Ársrit Ræktunarfélags Norðurlands - 01.01.1962, Qupperneq 39

39
þar til gerðum krókum. Hafi mjaltavélin verið skoluð úr
klórblöndu er bezt að endurtaka skolunina rétt áður en
hún er tekin í notkun.
Fylgja þarf nákvæmlega fyrirmælum um þvott og dauð-
hreinsun á mjaltaleiðslukerfum.
Á það skal bent, að gamalt, slitið gúmmí er hvorki hægt
að þvo né dauðhreinsa svo vel sé. Gangi illa að hafa fiokk-
un mjólkurinnar í lagi, er ástæða til að láta sér detta í hug
að langa mjólkurslangan sé orðin of gömul. Hún er nær
aldrei tekin úr notkun eða endurnýjuð af öðrum ástæðum,
en erfitt er að fylgjast með ástandi hennar. Hún getur sýnzt
gallalaus að utan, þótt innra borðið sé orðið ónothæft.
Kœling mjólkurinnar.
Um þetta efni skal aðeins bent á eina tilraun með
geymslu mjólkur með mismunandi hitastigi:
Við geymslu á 12° C heitri mjólk í 18 tíma var hver baktería orðin að 4
Við geymslu á 15° C heitri mjólk í 18 tíma var hver baktería orðin að 100
Við geymslu á 21° C heitri mjólk í 18 tíma var hver baktería orðin að 4500
Af þessari athugun má marka, að hitasdg mjólkurinnar
má ekki til lengdar vera yfir 15° C, og helzt þarf að vera
hægt að kæla mjólkna þetta mikið áður en ein klst. er )ið-
in frá mjöltum.
Með hitamæli er auðvelt að fylgjast með kælingunni, ef
hún ekki er nógu góð, verður að leita nýrra úrræða. Góður
þrifnaður og vandlát hirðing mjaltatækja nær skammt, ef
bakteríurnar í mjólkinni fá að aukast og margfaldast stjórn-
laust þegar að mjöltum loknum.