Morgunblaðið - 15.11.2000, Blaðsíða 1

STOFNAÐ 1913
262. TBL. 88. ÁRG. MIÐVIKUDAGUR15. NÓVEMBER 2000 PRENTSMIÐJA MORGUNBLAÐSINS
Morðingjar
Leteliers 1976
A snær-
um Pin-
ochets?
Washington. AP.
VERIÐ getur að Augusto
Pinochet, fyrrverandi einræð-
isherra í Chile, hafi verið í
tengslum við tvo flugumenn
chilesku lögreglunnar sem ár-
ið 1994 voru sakfelldir fyrir að
hafa myrt fyrrverandi utan-
ríkisráðherra Chile, Orlando
Letelier, í Washington árið
1976.
Gögn um tengslin eru með-
al 16.000 skjala sem leynd
hefur verið létt af í Banda-
ríkjunum. Kemur þar fram að
nokkrum vikum fyrir morðið
hringdi Pinochet í annan ein-
ræðisherra, Alfredo Stroessn-
er í Paraguay, og fékk hann
til þess að útvega vegabréf
handa mönnunum tveimur.
En bandaríska sendiráðið í
Paraguay neitaði þeim um
áritun og fór svo að þeir not-
uðu chilesk vegabréf.
Stjórnvöld í Chile sögðu í
gær að verið væri að rann-
saka gögnin um málið og svo
gæti farið að einhverjir Chile-
menn yrðu látnir svara til
saka í tengslum við það.
Innanríkisráðherra Flórída setur sýslunum frest til klukkan sjö í kvöld
Krefst rökstuðnings
fyrir endurtalningu
Miami, Tallahassce. AP, AFP, The Daily Telegraph.
TERRY Lewis, dómari í Flórída, hafnaði í gær
kröfu um að frestur til að handtelja atkvæði í for-
setakosningunum yrði framlengdur en hann rann
út klukkan 22 í gærkvöld að íslenskum tíma.
Lewis setti þó skilyrði um að einstakar sýslur
mættu senda inn leiðréttingar á niðurstöðum eft-
ir áðurnefndan frest og mætti þá Katherine
Harris, innanríkisráðherra Flórída, sem er
repúblikani, ekki hafna slíkum tölum að eigin
geðþótta. Hún yrði að „hafa hófsemd“ að leiðar-
ljósi. Harris sagði skömmu eftir miðnætti að ís-
lenskum tíma að sýslurnar fengju frest til kl. sjö í
kvöld til að rökstyðja kröfu um endurtalningu.
Hún sagði að borist hefðu staðfestar lokatölur í
Flórída. Hefði Bush fengið 300 atkvæðum meira
en Gore en hún bætti við að á laugardag yrði lok-
ið við að telja utankjörstaðaatkvæði frá Banda-
ríkjamönnum búsettum erlendis.
Enn er óljóst hvort endurtalning muni breyta
kjörmannafjölda frambjóðendanna tveggja í
þrem sambandsríkjum auk Flórída, þ.e.
Wisconsin, Oregon og Nýju-Mexíkó. Um tíma
virtist sem Bush myndi sigra þar sem endur-
talning hefði gefið honum 21 atkvæði meira en
Gore í síðastnefnda ríkinu. Við nánari athugun
kom í ljós að fyrir mistök höfðu atkvæði Gore
verið vantalin og í gærkvöld benti allt til þess að
hann hreppti ríkið og fimm kjörmenn þess. A
hinn bóginn eru 25 kjörmenn Flórída svo margir
Reuters
Talningarmaður í Palm Beach bíður eftir
ákvörðun kjörstjórnar, en handtalningu at-
kvæða var frestað í gær.
að sá frambjóðandi sem fær þá hefur tryggt sér
forsetaembættið.
Repúblikanar lýstu yfir vaxandi óánægju sinni
með meintar tilraunir Gore og manna hans til
þess að tefja tímann og reyna þannig að koma í
veg fyrir að repúblikaninn George W. Bush yrði
næsti forseti Bandaríkjanna. „Það er að verða æ
Ijósara að stuðningsmenn Gore varaforseta ætla
einfaldlega að halda áfram að telja atkvæði þar
til úrslitin eru orðin þau sem þeir vilja,“ sagði
Karen Hughes, talsmaður Bush, í Austin í Texas
í gær.
„Við erum ánægð með ákvörðunina," sagði
Warren Christopher, fyrrverandi utanríkisráð-
herra og helsti lagalegi ráðgjafi liðsmanna A1
Gore, í gær um úrskurð Lewis dómara í Flórída.
Hann hvatti fjórar sýslur þar sem ákveðið var að
handtelja atkvæðin vegna kvartana um ýmis mis-
tök og misskilning til að halda áfram þar til öll
atkvæði væru talin, hvað sem liði áðurnefndum
fresti. Sagði Christopher að Harris gæti nú ekki
lýst því yfir einhliða að hún myndi ekki leyfa að
endurtalningu yrði haldið áfram eftir að frestur-
inn rynni út. Handtalningin í tveim sýslum, Palm
Beach og Volusia, var þegar hafin, henni var síð-
an frestað í Palm Beach í gærdag vegna hinnar
lagalegu óvissu en hún hefst á ný í dag.
Kjörstjórn í þeirri þriðju, Miami-Dade, ákvað í
gær að atkvæðin skyldu einnig handtalin þar.
Miami-Dade er fjölmennasta sýslan í Flórída,
þar búa um tvær milljónir manna. Endanleg
ákvörðun um handtalningu í hinni fjórðu,
Broward, var til umræðu þar í gær.
■ Ertu að segja/24
■ Athyglin beinist/35
Reuters
Ingiríður drottningarmóðir
kvödd í Hróarskeldu
MIKILL fjöldi fólks hyllti minn-
ingu Ingiríðar drottingarmóður í
Danmörku en hún var jarðsett í
dómkirkjunni í Hróarskeldu í gær.
Hún var kvödd við hátíðlega at-
höfn í kirkju Kristjánsborgarhallar
um morguninn. Siðan ók líkfylgdin
um götur Kaupmannahafnar að
Aðaljárnbrautarstöðinni en þaðan
var haldið til Ilróarskeldu þar sem
konungar og drottningar landsins
eru að jafnaði jarðsett. Lestin var
látin aka hægar yfir Sjáland en
gert hafði verið ráð fyrir til að
fjöldi fólks sem víða hafði safnast
saman við teinana gæti kvatt
drottningarmóðurina. Stöðvarhús-
ið í Hróarskeldu var að nokkru
hulið svörtu klæði og skreytt
haustblómum.
Fjöldi þjóðhöfðingja, þ. á m. Ól-
afur Ragnar Grímsson, forseti ís-
lands, vottaði Ingiríði virðingu
sína í Hróarskeldu og sést hann of-
arlega til vinstri á myndinni.
■ Hinsta för/25
Palestínskum bæjum haldið í herkví
Barak held-
ur neyðar-
fund í dag
Jertísalem. AP, AFP.
ÞRÁTT fyrir að palestínskum bæj-
um væri haldið í herkví í gær tókst
ekki að koma í veg fyrir átök Palest-
ínumanna og ísraela. Þrír palest-
ínskir unglingar létust í átökum á
Vesturbakkanum og Gaza-svæðinu.
Einnig lést einn eldri maður eftir að
ísraelskir landnemar grýttu bíl
hans.
Herkví ísraela er svar þeirra við
falli fjögurra ísraela á mánudag.
Herkvíin var harðlega fordæmd af
leiðtogum Palestínumanna en hún
lamaði starfsemi allra palestínskra
bæja í gær.
Barak styttir Bandaríkjafór
Ehud Barak, forsætisráðherra
ísraels, sem verið hefur á ferð í
Bandaríkjunum, stytti för sína og
hélt heim á leið í gær. Hann mun
halda neyðarfund með öryggismála-
ráðuneyti sínu í dag til að fara yfir
hvernig bregðast skuli við falli Isr-
aelanna. Barak aflýsti heimsókn til
Bretlands þar sem hann hugðist
tala við Tony Blair forsætisráð-
herra.
Barak sagði að engar friðarvið-
ræður myndu eiga sér stað fyrr en
ofbeldi yrði hætt.
Enginn hópur Palestínumanna
hefur lýst ábyrgð á tilræðunum á
mánudag á hendur sér en Binyamin
Ben-Eliezer, ráðherra sem gegnir
stöðu forsætisráðherra í fjarveru
Baraks, sagði að svo virtist sem isl-
amski Jihad-hópurinn bæri ábyrgð
á tilræðinu. Árásirnar væru gerðar
með vitund og vilja Yassers Arafats,
leiðtoga Palestínumanna.
Talsmenn Palestínumanna hafa
lýst því yfir að þeir muni leitast við
að halda ísraelskum borgurum og
hersveitum frá þorpum á Vestur-
bakkanum frá og með deginum í
dag. Slíkar aðgerðir yrðu bein ögr-
un við ísraela sem fara samkvæmt
síðustu friðarsamningum með
stjórnun öryggismála í þorpunum.
MORGUNBLAÐIÐ 15. NÓVEMBER 2000