Skírnir - 01.08.1915, Blaðsíða 111

Ritfregnir.
335-
þess hæfa menn. Mætti víst að skaðlausu niður fella ýmislegt það,
sem nú stendur í blöðunum, og setja annað í þess stað, meðai
annars leiðbeiningar um þessi efni.
Það skal tekið fram að endingu, að útgáfan er pryðileg að
pappír og prentun og verðið hóflegt, 19 kr. öll bindin fimm.
Páll Eggert Ólason.
Vit Og strit. Nokkrar greinir eftir Dr. phil. Guðm. Finn-
bogason. 133 bls. Verð kr. 1,35. (Bókaverzlun S. Eym.).
í þessu kveri eru 5 ritgerðir, allar nýstárlegar og veigamiklar.
1) »S á 1 a r f r æ ð i n og vinnan« er heitið á fyrstu hug-
vekjunni. »Til ólíkra starfa þarf mismunandi hæfileika og vandinn
er þá að velja meðal þeirra, sem bjóðast til starfsins«, segir höf.
Þegar eg tók stúdentspróf, var okkur fengið þetta ritgerðarefni:
»Hvers eiga ungir menu að gæta, er þeir velja sér lífsstöðu?« —
Hér er því lýst með ljósum rökum, að fæstir ungir menn eru sjalf-
færir um það vandaval, skortir kunnugleika á flestum atvinnugrein-
um og megna ekki að meta rétt hæfileika sína. Höf. skýrir frá
tilraunum, sem gerðar hafa verið i Vesturheimi til að leiðbeina
ungum mönnum og v e 1 j a menn til ýmissa 3tarfa — og gefist
ágætlega. Þetta er mesta þarfamál.
Þá kemur ritgerð, sem heitir:
2) V í n n u v í s i n d i, og er þess verð að hún væri kend i
öllum unglingaskólum. Þar er lýst ýmsum tilraunum, sem sýna
það og sanna, að ö 11 erfiðisvinna er afar vandasöm; hefir vísinda-
mönnum tekist með nakvæmri athugun og útreikningum að bæta
svo vinnubrögð og laga handatiltektir við ýms einföld verk, að
verkmennirnir hafa afkastað tvöfalt til ferfalt meiru eftir en áður
og þó verið öllu óþreyttari að loknu verki. Hór er átt við þau
verk, sem allir þykjast kunna til hlítar: bera á vagna, moka,
hlaða veggi o. s. frv.
3) Orkunýting ogmenning heitir 3. ritgerðin. Þar
er aftur fróðleikur, sem kenna þyrfti í hverjum skóla. »011 menn-
ing hvílir fyrst og síðast á vísindunum, og þau má telja hvort
tveggja í senn, æðsta blóm og dýpstu rót menningarinnar«, segir
höf. — og sannar það með ljósum rökum úr náttúruvísindum og-
sagnfræði.
4) Um »akta« skrift. Sú ritgerð er gamalkunn, úr
Skírni, og á vel heima í þessu safni.