Árbók Hins íslenzka fornleifafélags - 01.01.1995, Síða 150

154
ÁRBÓK FORNLEIFAFÉLAGSINS
Menningarmálanefnd Akureyrar fól safninu umsjón Sigurhæða, húss sr. Matthíasar
Jochumssonar og safnsins þar um hann, en safnið hefur verið lokað nokkur ár vegna viðgerðar
hússins. Var efnt til samkomu þar á afmælisdegi Matthíasar, 11. nóvember.
Safnið tók þátt í iðnsýningu á Hrafnagili með sýningu á ljósmyndum. Einnig setti það upp
ljósmyndasýningu í Akureyrarkirkju af gömlum orgelum Akureyrarkirkna.
Safnið stóð fyrir ratleik um Innbæinn á Akureyri, starfsdegi í Laufási og matardegi í Lax-
dalshúsi. Það sá einnig um leiðsögn í gönguferðum um Oddeyri. Það tók þátt í Listasumri á
Akureyri og var flutt söngdagskrá í Svalbarðskirkju gömlu.
Ut kom bókin „Oddeyri, húsakönnun", sem safnið gaf út x samvinnu við skipulagsdeild
Akureyrar.
Minjasafnið hélt áfram fornleifaskráningu í Eyjafirði í samvinnu við Fornleifastofnun
Islands. Voru skráðar fornleifar í Eyjafjarðarsveit og á Akureyri og skýrslur gerðar um þær.
Safnið annaðist einnig að miklum hluta undirbúning Farskóla safnmanna, sem haldinn var
í Kjarnaskógi 6.-9. september.
Akureyri hefur verið valin sem reynslusveitarfélag og var því lagt til að Minjasafninu yrði
falin minjavarzla í Eyjafirði, komið verði upp tæknisafni á Akureyri, efnt verði til betri kynn-
ingar á Gásakaupstað og aðkoma ferðamanna þangað bætt.
ByggSasafii Suður-Þingeyinga. Safnið starfar á tveimur stöðum, í Safnahúsinu á Húsavík þar sem
aðalstöðvarnar eru nú, og í gamla bænum á Grenjaðarstað, þar sem safnið var framan af einungis.
Gestir í Safnahúsinu urðu 5.533 talsins, flestir innlendir, en ekki eru sértaldir gestir byggða-
safnsins. Skólanemar komu í reglulegar heimsóknir, sem og á Grenjaðarstað.
Skráður safnauki var 72 hlutir og í ljósmyndasafn 320 myndir. Meðal nýfenginna gripa má
nefna gamla skímarhúfu og glóðarhausvél frá 1920.
Mesta verkefnið var endurreisn gestastofu frá Þverá í Reykjahverfi, sem sett var á grunn hjá
Safnahúsinu og nánast fullviðgerð. Sýningar voru settar upp í tengibyggingu Safnahúss og
væntanlegs sjóminjasafns. Geymslur voru bættar og sköpuð aðstaða til viðgerðar stórra muna
svo sem báta.
Að Grenjaðarstað komu 3004 gestir, flestir erlendir. Safnið þar eykst ekki þar sem bærinn
er fullbúinn viðeigandi gripum.
Bærinn var lagaður talsvert og búr og eldiviðargeymsla endurbyggð. Tillöguuppdráttur var
gerður að skipulagi staðarins.
Forstöðumaður Safnahússins og byggðasafnsins er Guðni Halldórsson á Húsavík.
Byggðasafn Norður-Þingeyinga. Safnið, sem er á Snartarstöðum við Kópasker, var opið þrjá
daga vikunnar 15. júní - 31. ágúst en að auki ef sérstaklega var um beðið. Komu urn 460 skráðir
gestir, þar af 43 útlendingar. Vegna ótíðar og kennaraverkfalls komu færri skólanemar en ella.
Unnið var að merkingum og viðgerðum safngripa. 38 munir voru skráðir í safnið á árinu.
A safnadegi, 9. júlí, stóð safnið fyrir sýningu gamalla vinnubragða, heyskaparvinnu með
gamla laginu og inni var sett upp sérstök handavinnusýning og bætt þremur kvenbúningum
á sýningu. Þar unnu konur tóvinnu, spunnu, kembdu og ófu spjaldvefnað og fengu börn að
grípa í gömlu vinnubrögðin. Sökum þröngra húsakynna var kaffi með þjóðlegu kaffibrauði
borið fram í stóru tjaldi úti. Komu um 200 manns til safnsins þann dag og mæltist nýbreytnin
vel fyrir.
Forstöðumaður safnsins er Kristbjörg Björnsdóttir, Valþjófsstöðum.
Minjasafn Austurlands. Byggingarframkvæmdum við Safnahúsið á Egilsstöðum var að
mestu lokið á árinu, en Minjasafnið fær þar tæplega 300 ferm. sýningarsal og geymslu af svip-
aðri stærð. I húsinu hafa Bókasafn Héraðsbúa, Safnastofnun Austurlands og Héraðsskjala-
safnið einnig aðsetur.
A árinu tóku 11 sveitarfélög á Héraði og í Borgarfirði eystra við rekstri safnsins úr höndum
Héraðsnefndar Múlasýslna og þeirra félagasamtaka, sem stofnuðu það á sínum tíma.
Steinunn Kristjánsdóttir fornleifafræðingur var ráðin forstöðumaður safnsins frá 1. septem-
ber, en frá 1. júlí hafði hún unnið að einstökum verkefnum fyrir safnið í samráði við stjórn
þess.