Norðurljósið - 01.01.1986, Qupperneq 9

NORÐURLJÓSIÐ
9
Arlhur hjá bílnum.
upp sandinn þá var girðingarnet lagt þar sem bíllinn átti að
aka og ég hugsa að það sé í fyrsta skipti á íslandi sem þessi
aðferð er notuð. Ég skal segja þér það að ég var svo hrifinn af
þessu að ég veit að ég gleymi þessu aldrei. Og bílnum kom
hann heim að bragganum.
„Hvernig var aðkoman?“
Ég man að þegar við komum heim að bragganum þá voru
þar fyrir tveir menn, Bogi og einhver annar (það mun hafa
verið Sæmundur, innsk. Pétur). En Trausti kom þarna líka
og hann var ég búinn að þekkja lengi, því hann var útibús-
stjóri í kaupfélaginu heima í Hlíðargötu. En það að koma
þarna að, já, það að ferðast svona langt, var heilmikið ævin-
týri. Ég hugsa að það hafi verið jafn mikið ævintýri fyrir
okkur þá eins og það er fyrir börn í dag að fara til útlanda.
Sjáðu til þetta var algjör paradís.
„Manstu eftir einhverju sérstöku atviki?“
Ja, veistu það, að þetta leið mjög hratt við leik og störf, þó
aðallega leik, en skrítnasta atvikið var þegar það var saltkjöt í
matinn og Arthur fékk sér sinnep með því. Það fannst okkur
strákunum voðalega skrítið, því við höfðum aldrei séð þetta
og gerðum þetta að sérstöku umtalsefni á eftir. En veistu,