Bókasafnið - 01.04.1997, Blaðsíða 35

araðstöðu og notendatölva. Þegar þessar línur eru skrifaðar
hefur deildin enn ekki verið formlega opnuð, enda þótt marg-
vísleg starfsemi fari þar þegar fram. Hirslur undir safngögn og
annar búnaður er um það bil að komast í viðunandi horf, en
safngögnin sjálf eru ekki frágengin nema að hluta. Fyrst í árslok
1996 var lokið við að tengja tækjabúnað deildarinnar. Gestir eru
þegar farnir að nýta sér aðstöðuna og kunna vel að meta. Á
starfsmannasvæði er stjórnstöð ásamt afspilunartækjum fyrir
geisladiska, hljóðsnældur, myndbönd og hljómplötur. í sjálfu
safnrýminu eru aftur á móti tíu básar með fjarstýringu fyrir
gesti, þar sem hægt er að hlusta á hljómplötur, geisladiska,
snældur eða útvarp, horfa á myndbönd og jafnvel sjónvarp.
Hljómflutningstækjunum er einnig hægt að tengjast frá tíu
hægindastólum. Öllu þessu efni er hægt að miðla til tveggja les-
herbergja, eins hópvinnuherbergis og fyrirlestrasalar á 2. hæð. Á
starfsmannasvæði er einnig vandaður búnaður og aðstaða til
afritunar efnis á milli miðla.
Eitt af meginhlutverkum deildarinnar er að safna, varðveita
og miðla gögnum á sviði íslenskrar tónlistar og talaðs orðs, en
einnig efni á myndböndum og ýmiss konar öðru myndefni.
Safnið nýtur skylduskila íslenskra hljóðrita, sem lögleidd voru
árið 1977, en myndefni lýtur þeim ekki. Meðal markmiða
deildarinnar er ennfremur að hafa samskipti við innlend samtök
og stofnanir á sviði tónlistar, safna erlendu tónlistarefni eftir því
sem kostur er og afla annarra nýsigagna í samræmi við hlutverk
og skyldur safnsins.
Gögn deildarinnar eru að stofni til skylduskil íslenskra hljóð-
rita, nokkur stór hljómplötusöfn með erlendu sem innlendu efni,
sumu fágætu. Einnig má nefna myndbönd úr fórum Háskóla-
bókasafns, bæði fræðsluefni og sígildar kvikmyndir, gjafir Há-
skólabíós, nótur, margvíslegt smáprent og úrklippusafn, einkum
um tónlist. Handrit nótna og annars tónlistarefnis verður eftir
sem áður varðveitt í handritadeild og prentskilin í þjóðdeild.
Leitast er við að hafa aukaeintök af íslensku efni og sem bestan
ritakost, innlendan og erlenda, tengdan efni deildarinnar til
notkunar og útlána á hæðinni.
Lokaorð
Á þeim rúmlega tveimur árum sem Landsbókasafn Islands -
Háskólabókasafn hefur starfað hefur upplýsingadeildin verið að
finna sér farveg og móta stefnu varðandi mismunandi viðfangs-
efni. Fjölbreytt og áhugaverð verkefni blasa við hvort sem litið
er til upplýsingaþjónustu, fræðslumála, heimasiðugerðar, tón-
og mynddeildar eða annarra starfsþátta deildarinnar. Safninu er
ætlað mikilvægt hlutverk á sviði upplýsingatækni, sem leggur
því þær skyldur á herðar að fylgjast grannt með og tileinka sér
hina öru þróun sem á sér stað á þeim vettvangi. Þótt starfsmenn
leggi metnað sinn í að sinna þessu hlutverki sem best er fram-
vindan ekki einungis háð mannafla upplýsingadeildar heldur
einnig framtíðarfjárveitingum til safnsins. Öll störf í safninu eru
hlekkir í sömu keðju og stefna þegar allt kemur til alls að því
marki að þjóna notendunum sem best í nútíð og framtíð.
SUMMARY
Reference and Public Relations
This article describes the Reference Department of The National and
University Library of Iceland. The library opened on the lst of
December 1994 and was an amalgamation of the former National
Library and University Library. No specific reference department
existed in the two former libraries. The article describes how the depart-
ment has organised its services in the new library. Besides answering
most reference questions this department supervises the use of twenty-
six CD-ROM databases and the Internet. It also offers specialized
searches in databases such as Dialog, DataStar, ESA/IRS and Questel. It
supervises public relations and offers several programs conceming user
education. Together with the Circulation Department it has regularly
performed quality measurements in the library. The Audio-Visual
Division is also described. Its main function is to collect, preserve and
make available all material pertaining to Icelandic music and speech.
ÁA
BÓKASAFNIÐ 21. ÁRG. 1997 35