Ársrit Ræktunarfélags Norðurlands - 01.01.1916, Page 49

Ársrit Ræktunarfélags Norðurlands.
55
um, hvernig ársvextinum er varið hvert einstakt ár.
Skýrsla sú, sem hér fylgir, sýnir þetta, en jafnframt er
hún samanburður á vexti einstakra tegunda og á vexti
sömu tegundar við mismunandi vaxtarskilyrði.
Tölur þessar eru meðaltal af mælingum á 10 trjám af
hverjum flokki teknum upp og ofan, en þó gengið fram
hjá sérstaklega litlum eða lélegum plöntum. Hér er fyrst
sýndur aldur trjánna, þá meðalstofnummál í álnarhæð
frá jörðu, síðan hæsta og lægsta tré og meðalhæð allra
trjánna, sem mæld voru, og svo á hverju ári mesti og
minsti vöxtur og meðalársvöxtur. Meðalársvöxtur hvers
flokks er svo tilfærður í aftasta dálki, en meðaltrjávöxt-
ur hvert ár í neðstu línu.
Sömuleiðis sýni eg hér árlegan þroska einstakra plantna,
sem sérstaklega skara framúr að fljótum þroska, eða
lágmarki ná í vesaldómi.
þeir, sem fylgst hafa með því af athygli, sem fyr er
sagt, munu fljótt átta sig á þessum tölum, þeir eiga nær
því að kannast við hvert tré og hvern vaxtarstað, sem
hér er nefndur, skal eg því ekki fjölyrða um það frekar.
Hér getur hver sem vill, sama sem með eigin augum,
séð hvernig trjávextinum hér er háttað. Getur verið fróð-
legt fyrir þá, sem trjárækt hafa með höndum, að bera
þessar tölur saman við vöxtinn á trjánum í þeirra eigin
garði.
Hæð og aldur.
Eins og skýrslan ber með sér, eru allar þessar trjá-
plöntur mjög ungar. Margar hverjar tæpast komnaráþað
skeið, er líkur eru til þess að þær taki hröðustum þroska.
Yfirleitt virðist líka ársvöxturinn vera að aukast, en hve
lengi svo gengur, getur reynslan ein skorið úr. Hæpið
að miða það við vaxtarvenjur í erlendum skógum, nema
ef vera skyldi í norðlægustu stöðum. Annars má furða
heita, hve vöxturinn hér er ör, þegar á alt er litið. Jafn-