Skírnir - 01.12.1915, Blaðsíða 69

Hægri og vinstri.
405-
í erfðir og með hverjum hætti. En börn virðast framan
af jafnhend. Baldwin, amerískur sálarfræðingur, gerði
margar tilraunir með dóttur sína til þess að rannsaka
þetta; lét hann hana á sama tíma á hverjum degi frá því
hún var fjögra mánaða og þangað til hún var tíu mánaða
gömul sitja þægilega með bera handleggi og rétti að henni
ýmsa hluti. Athugaði hann svo hve oft hún greip með
hvorri hendi. Meðan hlutunum var ekki haldið lengra en
10 þuml. frá henni, svo að hún þurfti litið á sig að reyna
til að ná þeim, varð niðurstaðan af 2187 tilraunum þessi:
Hún greip 577 sinnum með hægri, 568 sinnum með vinstri,
en 1042 sinnum með báðum höndum. Henni voru því báð-
ar hendur jafntamar að heita má, en nálega tvöfalt tam-
ara að grípa með báðum höndum en annari. En þegar
hlutunum var haldið lengra burtu, svo barnið þurfti að
reyna meira á sig, fór hún á 7. og 8. mánuðinum að beita
hægri hendinni. Við 80 tilraunir greip hún þá 74 sinnum
með hægri, 5 sinnum með vinstri og einu sinni með báð-
um. Og enn tamari var hægri höndin, ef hlutirnir voru
með sterkum litum.
Þó menn séu þannig í fyrstu jafnhendir, verður brátt
hægri höndin flestum tamari, enda styður uppeldið að því.
Það þykir galli að vera örvendur og alt er gert til að
venja menn af því, verkfærin eru sniðin eftir þörfum
liægri handarinnar, og sést þar eins og í fleiru vald meiri
hlutans. Engu að síður er tilhneigingin til að beita vinstri
hendi hjá sumum ríkari öllu námi, og þó þeir læri að nota
hægri hönd t.il að skrifa með, borða o. s. frv., þá verður
þeim ljúfara að beita vinstri hendi þegar á reynir.
Séð hefl eg því haldið fram, að rétthendir menn svæfu
alment betur á hægri hlið, en að örvendum mönnum
væri svefninn ljúfari á vinstri hlið.
Mundi það líka hafa vakað fyrir þjóðskáldinu, sem
kvað um stjórnarskiftin:
Hann, sem npp á »hægri« bjó
hundrað ár og meira,