Ársrit Ræktunarfélags Norðurlands - 02.02.1952, Side 34

34
Ræktunarfélagsins tók Sigurður að láta gróðursetja tré í
tilraunastöð þess, bæði af erlendum og innlendum stofni.
Jafnframt var byrjað á uppeldi trjáplantna. Alls munu hafa
verið reyndar 30—40 tegundir trjáa og runna í Gróðrarstöð-
inni, og höfðu margar þeirra aldrei fyrr verið reyndar í ís-
lenzkri mold. Einna merkilegust var tilraun sú, er gerð var
með ræktun barrtrjáa í óræktarlandi. Er þar nú myndarleg-
ur barrviðarlundur, þótt lítt hafi verið að honum hlynnt.
Trjáræktartilraunir Rf. sýndu, svo að ekki varð um villst,
að kleift væri að rækta hér skóg, bæði barrtrjáa og lauftrjáa.
Var þó sá ljóður á hinum fyrstu tilraunum, að ekki var þess
gætt sem skyldi að fá-tré eða fræ frá sem heppilegustum stöð-
um, og varð því árangurinn minni í fyrstu en hann hefði
getað orðið. Uppeldi trjáplantna og runna hélzt stöðugt, og
hefur Rf. drjúgum stuðlað að því, að menn fengju trjáplönt-
ur til gróðursetningar við hús og bæi og í smáreiti, enda þótt
plöntuframleiðsla þess væri aldrei svo mikil, að hún gæti
verið undirstaða skógræktar. En um það verður ekki deilt,
að tilraunir Rf. Nl. voru langmerkasti þátturinn í sögu ís-
lenzkrar trjáræktar fyrstu áratugi aldarinnar. Síðar tóku
aðrir aðilar við því starfi.
Arið 1933 seldi Rf. trjágarðinn við kirkjuna Balduin Ryel
kaupmanni. Var þá svo komið, að félagið hafði ekki fjár-
hagslegt bolmagn til að standa straum af honum, nema með
því að það gengi á aðra tilraunastarfsemi, sem þá var talin
brýn nauðsyn á. Sala þessi sætti nokkurri gagnrýni, en svo
er um hnúta búið í sölubréfi, að sé garðurinn notaður á
annan hátt en sem skrúðgarður, eða sé honum svo illa við
haldið, að gróðri þeim, sem þar er, sé hætta búin af þeim
ástæðum, getur Ræktunarfélag Norðurlands, eða sá sem
kann að koma í þess stað, krafizt þess að fá garðinn keyptan
fyrir sömu upphæð og hann er nú seldur fyrir, hversu langt,
sem liðið er frá sölu hans og hver sem þá er eigandi garðsins.
Þegar í öndverðu var hafin blómarækt í Gróðrarstöðinni,