Ársrit Ræktunarfélags Norðurlands - 02.02.1952, Page 30

30
kjallara, kostaði það um 7000 kr. Var það síðan endurbætt
verulega.
Þegar liorfið var að því ráði að stofna kúabú, þurfti á
húsakosti að halda fyrir gripi og fjósamann. Var þá Galta-
lækur keyptur, sem fyrr segir, með þeim húsum, er þar voru.
En þau reyndust bæði lítil og léleg. Var þar því fyrst reist
fjós fyrir 15 gripi ásamt hlöðu 1928, en 1933 var húsakostur
aukinn þar að miklum mun. Ný íbúð var gerð, reist fjós fyr-
ir 12—14 gripi, hlöðurúm aukið, gerðar súrheysgryfjur o. fl.,
sem nauðsynlegt reyndist. Mátti kalla vel hýst á Galtalæk, er
félagið leigði stöðina 1946, enda höfðu öll hús verið reist
þar eftir 1927.
c. TILRAUNIRNAR.
Eins og oft hefur verið fram tekið var tilraunastarfsemin
meginviðfangsefni Rf. Nl. Tilgangur tilraunanna var að
leita að vísindalegum grundvelli fyrir grasrækt, garðrækt og
skógrækt á Norðurlandi. Hafa tilraunir á öllum þessum svið-
um verið reknar alla þá stund, sem félagið rak stöð sína,
þótt mjög misjöfn áhersla hafi lögð verið á einstaka þætti
þeirra á ýmsum tímum.
Auk aðalstöðvarinnar á Akureyri var komið upp eins
konar sýnistöðvum á árunum 1904—05 á Húsavík, Hólurn í
Hjaltadal, Sauðárkróki, Æsustöðum í Langadal og síðar á
Blönduósi. Störfuðu þær um nokkur ár. Þá voru gerðar
dreifðar áburðartilraunir hjá ýmsum bændum á Norður-
landi á árunum 1904-08 og síðar eftir 1930. Sú stefna var
uppi um hríð, að æskilegt væri að koma upp smátilrauna-
stöðvum helzt í hverri sýslu. En fjárskortur og fleiri örðug-
leikar ollu því, að lítið var úr þeim framkvæmdum, og stöðv-
ar þær, sem á fót komust lögðust bráðlega aftur niður.
Hér er ekki kostur að rekja tilraunir né árangur þeirra
nema í stærstu dráttum, enda gerist þess ekki þörf, þar sem