Ársrit Ræktunarfélags Norðurlands - 02.02.1952, Blaðsíða 26

2(i
IV. STARFSEMI FÉLAGSINS
a. FRAMKVÆMDARSTJÓRAR.
Eins og fyn' getnr var Sigúrður Sigurðsson fyrsti fram-
kvæmdarstjóri féiagsins, og var hann það í 7 ár. Hann var
þá jafnframt skólastjóri á Hólum og gegndi einnig leiðbein-
ingastörfum úti um félagssvæðið. Slík störf voru svo um-
fangsmikil, að furðu gegnir, að einn maður skyldi geta haft
þau öl 1 á hendi án þess að þau biðu hnekki við. Að vísu
naut hann mikillar aðstoðar, því að lengstum var skrifstofu-
maður ráðinn hjá félaginu, til að annast reikningshald, vöru-
sölu og þess háttar, og verkstjórar til að stjórna daglegum
vinnubrögðum á sumrum.
Engu að síður varð það hlutverk Sigurðar að stjórna og
skipuleggja tilraunastarfið. Mun hann hafa verið einráður
um hversu því skyldi hagað. Voru tilraunirnar þegar í stað
fjölbreyttar og umfangsmiklar, og var þá þegar í upphafi
lagður grundvöllur þeirrar tilraunastarfsemi, sem félagið
rak síðan. I tíð Sigurðar voru gerðar grasræktar-, áburðar-,
kornyrkju-, garðræktar- og trjáræktartilraunir.
Öll slík starfsemi var þá nýjung hér á landi, og þurfti því
að reisa allt frá grunni. Ekki mun Sigurður hafa haft sér-
fræðimenntun að ráði sem tilraunastjóri, er því ekki að
undra, þótt sumar þessar tilraunir reyndust árangurslitlar
eða misheppnuðust með öllu. Hitt gegnir meiri furðu,
hversu góður árangur náðist. Einkum vöktu trjáræktartil-
raunir hans undrun og aðdáun.
Eftir Sigurð tók Jakob H. Líndal við framkvæmdarstjórn.
Hann var ágætur tilraunamaður og hélt af festu og dugnaði
frarn því starfi, sem Sigurður hafði lagt grundviill að. Af til-
raunum þeirra ára má einkurn nefna kartöflutilraunir, sem
gáfu góðan árangur. Jakob gat gefið sig óskiptan að störfun-
um fyrir félagið, en því miður lét hann af starfi eftir 6 ár