Bókasafnið - 01.04.1997, Side 57

Marta Hildur Richter
Fundir forstöðumanna almenningsbókasafna
Þann 29. september 1984 var stofnfundur Félags forstöðu-
manna almenningsbókasafna r Bókasafni Seltjarnarness.
Stofnfélagar voru 17 forstöðumenn víðs vegar að af landinu.
Kosin var þriggja manna stjórn og samþykkt voru lög félagsins
í 7 greinum. í nokkur ár höfðu forstöðumenn af Stór-Reykjavík-
ursvæðinu haft óformlegt samband sín á milli og komið saman
árlega til skrafs og ráðagerða. Söfn úti á landsbyggðinni höfðu
aftur á móti staðið ein og afskipt í þessum efnum. Haldnir voru
8 stjórnarfundir. Næsti aðalfundur var svo haldinn í Bókasafni
Hafnarfjarðar 12. október 1985. Þar var fjallað um tölvuvæð-
ingu, sameiginleg tölvukaup og sameiginlegt tölvukerfi, endur-
skoðun á lögum um almenningsbókasöfn og sameiginlega út-
lánakönnun. Formlegir fundir lögðust af m.a. þar sem formað-
urinn fluttist úr landi og annar meðstjórnandinn varð alvarlega
veikur, en forstöðumenn hittust óformlega eftir sem áður.
Vorið 1989 hittust forstöðumenn í Kópavogi, og sendu 42
forstöðumenn frá sér sameiginlegt bréf til allra bæjarstjóra á
landinu um launakjör starfsfólks almenningsbókasafna. I októ-
ber 1989 var boðað til fundar forstöðumanna almenningsbóka-
safna í Mosfellsbæ ásamt fulltrúa frá H.í. og bókafulltrúa. Alls
mættu 32 á fundinn. Var sá fundur m.a. haldinn til að undirbúa
endurskoðun á lögum um almenningsbókasöfn í þriðja sinn.
Mikill tími fór í kjaramál á fundunum 1989, en srðan hefur þeim
verið haldið utan dagskrár á þessum fundum.
Síðan 1991 hafa verið reglulegir vor- og haustfundir sent
boðaðir hafa verið með dagskrá. Ný stjórn hefur ekki verið
kosin aftur og fundir eru ekki boðaðir í nafni félagsins. Það
fyrirkomulag hefur komist á að fundarstaðir eru ákveðnir með
löngum fyrirvara og reynt að dreifa þeim um landið. Tveggja
daga fundir eru í maí og dagsfundir í september.
18. apríl 1991 var haldinn vorfundur í Keflavík og haust-
fundur 20. september á Akranesi. Þar var stofnaður kynning-
arsjóður almenningsbókasafna og samþykktar starfsreglur fyrir
hann. 22. maí 1992 var svo vorfundur á Akureyri. Fundurinn
sem vera átti í tengslum við Landsfund BVFÍ á Selfossi um
haustið féll niður. 13. og 14. maí 1993 var haldinn vorfundur í
Vestmannaeyjum og haustfundur 17. september sama ár í
Grindavík. 18. - 20. maí 1994 var vorfundurinn haldinn á Höfn
í Hornafirði og haustfundurinn í tengslum við Landsfund BVFI
í Munaðarnesi í september sama ár. 11.-12. maí 1995 var
vorfundur í Stykkishólmi og haustfundur í Mosfellsbæ 22.
september. Vorfundurinn 1996 var 17. - 18. maí í Bolungarvík
og haustfundur í tengslum við Landsfund BVFÍ í Munaðarnesi í
september. Aukafundur forstöðumann var haldinn í Kópavogi
31. janúar 1997 til að ræða frumvarp það til laga um almenn-
ingsbókasöfn sem nú liggur fyrir Alþingi.
Næsti forstöðumannafundur verður haldinn á Húsavík 23. og
24. maí næstkomandi.
Á fundina mæta yfirleitt um 22-26 forstöðumenn víðs vegar
að af landinu, flestir frá stærri sveitarfélögum. Allir forstöðu-
menn almenningsbókasafna eru velkomnir. Sá forstöðumaður
sem býðst til að halda næsta fund hefur veg og vanda af skipu-
lagi hans og leitar samráðs við aðra forstöðumenn um funda-
refni. Eins láta forstöðumenn uppi óskir um efnisumfjöllun.
Búið er að mynda tölvupóstlista forstöðumanna, en sífellt
fleiri forstöðumenn geta nýtt sér þá tækni. Á fundunum eru tekin
fyrir þau málefni sem helst eru á döfinni í „bransanum”. Má þar
nefna hagsmunamál er varða stjórnun, fjármál, starfsmannahald,
tækninýjungar og daglega starfsemi og rekstur almenningsbóka-
safna. Þá eru rædd ýmis sameiginleg verkefni og hagsmunamál
og teknar ákvarðanir um framkvæmd þeirra og fjármögnun.
Stundum eru utanaðkomandi aðilar fengnir til að mæta með
framlag er tengist starfsemi almenningsbókasafna. Á milli funda
starfa svo vinnuhópar að ákveðnum verkefnum.
Forstöðumannafundirnir eru sterkt afl í samvinnu almenn-
ingsbókasafna landsins. Samstaða er nauðsynleg því við höfum
á engan að treysta nema okkur sjálf. Það skortir faglega
yfirstjórn, samræmingu og ráðgjöf fyrir bókasöfnin í landinu.
Svona samvinna og upplýsingastreymi byggist á persónulegum
samskiptum einstaklinga og því er mjög mikilvægt að hittast og
ræða málin. Þótt þetta séu fyrst og fremst fundir til að ræða
fagleg málefni eins og áður er getið, þá má ekki gleyma því, að
við notum einnig tækifærið til að gleðjast saman. Gleðin er
andlegur og líkamlegur orkugjafi og skyldi ekki vanmetin.
Heimamenn sem halda fundina taka rausnarlega á móti okkur,
bjóða upp á ævintýra- og skoðunarferðir og hátíðarkvöldverð.
Búið er að stofna nokkrar deildir meðal forstöðumanna eins og
snjósleðadeild, siglingadeild og fleiri í kjölfar þessara funda.
Það er tilhlökkunarefni að fara á forstöðumannafund. Af því
höfum við bæði gagn og gaman. Það er fjölbreytt, spennandi og
mikilvægt starf að vera almenningsbókavörður í dag - og svo
eru bókaverðir líka svo hrikalega mikilvægir, flottir og
skemmtilegir bæði í leik og starfi.
Tekið saman í febrúar 1997.
SUMMARY
The Association of Public Libraries' Administrators
An historical account of the Association of Public Libraries'
Administi'ators which was founded in 1984 by seventeen head librarians
from all over Iceland. The association held meetings regularly during
the winter of 1984-85 but only met informally from then until the spring
of 1989 when meetings started to be held again. The purpose of the
meetings is to discuss matters common to all public libraries:
management, funding, staff problems, technical innovations etc.
Between meetings small committees work on various projects. A
listserv has also been set up. The general feeling is that the association's
meetings are a great help and inspiration to the librarians.
ÁA
BÓKASAFNIÐ 21. ÁRG. 1997 57