Norðurljósið - 01.01.1986, Blaðsíða 97
NORÐURIJÓSIÐ
97
var fullkunnugt um mállausa andann, sem vesalings dreng-
urinn var haldinn af, og alla þá eymd, sem af því hafði leitt.
En þessi sárbitra skýrsla var gefin, í fyrsta lagi: til þess að
faðirinn skyldi muna eftir hinu illa ástandi, sem hann þráði,
að barnið frelsaðist úr. í öðru lagi: að þeir, sem stóðu hjá,
skyldu vita, hvers konar kraftaverk það var, sem Kristur var í
þann veginn að framkvæma. Það er stundum mjög gagnlegt
fyrir leitandi sál, að nema lítið eitt staðar og segja við sjálfan
sig: „Hvað er það, sem ég er að leita að?“ Kristur gæti sagt
við þig: „Hvað vilt þú, að ég geri fyrir þig? Hvers beiðist þú
eiginlega?“ Það eru margir sem hrópa: „Drottinn, frelsa þú
mig,“ þó að þeir hafi enga greinilega hugmund um, frá
hverju þeir eiga að frelsast og til hvers þeir eiga að frelsast.
Drottinn hafði leyft þessum vesalings manni að snúa sér
með beiðni sína til lærisveinanna. Ég vil ekki segja, að það
væri gert í þeim tilgangi, að hann skyldi verða fyrir von-
brigðum, en ég trúi því, að vonbrigðin hafi verið ætluð til að
kenna manninum dýrmæt sannindi, og vissulega var þeim
ætlað að fræða lærisveinana, sýna hvorum tveggja ljóslega,
að eina vonin var Jesús Kristur sjálfur.
Þú hefur verið leitandi, kæri vinur. Nú, hvernig hefur þú
haldið, að þú frelsaðist? „Með því að hafa um hönd náðar-
meðulin,“ segir þú. Ég hefi ekki orð að segja á móti náðar-
meðulunum fremur en á móti postulunum. En náðarmeðul-
in geta ekki frelsað þig fremur en postularnir gátu rekið illa
andann út af þessu barni. Það eru ekki náðarmeðulin, heldur
Kristur sjálfur, sem þú verður að ná til. Alveg eins og það
voru ekki postularnir, heldur meistari þeirra, sem varð að
framkvæma kraftaverkið. Þú hefur, ef til vill, setið á þessum
bekkjum, sunnudag eftir sunnudag, árum saman, og vænst
þess, að þú öðlaðist eitthvað við að hlýða stöðugt á boðun
orðsins. Drottinn vill sannfæra þig til fulls um það, að þú
frelsast ekki, nema þú komir til Jesú Krists sjálfs. Engir
Biblíulestrar, engar ræður, jafnvel ekki böenir, ef þú treystir á
þær, geta frelsað þig. Traust þitt verður að vera á hinum
almáttuga Kristi Guðs. Ef þú vilt treysta frelsaranum, þá
frelsast þú þegar í stað. Ef þú getur trúað nú, þá færð þú
jafnskjótt sérhverja synd þína fyrirgefna og öðlast hjálpræðið