Árbók Hins íslenzka fornleifafélags - 01.01.1995, Side 59

EGYPSKU MUNIRNIR í DÁNARGJÖF WILLARDS FISKE
63
Tvennt er athyglisvert við þessa styttu. í fyrsta lagi er ísis ekki með sól-
diskinn á höfðinu eins og venjan er á svona styttum heldur með stall sem
einnig er tákn gyðjunnar. I öðru lagi minnir andlitsfallið mjög á einn þekkt-
asta faraó Egyptalands, trúvillinginn Akenaton (1379-1362 f. K.r.), en hann
reyndi að koma á eingyðistrú í Egyptalandi. Algengt var að sýna hann líkan
kvenmanni með brjóst og mjög breiðar mjaðmir. A Þjóðminjasafninu í
Kaíró er til stytta af Akenaton þar sem hann situr með eina af dætrum sín-
um í fanginu á svipaðan hátt. Líkindin með styttunni á Þjóðminjasafninu
og list Akenatons hljóta þó að vera tilviljun því styttan er að mati sérfræð-
inga British Museum frá því um 1000 f.Kr.21 eða rúmum 350 árum yngri en
Akenaton.
26. Líkan af hörpuleikara með grænum glerungi, 4,6 cm að hæð og 6 cm
á lengd. Hann situr á hækjum sínum með hljóðfærið fyrir framan sig og
hendurnar, sína hvoru megin, á strengjunum. Milli fótanna liggur gríðar-
mikill getnaðarlimur tónlistarmannsins. Styttan er því sem næst óhlut-
bundin og er ekki hægt að greina andlitsfall hörpuleikarans. Glerungurinn
10. mynd. Gripir nr. 31 og 32. Bronsstyttur af guðinum Anúbis og heilögum ketti. Báðar
stytturnar eru frá því um 600 f. Kr. eða yngri.1 Ljósmyndastofa Þjóðminjasafns. ívar
Brynjólfsson.