Skírnir - 01.08.1913, Blaðsíða 63

Heimur versnandi fer.
255'
Þessi nefnd naut aðstoðar fjölda vísindamanna, — lækna,
hagfræðinga, náttúrufræðinga og embættismanna, og varði
miklum tíma og kröftum til þess að rannsóknin yrði sem
rækilegust og ábyggilegust. Síðan voru gefnar út þykkar
bækur um gjörðir nefndarinnar og allar þær upplýsingar,
sem hún hafði aflað sér. Skal nú bent á ýmsan fróðleik,
sem þessi nefnd leiddi í ljós.
Vaxtarryrnun. Sir William Taylor, sem er formaður
læknadeildar enska hersins, segir: Allar lægri stéttir Eng-
lendinga fara stöðugt hrörnandi að líkamlegu og andlegu
atgjörvi og sjálfsagt er það að kenna þröngum kosti, sem
þær eiga við að búa, því svo má heita. að mikill hluti
þeirra svelti. Þessar lægri stéttir eiga næstum eingöngu
heima í stórborgunum. Menn úr flokki þeirra fara mink-
andi að vexti ár frá ári. Á Englandi er kraflst að lög-
regluþjónar séu ekki neðan við vissa tiltekna líkamshæð.
Svipað er og heimtað um hermenn, en þar eru kröfurnar
ekki eins háar. Til þess að fá nægilega háa lögregluþjóna
hefir á síðari árum þurft að sækja þá ofanúr sveit.
Árið 1845 var heimtað að engir hermenn væru undir
5 fetum og 6 þuml. að liæð, en af því að svo fá her-
mannaefni gátu fullnægt þessum kröfum, hafa þær smám-
saman verið færðar niður og seinasl árið 1900 voru þær
komnar niður niður í 5 feta hæð. Árið 1911 varð þó þrátt
fyrir þetta að gera afturræka um 60% af þeim sem buðu
sig fram til hermensku. Bæði voru þeir of lágir vexti,.
og auk þess var brjóstvíddin of lítil.
Meðal enskra skólabarna ber mjög á úrkynjun. Nefnd-
in komst að þeirri niðurstöðu að 70% af börnunum væru
á einhvern hátt 'vanheil. Samskonar rannsóknir í New
York leiddu sama i ljós, nema á enn hærra stigi; þar
reyndust 93% af börnunum vanþroskuð.
Tannveiklun. í öllum mentuðum löndum ber ákaflega
mikið á tannveiki. Rannsóknir beinagrinda frá fornöld
sýna að tennurnar hafa verið miklu traustbygðari þá en
nú, tennur frá miðöldunum, sem hafa fundist i gröfumv