Ársrit Ræktunarfélags Norðurlands - 01.01.1961, Side 105

105
kornræktarframkvæmdir þær, sem nú eru hafnar í landinu,
hinar merkilegustu og þurfi sem fyrst að rannsaka, hve víða
á landinu sé hægt að rækta korn með góðum árangri.
Fundurinn beinir því þeim eindregnu tilmælum til þing-
manna Norðurlandskjördæma, að þeir hlutist til um það við
Alþingi, að framlag til kornyrkjutilrauna verði stóraukið —
til þess: I fyrsta lagi að efla almennar undirstöðu-rannsóknir
í kornrækt, og í öðru lagi til dreifra tilrauna í Norðlendinga-
fjórðungi, sem framkvæmdar verði á vegum Atvinnudeildar
Háskólans og Tilraunaráð jarðræktar".
Tillagan samþykkt samhljóða. Síðan gefið matarhlé til
kl. 1.
Að matmálstíma loknum hófst fundurinn að nýju.
2. Hófst þá framsöguerindi Skafta Benediktssonar um
nautgriparækt.
Skafti hóf mál sitt á því að rekja sögu nautgriparæktarinn-
ar hér á landi í stórum dráttum. Taldi liann að beztur ár-
angur hefði náðst í þeim félögum, sem bezt og lengst hefðu
vandað til nautavalsins. Benti hann á með ýmsum tölum, live
mikil mjólkurhæfni væri til í stofninum. Alltof mikið væri
af því, að bændur væru með lágmjólka kýr ár eftir ár, til
skaða fyrir bóndann og heildina.
Afkvæmarannsóknir taldi hann stóran þátt í þeirri við-
leitni að bæta kúastofninn og veita öryggi í kynbótastarfinu.
Hann taldi ekki vafa á því, að samvinna bænda á suður- og
suðvesturlandi benti í þá átt, að Norðlendingar ættu að taka
upp samstarf við S.N.E. á Akureyri, sem yrði þá eins konar
miðstöð hér á Norðurlandi í kynbótastarfinu.
Ólafur Jónsson talaði næstur framsögumanni og skýrði í
nokkrum atriðum frá starfsemi S.N.E. og reynslu á umliðn-
um árum. Hann kom inn á samstarfið hér norðanlands og
kvaðst þó vilja ganga lengra og gera landið að einni lieild í
kynbótunum. Ólafur sagði, að rannsókn á gildi nautanna
yrði einnig að fara fram út í sveitunum, jafnhliða rannsókn-