Bókasafnið - 01.04.1997, Qupperneq 15

hin ýmsu lönd og þjóðir heims, en slíkar upplýsingar eru mikil-
vægar vegna markaðsrannnsókna eða viðskiptaferða og að á
Bókasafni HA séu til upplýsingar um ýmislegt varðandi fram-
leiðslu, útflutning og innflutning hinna ýmsu landa auk þess sem
það annist m.a. millisafnalán og tölvuleitir.
7. Kannaðir verði möguleikar á sameiginlegu geymslusafni
fyrir öll söfnin.
Nú þegar eru vandræði með geymslupláss hjá bókasöfnunum
fyrir eldri og lítt notuð rit og því hefur þeirri hugmynd skotið
upp að kanna megi hvort æskilegt væri að leysa þau með sam-
eiginlegu geymslusafni sem jafnvel mætti hugsa sem geymslu-
safn fyrir allt landið. Þarna er á ferðinni gamall draumur sem oft
hefur skotið upp kollinum í umræðum manna á milli en sem
aldrei hefur verið tekið á í fullri alvöru af bókavarðastéttinni.
8. Söfnin skulu stuðla að menntun og símenntun starfsmanna
sinna, því aðeins með vel menntuðu og þjálfuðu starfsfólki
er hægt að ná þessum markmiðum.
Hæft og vel þjálfað starfsfólk er forsenda þess að bókasöfnin
nái þeim markmiðum sem þau hafa sett sér. Fjarlægð frá
Reykjavfk og hár ferðakostnaður eru atriði sem hafa veruleg
áhrif á fjölda þeirra endur- og símenntunamámskeiða sem bóka-
verðir á Akureyri og reyndar á landsbyggðinni allri geta vænst
að sækja. Því fyrirhuga bókasöfnin á Akureyri að vinna í sam-
einingu að því að mennta sitt starfsfólk, t.d. með því að standa
sjálf fyrir námskeiðum, kynningarfundum og þ.u.l. Þetta er
reyndar þegar hafið því í haust hélt undirrituð fræðsluerindi um
gæði þjónustu og þegar hefur verið haldið námskeið um Inter-
netið fyrir bókaverði. Það er rétt að það komi einnig fram hér að
bókavörðum á öllu Norðurlandi eystra var boðið að taka þátt í
þessu og hafa þeir tekið því vel. Aheyrendur á fræðsluerindinu
vora fjölmargir og þar kom fram mikill áhugi á áframhaldandi
samstarfí.
Rétt er að taka fram að það víðtæka samstarf sem lýst hefur
verið hér að ofan er rétt að hefjast og því of snemmt að spá
nokkru um árangur, þar á ýmislegt eftir að hafa áhrif. En grund-
vallarhugsunin er sú, að skipuleggja aðgengi borgaranna á
Akureyri að bókasöfnunum sem eina heild. Því hefur mikið
verið rætt um nauðsyn þess að tryggja það að framhaldsskóla-
nemar verði jafn velkomnir á Bókasafn HA eða Amtsbókasafnið
eins og á sitt eigið skólasafn. Sama á við um hinn almenna
borgara sem hingað til hefur farið á Amtsbókasafnið en þarf
e.t.v. vegna endurmenntunar að sækja þjónustu á Bókasafn HA,
hann er velkominn þangað því á Akureyri verður áhersla lögð á
að skipuleggja bókasafnsþjónustuna svæðisbundið, en ekki teg-
undabundið.
Ymsar breytingar eru að verða í þjóðfélaginu sem kalla á nýja
hugsun í skipulagi og uppbyggingu bókasafnsþjónustu. Það er
kallað eftir stefnumótun og því að opinber starfsemi sé skilvirk
og vel skipulögð. Ýmislegt virðist benda til þess að notkun
bókasafna muni breytast á næstu árum. Þau munu þurfa í ríkari
mæli en áður að sinna þörfum fólks sem leggur stund á sjálfs-
menntun, símenntun og endurmenntun. Það er verkefni sem
krefst þess að bókasöfn allra tegunda stilli saman krafta sína.
Áður hefur verið talað um þarfir atvinnulífsins í þessu sam-
bandi. Tæknilegar framfarir gera bókasöfnum einnig kleift að
vinna saman á annan hátt í framtíðinni en hingað til. Islendingar
eru ekki sú stórþjóð að þeir hafi efni á að standa einir í þessu
tilliti. Því þarf að leita leiða til að allur safnkostur landsmanna
myndi eina heild. Sameinaðir stöndum vér - sundraðir föllum
vér.
NEÐANMÁLSGREINAR
1 John Kirby, „How to bridge the information gap,“ The Library
Association Record 98 (March 1996): 155.
2 A.K. Symons og K. Crane, „Capital city libraries: a model of
community cooperation," Bottom Line 8 (3 1995): 10-13.
3 D.J. Grimes, „Library instruction the cooperative way,“ College &
Research Libraries News, 55 (December 1994): 715-17.
4 A. Miller, „Co-operation and scholarship,“ British Journal of
Academic Librarianship, 7 (3 1992): 131-6.
SUMMARY
Mutual Library Goals in Akureyri
The article cites examples of cooperation between libraries in several
cities in Great Britain and U.S.A. Libraries in Akureyri have cooperated
successfully for a long time. A specific cooperation project was
launched early in 1996 to discuss mutual policies and promote mutual
goals. Almost all Akureyri libraries have taken part in the project. Two
workgroups were formed, one for university, special and secondary
school libraries along with the public library and one for elementary
school libraries. An open seminar was held in May for staff,
administrators and library users. In November the workgroup issued a
Report on Library Issues in Akureyri. It consists of two parts: Mutual
library goals and Elementary school library issues. Five goals are put
forth and eight ways to attain them are suggested. The report suggests a
mutual acquisition policy and more effective interlibrary loans, mutual
online catalogues and databases as well as a co-operative effort in user
education. It also suggests better services for the industrial sector and a
mutual depot library. The report is now being evaluated in the various
libraries. Concludes by emphasizing the need for cooperation between
libraries in one area as opposed to cooperation between similar types of
libraries. SM
BÓKASAFNIÐ 21. ÁRG. 1997 15