.
Landamærahindranir
enn við lýði
Hovmand sagði að skýrsla alda-
mótanefndarinnar um framtíð
Norðurlandaráðs væri góður inn-
blástur í þeirri vinnu að gera
Norðurlandaráð nútímalegra en
kvaðst hafa heyrt í umræðunum
um skýrsluna á þinginu að horfa
yrði til fleiri atriða en þar kæmu
fram. Þá sagði hann mikilvægt að
bæta tengslin við þjóðþing land-
anna.
Þá minnti hann á að þótt menn
horfðu æ meira til alþjóðasamfé-
lagsins mætti ekki gleyma grunni
norræns samstarfs. Kvaðst hann
harma að eftir margi-a ára sam-
starf væru enn ýmsar landamæra-
hindranir, svo sem á sviði mennt-
unar, eftirlaunamála, skattamála
og á vinnumarkaði. „Ef norræn
samvinna á að vera dæmi um
hvernig þróa má innri markað sem
mætir raunverulega þörfum þjóð-
anna verður að viðurkenna að það
hefur ekki ennþá heppnast. En
reynum nú að ná þessu takmarki."
Morgunblaðið/Þorkell
Svend Erik Hovmand verður næsti forseti Norðurlandaráðs.
„Hvatning til
að halda áfram
á sömu braut“
NORSKA umhverfisstofnunin
Bellona hlaut í gær náttúru- og
umhverfisverðlaun Norðurlanda-
ráðs en verðlaunin nema samtals
um 3,5 milljónum íslenskra króna.
Annar stofnandi Bellona, Freder-
ic Hauge, tók á móti verðlaunun-
um úr hendi Sigríðar Önnu Þórð-
ardóttur, fráfarandi formanns
Norðurlandaráðs. Sagði Hauge
við það tækifæri að verðlaunin
væru honum mikill heiður. „Við
lítum á þau sem viðurkenningu á
þeim störfum sem við höfum unn-
ið að og ennfremur sem hvatn-
ingu til þess að halda áfram á
sömu braut,“ sagði hann. Þetta er
sjötta árið í röð sem Norðurlanda-
ráð veitir náttúru- og umhverfis-
verndarverðlaun og er tilgangur
þeirra m.a. að vekja athygli á
stöðu umhverfismála á Norður-
löndunum og í nágrenni þeirra.
Áður en verðlaunaafhendingin
fór fram í Háskólabfói, þar sem
Norðurlandaráð hefur þingað sfð-
ustu daga, skýrði Páll Kr. Páls-
son, framkvæmdastjóri og for-
maður dómnefndar verðlaun-
anna, in.a. frá því að Bellona
hefði hlotið verðlaunin vegna for-
ystu í aðgerðum gegn geislavirkri
mengun. „Umhverfisstofnunin
Bellona fær verðlaunin fyrir starf
sitt að umhverfísmálum á Norð-
ur-íshafínu og við norðvestur-
hluta Rússlands. Hefur starfsemi
Bellona orðið kveikjan að stofnun
rússneskra umhverfisverndar-
samtaka sem hafa einbeitt sér að
stærstu umhverfisvandamálum
svæðisins og þar með lagt grunn-
inn að samstarfi Norðurlandanna
og nærliggjandi svæða um um-
hvcrfisvernd." Greindi Páll enn-
fremur frá því að Bellona hefði
beint sjónum sinum að hættunni á
geislavirkri mengun á Barents-
svæðinu en það hefði orðið til
þess að komið hefði verið á lagg-
irnar fjölda alþjóðlegra verkefna
sem miðuðust að því að vernda
náttúru svæðisins.
Sjálfstæð stofnun
I ávarpi sínu á verðlaunaaf-
hendingunni sagði Isólfur Gylfi
Pálmason, formaður íslands-
deildar Norðurlandaráðs, m.a. að
þótt löggjafinn setti lagaramma í
umhverfismálum og sæktist eftir
samvinnu í þeim málum við nær-
liggjandi svæði væri hlutur ein-
staklingsins einnig mikils virði
þegar náttúruvernd væri annars
vegar. Af þeim sökum væri því
Morgunblaðið/Ásdís
Frederic Hauge, forsvarsmaður Bellona, tekur við verðlaununum úr
hendi Sigríðar Önnu Þórðardóttur, fráfarandi forseta Norðurlandaráðs.
mikilvægt að Norðurlandabúar
heiðruðu þá sem ynnu sam-
viskusamlega að því að „gera
jörðina aðeins betri“, eins og
hann orðaði það.
Umhverfisstofnunin Bellona er
sjálfstæð stofnun sem var sett á
fót árið 1986 af þeim Frederic
Hauge og Ruhe Haaland. Skrif-
stofur á hennar vegum eru nú í
Ósló, Pétursborg, Brussel, Wash-
ington D.C. og Múrmansk. Um
helmingur rekstrarfjár stofnun-
arinnar kemur frá einkafyrir-
tækjum en einnig fær hún fé frá
aðilum i' Bellona-samtökunum.
Þá hefur hún fengið opinbera
styrki frá utanríkisráðuneyti
Norðmanna til einstakra verk-
efna.
Morgunblaðið/Þorkell
Síðasti fundur Norðurlandaráðs var si'ðdegis í gær og stýrði lionuin Sigríður Anna Þórðardótt-
ir, fráfarandi forseti. Með henni eru Einar Farestveit, ritari íslandsdeildar Norðurlandaráðs,
og Frida Nokken, framkvæmdastjóri Norðurlandaráðs.
Næsta þing
verður í Kaup-
mannahöfn
NÆSTI fundur Norðurlandaráðs er áætlaður í
Kaupmannahöfn að ári. Tilkynnti Sigríður Anna
Þórðardóttir, fráfarandi forseti, þetta þegar hún
sleit þinginu í Reykjavík síðegis í gær.
Sigríður Anna sagði þingið í Reykjavík hafa
verið frábrugðið síðustu þingum þar sem það var
degi styttra. Þrátt fyrir það hefði verið reynt að
taka öll mikilvæg mál á dagskrá og til umfjöllun-
ar. Hún sagði mikilvægt að meta árangur þess-
ara breytinga. Um leið og hún sleit þinginu þakk-
aði hún öllum starfsmönnum þess og túlkum.
Alls voru fluttar nærri 300 ræður og fyrir- -
spurnir á þinginu sem stóð frá því síðdegis á ’
mánudag og fram undir kl. 15 í gær.
Umhverfisráðherra um hvalveiðar
á þingi Norðurlandaráðs
Oskar stuðnings
N orðurlandanna
SIV Friðleifsdóttir umhverfisráð-
herra óskaði eftir stuðningi Norð-
urlandanna við þá ætlan að hefja
hvalveiðar hér við land. Hún
sagði Alþingi hafa ákveðið að
undirbúa veiðar á ný eftir að búið
væri að upplýsa á alþjóðavett-
vangi hvernig þær væru möguleg-
ar án þess að ganga of nærri
stofnum. Kom þetta fram í ræðu
hennar á þriðjudag.
„Ég hvet Norðurlöndin til að
styðja ísland í þessari baráttu við
að koma þessum upplýsingum á
framfæri við alþjóðasamfélagið,
að við getum hafið sjálfbærar
hvalveiðar. Það er ekki hægt að
styðja þorskveiðar en ekki hval-
veiðar og því bið ég Norðurlöndin
að standa með okkur í þessu
máli,“ sagði Siv í ræðu sinni.
Umhverfisráðherrann gerði
norðurskautssvæðin að umtals-
efni í ræðu sinni og sagði það
hafa verið gleymt svæði en það
hafi sem betur fer breyst og taldi
hún það æ mikilvægara svæði.
Hún sagði stórveldin, Bandaríkin
og Rússland, nú geta unnið sam-
an að velferð þessa svæðis sem
þau hefðu ekki getað áður fyrr
þegar Sovétríkin voru við lýði.
Norðurskautsráðið sé því vett-
vangur þessara og fleiri landa
fyrir samstarf, verkefni á sviði
sjálfbærrar þróunar, losun meng-
andi efna og rannsókna á veður-
fari.
Hún kvaðst ánægð með að for-
sætisráðherra Finnlands, Paavo
Lipponen, hefði getið um starf
Norðurskautsráðsins í ræðu sinni
á þinginu og kvaðst hún treysta
Finnum vel til verka í for-
mennskutíð sinni í Norðurskauts-
ráðinu næstu tvö árin.
Að lokum kvaðst umhverfisráð-
herra vilja leggja áherslu á þá til-
lögu aldamótanefndarinnar um
framtíð Norðurlandaráðs, að sam-
starf landanna við Norður-Atl-
antshaf verði styrkt á sviði um-
hverfismála og nýtingar auðlinda
hafsins á sjálfbæran hátt.
Yilja skrá skipulagða
glæpastarfsemi
MEÐAL mála sem samþykkt
voru á þingi Norðurlandaráðs í
gær var áætlun ráðherranefndar
um nýja samstarfsáætlun fyrir
félags- og heilbrigðisgeirann ár-
in 2001 til 2005, tillaga um varnir
gegn vímuefnum, skipulagða
glæpastarfsemi og samnorrænt
átak gegn vitglöpum.
Finnski þingmaðurinn Pehr
Löv kynnti tillöguna sem gengur
út á að gert verði norrænt átak
til að þróa umönnun þeirra sem
þjást af elliglöpum, komið verði
upp neti fyrir menntun á þessu
sviði þar sem núverandi mennta-
stofnanir komi við sögu, norræn-
ar rannsóknir verði auknar og
komið á þverfaglegum starfshópi
sem hefur það hlutverk að safna
saman og meta þekkingu á þessu
sviði og leggja fram tillögur um
hvernig vinna má að framan-
greindum markmiðum.
I ræðu sinni nefndi Pehr Löv
sem dæmi að elliglöp væru alvar-
legur sjúkdómur sem veldur viða
erfiðleikum og örvæntingu, ekki
síst hjá fjölskyldum sjúklinga.
Hann sagði um 10% þeirra sem
eru 65 ára og eldri fá sjúkdóminn
og að helmingur rúma á elliheim-
ilum væri nýttur af þessum hópi
sem hann sagði erfiðan í umönn-
un.
Þá var samþykkt tillaga nefnd-
ar um að skrá skuli skipulagða
glæpastarfsemi. Er talið brýnt
að menn leggi niður fyrir sér
hvað unnt sé að gera til þess að
sporna við slíkri starfsemi. Hún
er talin fara mjög vaxandi á
Norðurlöndum, svo og í löndun-
um við Eystrasalt og stjórnmála-
menn glíma við að ná tökum á
þessum vanda. Var talið að vönd-
uð skráning og upplýsingasöfnun
gætu orðið liður í baráttu gegn
glæpastarfsemi.
Samþykkt var einnig þing-
mannatillaga um varnir gegn
vímuefnum á Norðurlöndum þar
sem mælt er með því að ríkis-
stjórnir Norðurlandanna auki
aðgerðir sínar til þess að sporna
við fíkniefnaneyslu og lögð verði .
áhersla á fyrirbyggjandi aðgerð-
ir og fræðslu.
I áætlun ráðherranefndai- um
samstarfsáætlun fyrir félags- og
heilbrigðisgeirann árín 2001 til
2005 kemur fram að forgangsmál
verður meðal annars að fjar-
lægja hindranir við flutningi
manna milli Norðurlanda og ,
breyta lagasetningu í því skyni. r