Árbók Hins íslenzka fornleifafélags - 01.01.1995, Blaðsíða 153

ÁRSSKÝRSLA 1995
157
Allmargt barst af gripum til safnsins, einkum eftir að það var opnað í Húsinu. Má nefna
skatthol úr eigu Guðmundar Thorgrímsens faktors, innsigli Guðmundu Nielsen og myndplatta
sem sýnir Eyrarbakka undir lok síðustu aldar. Þá bárust safninu skírnarkjóll frá Reykjadal í
Hrunamannahreppi, söðull Sigurbjargar Hafliðadóttur, reglustika Jakobs Lefolii kaupmanns,
vigtarlóð úr Vesturbúðinni á Eyrarbakka, Ijósmóðurtaska Guðrúnar Eiríksdóttur ljósmóður á Sel-
fossi og ýmsar Ijósmyndir.
Safnstjóri er Lýður Pálsson sagnfræðingur.
Sjóminjasafnið á Eyrarbakka. I safnið komu 1729 gestir, innlendir 1607 en erlendir 122.
Við flutning Byggðasafns Arnessýslu urðu allmiklar breytingar á safnamálum á Eyrar-
bakka. Húsið svonefnda, sem hýsir byggðasafnið, er samtýnis við sjóminjasafnið og býður það
því upp á nána samvinnu. Tekinn var upp sameiginlegur aðgangseyrir, munum skilað en aðrir
lánaðir á ný milli safnanna.
Hafin var endurgerð fastasýningar safnsins og sýningarhúsnæði endurbætt. Vann Steinþór
Sigurðsson listmálari frumdrög nýrrar sýningar í samvinnu við umsjónarmann og farið var að
taka fyrri fastasýningar niður fyrir árslok.
Safnið lét merkja örnefni í Eyrarbakkahreppi inn á loftmyndir með styrk frá Þjóðhátíðarsjóði.
Lokið var endurbótum á beitningaskúr í eigu safnsins, og hitablásari var settur í geymslu-
hús þess, Mundakotsskemmu.
Meðal gripa sem bárust á árinu má nefna bitafjöl úr Svani, áraskipi Guðmundar Þorkels-
sonar frá Gamla-Hrauni, talin um 100 ára gömul, skeggbolla Jóns Helgasonar á Borg, silunganet
með leggjaþin, líkan af árabát og kort og Ijósmyndir um hafnargerð á Eyrarbakka.
Umsjónarmaður safnsins er Inga Lára Baldvinsdóttir deildarstjóri í Þjóðminjasafni.
Byggðasafn Suðurnesja. Safnið er opið alla sunnudaga frá kl. 13.30 - 17.00. 4. bekkur grunn-
skóla kemur reglulega í safnið.
Settar voru upp tvær sérsýningar: Hin fyrri í húsakynnum Bókasafns Keflavíkur um kirkju-
lífí Keflavík frá 1896-1995, en hin síðari í húsakynnum Keflavíkurverktaka á skipslíkönum Gríms
Karlssonar auk nokkurra annarra.
Unnið var að skráningu mynda og eru nú skráðar um 2.000 myndir. Mikið magn bóka og
skjala og annarra heimildargagna hefur einnig borizt safninu.
Forstöðumaður er Guðleifur Sigurjónsson.
Byggðasafn Hafnarfjarðar. Magnús Jónsson, sem verið hefur forstöðumaður safnsins frá ár-
inu 1981, lét af störfum í júnímánuði en Björn Pétursson sagnfræðingur, er starfað hafði við
safnið um hríð, varð forstöðumaður.
Safnið starfar á þremur stöðum, í húsi Bjarna Sívertsens, í Smiðjunni við Fjarðargötu og í
Siggubæ í Hellisgerði. í Smiðjunni voru sérsýningar „Bær í byrjun aldar" og „Hafnarfjörður frá
landnámi til hersins". Þá setti safnið upp sýninguna „Saga hafnfirskrar verslunar" í sýningar-
salnum Miðjunni í verzlunarmiðstöðinni Miðbæ.
Alls komu 6.440 gestir í safnið og á sýningarnar. Þá koma skólanemar reglulega í hús Bjarna
Sívertsens og þar var sérstök jóladagskrá um jólin fyrr á tíð fyrir leikskólabörn bæjarins.
Meðal nýfenginna gripa má nefna orgel úr Garðakirkju frá því um aldamótin síðustu, testell
úr silfri, nafnspjald af bátnum Siggu frá Oseyri, bollastein er fannst við Fífuhvamm (Hvammkot)
í Kópavogi og vélbátinn Fleyg, sem upphaflega hét Svanur GK 240.
í árslok var búið að tölvuskrá um 1200 safngripi. Einnig var hafizt handa við að flokka og
skrá skjöl sem byggðasafnið hefur í sinni umsjá og unnið er að gerð forrits fyrir mynda-
skráningu.