Skírnir - 01.08.1909, Page 27

Prestarnir og játningarritin.
219
neinu sambandi við athöfnina, eins og húu er um hönd
höfð vor á meðal, og hefirauk þessa alls ekkert tillit til
ungbarnaskírnarinnar. Eða mundi nokkur þora að halda
því fram, að útskýring Lúters á kveldmáltíðar-sakrament-
inu væri þess eðlis, að það yrði með réttu talið goðgá að
víkja frá henni? Eða mundi það sem sagt er um töfra
(magisk) -áhrif orðsins í báðum þessum útlistunum verða
talið fylliiega evangelisk kenning? Eftirtektarvert er það,
að engin af barnalærdómsbókum vorum hefir treyst sér
til að halda skýringu Lúters á þessum efnum, en reynt
að koma með nýjar skýringar, sem ekki eru Lúters. Og
þó á það að vera regla og mælisnúra fyrir trú og kenn-
ingu presta vorra, sem haldið er fram í fræðunum!
En þar sem nú játningarritin samkvæmt þessu, sem
nú hefir verið tekið fram, eru og verða ófullkom-
in mannaverk, iiggur í hlutarins eðli, að óráð er að eigna
þeim lagagildi í kírkjunni fyrir alla tima. Þau geta að
vísu sýnt oss, hvernig menn á ýmsum tímum hafa skilið
-og útlistað hin guðlegu sáluhjálparsannindi, — þau geta
vel staðið sem metrasteinar með fram vegi hinnar kirkju-
legu framsóknar, er sýna hve langt menn voru kornnir
í skilnrngi hins opinberaða orðs á þeim og þeim tímum,
en með því að eigna þeim það algildisvald, sem þau hafa
haft í kirkjunni — ef ekki á borði, þá í orði — síðan
daga 17. aldar trúfræðinganna, hafa menn gjört þau að
tjóðursteinum, sem í mörgu tilliti hafa staðið eðlilegri
framþróun í vegi. Menn gengu út frá því, að játningar-
ritin hefðu að geyma hinn algjöra sannleika í öllum grein-
um, af því að kenning þeirra kom heim við það, sem var
Tsannleikur í þeirra eigin augum og réttur skilningur á
guðs orði. En hitt hugkvæmdist þeim ekki, að öll guð-
fræði og allar guðfræðilegar útlistanir eru háðar tak-
mörkunum sinna tíma, að engin játningarrit eða trúfræði-
kerfi hafa nokkru sinni flutt sannleikann í fullkomuari
mynd en þeirra tímar höfðu höndlað hann, og að öll játn-
ingarrit og trúarlærdómakerfi og kirkjufundaályktanir eru
;SÍfelt mótuð af hugsunarhætti einhverrar ákveðinnar stefnu