Ársrit Ræktunarfélags Norðurlands - 02.02.1952, Síða 6

hlýtt á ræður ýmissa áhugasamra bænda víðs vegar að af
Norðurlandi, sem áttu nokkuð af þeim sama áhuga og hann,
á að efla landbúnaðinn og nota til þess nýjustu þekkingu og
tækni. En hér fara kraftar til spillis, hugsaði Sigurður, meðan
samtökin vanta.... Hér vantaði ekkert annað en allsherjar
félagsskap Norðlendinga, til þess að gera djarfar hugsjónir
að veruleika. Á svipstundu stóð það fyrir hugsskotssjónum
Sigurðar, hvernig félagsskapur þessi skyldi stofnaður og
hvernig störfum lians skyldi haga í öllum aðalatriðum.
Á þessum morgni, þ. 24. marz, fæddist Ræktunarfélag
Norðurlands í huga hins unga skólastjóra.“
Hins vegar skýrði Stefán Baldvinsson í Stakkahlíð svo frá
í útvarpserindi, að Sigurður hafi gengið með hugmyndina
frá því snemma um veturinn, og rætt hana við þá Pál Briem,
amtmann, og Stefán Stefánsson, þá kennara, er hann dvaldi
á Akureyri um jólin. Hafi hann verið búinn að þrauthugsa
allt fyrirkomulag félagsins áður en bændanámsskeiðið hófst.
Ekki skiptir það miklu, hvort heldur hefur verið, en aðah
atriðið er, að Sigurður Sigurðsson átti frumkvæðið að stofn-
un félagsins, hún var ávöxtur af stórhug hans og bjartsýni,
næms skilnings hans á þörfum íslenzks landbúnaðar og óbil-
andi áhuga að vinna málefnum hans gagn.
Sigurður bar fram tillögu um stofnun ræktunarfélags á
umræðufundi á bændanámsskeiðinu. Var tillögunni tekið
með miklum fögnuði, og hinn 26. marz var samþykkt að
stofna félagið, og skráðu sig þá þegar 46 stofnendur, sem
hétu alls 500 kr. fjárframlagi. Eftir sýslum skiptust stofnend-
urnir svo: Þingeyjarsýslur 16, Eyjafjarðarsýsla 6, Skagafjarð-
arsýsla 22, Húnavatnssýsla 2. Fundurinn kaus framkvæmda-
nefnd, sem undirbúa skyldi reglulegan stofnfund. í henni
voru: Sigurður Sigurðsson, sr. Zóphonías Halldórsson, Við-
vík, Jóhann Jóhannsson, bóndi, Hvarfi, Bjarni Benedikts-
son, bóndi, Vöglum, og Baldvin Friðlaugsson, búfræðingur
frá Húsavík. Meðal annars var nefndinni falið að senda um-