Norðurljósið - 01.01.1986, Blaðsíða 102
102
NORÐURLJÓSIÐ
Segðu mér ekki, að þú sért versti syndarinn, sem uppi
hefur verið. Ég tek það sem sjálfsagðan hlut, að þú sért það,
og ég vil ganga lengra og gera ráð fyrir, að þú sér töluvert
verri en þú heldur sjálfur. Menn hafa stundum komið til mín,
og hafa farið að segja mér frá hinum hræðilegu syndum
sínum. Þá hefi ég vanalega svarað: „Þú þarft ekki að segja
mér þetta. Ég er ekki í hinum minnsta vafa um það, að þú ert
þúsund sinnum verri en þú segir eða heldur, að þú sért. Þú átt
ekki annað skilið en að vera varpað í Helvíti.“ Og þegar þeir
svo segja: „Æ, það er satt, það er satt“, þá gleðst ég yfir því,
að heyra þá samsinna þessum dómsúrskurði, því að það var
þess konar fólk, sem Jesús Kristur kom til að frelsa. Haldið
þið, að hann hafi komið til að endurleysa einhverja ofurlitla,
agnarsmáa syndara, sem aldrei aðhöfðust nokkuð, sem var
verulega rangt? Nú, jæja, líklega gerði hann það, en hann
kom til að vera mikill frelsari mikilla syndara.
Setjum svo, að þú komir til mín einhvern daginn og færir
með logandi áhuga að segja mér frá því, að það sé mikill
læknir kominn til London. Ég mundi sennilega segja:
„Hvað hefur hann til síns ágætis?“
„Hann fær alveg feikilega aðsókn," segir þú.
„Nú, en hvað gerir hann?“
Þá gefur þú að síðustu þetta furðulega svar: „Hann læknar
fingurmein."
Mér mundi ekki finnast mikið til um það. En setjum svo
aftur á móti, að sem svar við spurningu minni:
„Hvað gerir þessi mikli læknir, fyrst þú hrósar honum
svo,“ að þú getir gefið greinilega skýrslu og sagt:
„Hann hefur læknað mjög marga sjúklinga, sem aðrir
læknar voru gegnir frá. Hann getur læknað banvænustu
sjúkdóma, og það er sagt, að þótt einhver sé jafnvel kominn
að dauðans dyrum, þá geti hann lífgað hann við.“ Áreiðan-
lega mundi ég líka taka að lofsyngja hann, og ef ég væri
veikur, fara og leita lækningar hjá honum.
En ég hef samt öruggari fullvissu um kraft Krists til að
lækna, því að til hans fór ég, þegar synd mín var ofvaxin
mannlegum mætti, og hann gerði mig alheilan. Engin
mannleg orð eru nógu sterk til að lýsa mætti hans til að frelsa