Norðurljósið - 01.01.1986, Blaðsíða 29
NORÐURl .JÓSIÐ
29
umönnun og þeim er sýnd mikil ástúð. Þau fá tvær máltíðir á
dag. Það er biðlisti, vegna þess að við höfum ekki eins mikið
pláss og við þurfum. Um 40% barnanna eru mjög fátæk og
fyrir þau er allt frítt. (Á hverjum morgni þarf að þvo sumum
börnunum jafnvel um hárið, og láta þau hafa fataskipti til
þess að þau séu ekki öðruvísi en hinir). Meiri hlutinn borgar
hluta af kostnaði en sumir borga allt, sem er um 400 kr. á
mánuði. Starfsfólkið er ágætt, þau elska Drottin, og elska
börnin. Margt af þessu starfsfólki vinnur kauplaust. Þetta
starf hefur leitt til þess að við höfum komist í nánara sam-
band við fjölskyldur barnanna. Sumt af þessu fólki er mjög
fátækt, sumt eru flakkarar, sum börn koma frá einstæðum
foreldrum, og sumir foreldrar eru atvinnulausir.
í byrjun þurfti forstöðumaðurinn að undirbúa ættleiðingu
fyrir börn ógiftra mæðra. Þetta er algerlega nýtt ástand á
Spáni, þar sem það þykir enn þá mjög mikil niðurlæging
fyrir ógifta konu að eiga barn. Ung stúlka kom til hans og
bað um hjálp til að fá fóstureyðingu. Hann fékk hana til að
hætta við það, en hún hringdi til hans frá sjúkrahúsinu og
bað hann mjög ákveðið að koma og taka barnið, svo að hann
fór með það heim.
Þetta ár höfum við ættleitt 10 slík börn. Það er ekki auðvelt
— það er á móti spánskri erfðavenju og fólki líkar það ekki.
En þessi börn hafa farið á góð kristin heimili.
Á landareigninni er lítill staður í milli trjánna — fallegar
rósmarin, fura og önnur ilmandi tré, og í milli furanna er lítið
opið svæði. „Þetta er sérstakur staður“ sagði Jorge. Við
komum aldrei hér án þess að stansa og biðja. Það er margt
fólk sem hefur fundið Drottin á þessum stað. Við beygðum
höfuðin meðan einn í hópnum sagði okkur frá því að á
slíkum stað í Libanon hefði frændi hans leitt sig til Drottins.
Þá leiddi hann okkur í bæn fyrir börnunum og nauðstöddum
fjölskyldum þeirra.
Forstöðumaðurinn Jorge Juan Pastor segir frá: — „Það
eru aðeins 40.000 mótmælendur á Spáni, þetta er eitt smá-
brot af 1% íbúa landsins. Það er eftir að vinna mikið verk
þar.“ Hann er ungur, líflegur og aðlaðandi og er forstöðu-
maður í lítilli kirkju í Costa Blanca. Hann talaði á spænsku