Skírnir - 01.12.1915, Blaðsíða 28

364
Nýtt landnám.
heimsálfum, líkt og alveldissinnarnir brezku hugsa sér
fyrir Englendinga hönd, þýzku nýlenduveldi með þýzku
fólki, sem ekki kemst fyrir á Þýzkalandi. Þegar nú aðrar
þjóðir hafa aftrað því með samtökum, að Þjóðverjar fengju
nýlendur. hefir þýzka þjóðin litið á þetta sem fyrirmunun
ljóss og lífs, og það hefir orðið til þess að hún hefir fylst
vígmóði og hugst að verja rétt sinn með vopnum þegar
aðalhöggið yrði látið dynja. Herbúnaður Þjóðverja á síð-
a-ri árum hefir verið í fullu samræmi við vilja alls megin
þorra fólksins og allra borgaralegra flokka. Af þessu
verður mönnum skiljanleg gunnreifni og hreysti sú, er
Þjóðverjar hafa sýnt nú í ófriðnum. Tillögur um að Þjóð-
verjar skuli leggja undir sig aðrar þjóðir í Evrópu hafa
aldrei verið annað en heilaspuni einstakra valdalausra
manna, en enginn þjóðarvilji.
Innfiutningur fólks til þessara »seinni tíma« nýlenda
hefir ekki verið mikill; sumpart af þvi að löndin hafa
verið tiltölulega þéttbýl og ekki hefir verið skortur á
fólki til að vinna að þeim fyrirtækjum, sem þar hafa
verið gerð. Loftslagið í þeim hefir verið heitt og ekki
sem hollast að sagt er. Iðnaður og verzlun við nýlend-
urnar hefir getað veitt fieira fólki atvinnu eftir því sem
viðskifti við þær hafa aukist. Einnig hefir fæðingum fækk-
að i öllum löndum hin síðari árin, og að síðustu er það,
að Frakkar, sem eiga mestar lendur, flytja ekki úr landi
og fjölgar ekki. Mestur innflutningur hefir verið í ný-
lendur Þjóðverja, og Þjóðverjum, sem búa í nýlendunum,
fjölgar mjög mikið.
Nýlendur Norðurálfumanna eru nú mörgum sinnum
stærri en Norðurálfa öll. Flest þau lönd, sem líkur eru
til að verði gerð að nýlendum hafa nú annaðhvort verið
tekin að fullu og öllu eða eru að eins sjálfstæð að nafn-
inu. Heimskautalöndin eru þó einskis eign enn. En nú
má búast við að röðin komi að þeim. Að svo hefir ekki
orðið fyrr er ekki þvi að kenna, að þau séu einskis
virði. Þessi lönd eru sérlega vel fallin til grávörufram-
leiðslu, eru ef til vill auðug að námum og sjórinn við