Tímarit Hins íslenzka bókmentafélags - 01.07.1886, Side 118

810
dvaldi Graah í Núkarbik á austurströndinni (63° 21 n., br.);
hann var opt veikur um veturinn, enda urðu þeir að þola
bæði hungur og kulda. Yorið eptir reyndi hann samt til að
fara norður aptur, en komst þá í mestu mannraúnir og
varð að hverfa aptur við svo búið; hafði eigi komizt eins
langt eins og árinu áður. Á þeirri ferð varð hann eitt sinn
að láta fyrir berast 15 daga á skeri, sem brimlöðrið skóf
yfir, en enginn vegur var að komast þaðan fyrir ísi og
straumum; þegar þeir loks komust af skerinu, voru þeir
nærri dauðir úr hungri, og náðu svo í sel og átu hann
hráan með beztu lyst; 16. nóvember 1830 komst Graah
aptur til vesturstrandarinnar og var þar um veturinn. Graah
hefir gefið út ágæta bók um ferðina og gert landsuppdrætti
af héruðum þeim, er hann fór um.
Nokkru seinna (1833) reyndu Frakkar undir forustu
Blosseville’s að komast að austurströndinni, en það tókst
eigi; þó gátu þeir mælt dálítið frá skipinu; sama sumarið
gerði Blosseville aðra tilraun, en síðan hefir aldrei spurzt
til skipsins.
Dönsk herskip hafa á seinni árum gert ýmsar rann-
sóknir í Grænlandshafi, en aldrei hefir þeim tekizt að
komast á land.
Nordenskiöld er hinn eini, sem komizt hefir sjóleiðis að
þessari strönd, á hinni frægu Grænlandsferð sinni 1883.
Kristniboði þýzkur, Brodbeck að nafni, fór 1881 á bát-
um til austurstrandarinnar, komst eigi lengra en norður á
60° 30', en fann rústir, sem hann hélt að væru fornmanna-
rústir. þetta varð meðal annars tilefni til þess, að Nor-
denskiöld ímyndaði sér, að Austurbyggðin forna hefði verið
á austurströndinni. þegar Nordenskiöld kom af ísgöng-
unni miklu, sigldi hann suður með landi, kom við í Frið-
riksdal og fékk Brodbeck með sér, hélt svo þaðan 29.
ágúst 1883 suður fyrir Hvarf og síðan norður með austur-
ströndinni; bönnuðu ísar alstaðar landgöngu uns þeir kornu
norður að Cap Dan; það er hér um bil jafnnorðarlega og
Dýrafjörður á Islandi; sáu þeir þar hlið á ísnum og kom-
ust 4. september að landi; fundu þeir þar ágæta höfn og