Bókasafnið - 01.04.1997, Blaðsíða 47

bókasafna er hægt að hafa opið allt árið og þar með er tryggt að
upplýsingamiðstöðin er hluti af ferðaþjónustu á svæðinu allt ár-
ið. Daglegur opnunartími getur verið mismunandi frá einum
stað til annars og þarf meðal annars að miða við almennings-
samgöngur inn á svæðið. Reynslan er sú að þörf fyrir upp-
lýsingar er mest áður en lagt er af stað að morgni og þegar kom-
ið er á næturstað. Því er nauðsynlegt að hafa opið alla daga vik-
unnar frá morgni fram á kvöld yfir háannatímann.
Bókasafnið er valkostur
Þegar bókasöfn og staðir sem veita ferðamannaupplýsingar
eru bornir saman sést að það er margt sem er líkt með þeim. Ef
litið er framhjá atriðum sem greina þessa staði að, og þau eru
vissulega til, þá sést að það sem er sambærilegt tengist allt
menningarlegum þáttum. Ferðamannaupplýsingum er m.a.
ætlað að greiða fólki leið að menningu og sögu staða og svæða.
Upplýsingar um sögulega atburði, einkenni bygginga og þjóð-
sögur eiga allar að vera til staðar á upplýsingamiðstöðvum fyrir
ferðamenn. Þessar upplýsingar eru nú þegar á almennings-
bókasöfnum þó svo þeirra sé aflað á annan hátt - bækur koma
hér í staðinn fyrir bæklinga.
Ef upplýsingar sem um er beðið finnast ekki á staðnum er
auðvelt að nálgast þær í gegnum upplýsinganet. Auk alls þessa
hefur í gegnum árin skapast hefð á bókasöfnum fyrir annars
konar upplýsingadreifingu þ.e. staðbundnar upplýsingar um það
sem er á döfinni og stendur til boða í bæjarfélagi og nágranna-
byggðum. Þessar upplýsingar fást bæði frá þeim sem stunda
bókasafnið og í gegn um fjölmiðla s.s. dagblöð, sjónvarp, út-
varp, auglýsingar o.þ.h. í hverju bókasafni er, eða ætti að vera
til staðar úrval heimilda, upplýsingaþjónusta, staðbundin þekk-
ing, samhæfing við önnur bókasöfn og góð þjónusta. Þetta
reyndist ómetanlegur grunnur þegar starfsfólk Bókasafns Suður-
Þingeyinga braut blað í sögu safnsins, fór skrefinu lengra og tók
að sér að veita ferðamannaupplýsingar á Húsavík.
Arinu var skipt niður í þrjú tímabil:
1. í ársbyrjun (janúar - aprfl) er safnað saman upplýsingum um
það sem er boðið upp á fyrir ferðamenn á svæðinu. Þetta er
tímabil sem notað er til grundvallarskipulagningar og fram-
setningar á efni. Dæmi um framsetningu: upplýsingum kom-
ið á tölvutækt form, bæklingum safnað í samvinnu við ferða-
þjónustusamtök á staðnum.
2. Yfir aðalannatímann, maí - ágúst gengur starfsemin út á að
sjá um samskipti og þjónustu við ferðamenn og daglegan
rekstur upplýsingamiðstöðvarinnar. Auk þess þarf að skipu-
leggja opnunartíma um helgar (frá júní og út ágúst). Allt árið
þarf að halda skrá yfir allar fyrirspurnir, sérstaklega yfir
annatímann, og athuga og skrá hvort þörfum ferðamanna er
fullnægt með því að spyrja ferðamenn sem valdir eru úr
hópnum af handahófi.
3. I árslok (september - desember) er farið yfir árangur, hvernig
til tókst, hvaða breytingar þarf að gera og samin ársskýrsla.
Stefna okkar var frá byrjun að notast við nýjustu tækni við
upplýsingaöflun og fella þar inní hefðbundnar aðferðir sem upp-
lýsingamiðstöðvar notast við. Einkatölvur og faxtæki eru því
jafn augljós tæki og regnbogalitir bæklingar.
Upplýsingaþörf ferðamanns byggist á því að hann þarf að fá
að vita hlutina því sem næst samstundis. Hann býst við skjótum
og nákvæmum svörum við spurningum um gistingu, veitinga-
staði, áhugverða staði, ferðir og það sem hægt er að gera. Þar að
auki líta margir ferðamenn á upplýsingamiðstöð sem þjónustu-
miðstöð sem er ætlað að leysa alls kyns vandamál. í mörgum
tilfellum vantar fólk upplýsingar fyrir ferðina sem framundan er.
Niðurlag
Þær mörgu og flóknu spurningar sem sum okkar óttuðust að
fylgdu þessu ferðamannaflóði létu á sér standa og menn gátu
andað léttar. Margar spurningar var hægt að flokka sem almenn-
ar spurningar sem eru í verkahring starfsfólks á bókasöfnum.
Við horfum fram til komandi sumars með tilhlökkun og eftir-
væntingu, því ef að líkum lætur verður nóg að gera og tilbreyt-
ing að svara annars konar upplýsingum en vetrarmánuðirnir
bjóða upp á. Upplýsingaþjónusta fyrir ferðamenn krefst starfs-
kunnáttu og færni í að nýta sér þá upplýsingamiðla sem til eru
og er því hvergi betur komið en á almenningsbókasöfnum lands-
ins.
HEIMILDIR:
Fotheringham, Margaret. 1987. Tourism and libraries. Public Library
Joumal 2(3); 37-39.
Hapel, R. 1992. Tre vestsvenska kulturhuse med stærke biblioteks-
indslag. 570(17): 536-538.
Roberts, Angela. 1976. The library as a tourist information centre.
Service point 11 (mars): 7-9.
Stejhumótun íferðaþjónustu. 1996. [Magnús Oddsson ... [et al.]. - [Rv.]
: Samgönguráðuneyti.. 74 s
SUMMARY
A Tourist in the Library
Last year Bókasafn Suður-Þingeyinga, the public library in Húsavík,
introduced a new information service for tourists and other travellers.
No tourist information service existed in the area and after discussions
with the Húsavík Tourist Board and the Office for Tourism in
Northeastem Iceland it was decided that the public library would meet
this need. The purpose of the information service is twofold: to provide
general tourist information in order to make travelling easier and to
provide a tourist centre for those making a living from tourism. The
author points out that libraries and tourist information centres have a lot
in common, e.g. both are dedicated to providing cultural, geographical
and historical information. Libraries are well-equipped to answer
travellers' needs for this kind of information since they usually have
access to various information databases. The article concludes by stating
that last year's experience was a success, the public library has proved
ils worth in this respect and the library staff looks forward to next
summer.
ÁA
BÓKASAFNIÐ 21. ÁRG. 1997 47