Norðurljósið - 01.01.1986, Side 63

NORÐURIJÓSIÐ
63
Með því að lesa á milli línanna er það augljóst, að hann var
undirorpinn mikilli gagnrýni fyrir að hafa tekið þetta skref,
en árangurinn varð Guði til dýrðar, það er ekki nokkur efi á
því. Sameiginlega helguðu þau sig til að starfa fyrir Drottin.
Fletcher starfaði meira en nokkru sinni áður meðal barn-
anna í Madeley og leitaðist við með öllum hugsanlegum
ráðum að vekja áhuga og þjálfa þau fyrir framtíðarlífið í
blessun og nytsemi.
Annað merkilegt atvik í sambandi við þjónustu hans á
þessum tíma í Madeley var hræðilegur dómur sem kom yfir
slátrara. Kona hans leitaðist við að sækja kristilegar sam-
komur hvenær sem hún gat. Maðurinn hennar varð fok-
reiður og hótaði henni með ofbeldi. Hún var ákveðin og
staðhæfði að hún yrði að sækja kirkju eins og venjulega.
Hann fór að bölva hræðilega og sagði henni, að ef hún færi þá
myndi hann skera hana á háls, er hún kæmi aftur. Hún
hrópaði ákaft til Guðs en það dró samt ekki úr þjáningum
hennar. Eftir ákafa baráttu við Satan bjó hún sig til að fara til
kirkjunnar. Er hún fór út, tilkynnti maðurinn hennar, að
þegar hún kæmi aftur, myndi hann í stað þess að skera hana
á háls, hita ofninn og troða henni þar inn. Skjálfandi en
ákveðin að þjóna Guði fór hún, en var neydd til að hlusta á
hryllilegar formælingar þegar hún yfirgaf hann.
Nú vildi svo til að herra Fletcher gat ekki munað eitt orð af
ræðunni og hélt að hann yrði að binda enda á guðsþjónust-
una án prédikunar. Allt í einu var hann leiddur til að tala um
Hebreana þrjá, sem sagt er frá í Daníels spádómsbók, atvikið
um ungmennin þrjú í brennandi eldsofni, sem var bersýni-
lega boðskapur Guðs handa þessari konu. Sérhvert orð var
eins og heimfært upp á hjarta hennar og að lokum fann hún,
að ef hún hefði þúsund líf þá gæti hún gefið Guði þau öll.
Svo var sál hennar fyllt með kærleika.
Hún flýtti sér heim og efaðist ekki um að hún yrði brennd
til dauða. En henni til undrunar fann hún að manni hennar
var runnin reiðin og hann var sjálfur djúpt sannfærður um
synd.
Frú Fletcher segir frá enn einu atviki sem opinberar um-
hyggju forsjónar Guðs. Maðurinn hennar hafði farið um