Árbók Hins íslenzka fornleifafélags - 01.01.1976, Síða 152

154
ÁRBÓK FORNLEIFAFÉLAGSINS
vinirnir og lærdómsmennirnir. Árna hefur þá hugkvæmst að gera
nokkra lýsingu af tjaldinu og lagt fyrir Magnús að afrissa nokkra
af helgimönnunum, þ. e. a. s. þá fyrstu fjóra til vinstri handar
frelsaranum, frá Þorláki til Ólafs helga. Og úr því hann var kominn
af stað hefur hann gert lýsinguna af bríkinni í Vatnsfirði um leið.
Þeir undirrita svo jarðabókarverk sitt í Vatnsfirði 23. júlí, halda
síðan til Ögurs. Þar er altarisbríkin mikla og Árna er nú í hug að
halda áfram að safna lýsingum og myndum af kirkjugripum, gerir
nákvæma lýsingu af bríkinni og leggur fyrir Magnús að gera teikn-
ingu af Ólafslíkneskinu og skírnarfati kirkjunnar. Þeir undirskrifa
jarðabókarverkið í Ögri 30. júlí og áfram er haldið og komið að
Eyri í Seyðisfirði. Þar lýsa þeir gamalli altarisbrík og Magnús
dregur upp Ólafsmyndina sem þar er á væng. Þeir skrifa undir verk
sitt á Eyri 2. ágúst og halda síðan leiðar sinnar, ef til vill með þá
fyrirætlun í huga að halda áfram að safna heimildum um merka
kirkjugripi, þó að ekki verði nú séð að meira hafi úr orðið. Inn-
blásturinn frá Vatnsfjarðarstað og samvistunum við myndlistar-
prestinn þar hefur líklega ekki enst lengur í því annríki sem þessum
mönnum var á höndum við skyldustarf sitt.
Svo sem sjá má er þetta nokkuð getgátukennt og ekki verður fyrir
það svarið að séra Hjalti hafi gert sumav teikningarnar og Magnús
sumar. En hafi sami maður gert þær allar, sem mér finnst senni-
legast, þá virðist mér margt benda til að sá maður sé Magnús Ein-
arsson. Teikningarnar sýna þá að hann hefur verið kunnáttusamur
teiknari, og er það ekki annað en það sem áður var fullljóst af inn-
siglismyndum hans. Ég legg til að Magnúsi verði eignaðar þessar
kirkjugripamyndir þangað til fram kunna að koma fullgild rök sem
banna.
7. Helgidómaskrín í Þykkvabæjarklausturskirkju.
„Vid Þyckvabæjar klausturs kirkiu er eitt lited skrin giórt eins
og hus. Er á si'dunni á þakinu rennilok og ferskeytt gat á botninum,
hvar i staded hefur (ut puto) helgur steinn, og hefur vered negld
spaung nedan under. Skrined hefur utan til vered klædt med for-
gylltum messingar (eda eyrs) spaungum, á hverium utdrifnar vered
hafa mynder Christi og heilagra manna (í stað tveggja síðustu orð-
anna upphaflega skrifað apostolorum) “.